ج 2 كبير الصعيد
حازم رجع بص لليليان ولسه اثار النوم عليها
حازم : في اي يا حبيبتي
ليليان مدت ايديها ليه باللعبه فا فهم انها بتقول باظت
حازم ركب ليها اللعبه ونزلها وقال
: روح العبي جوه يا روحي
ليليان مشيت وحازم قرب من خديجه بيشيل الشعر من علي وشها وباسها من خدها
خديجه بإنزعاج : امممم
حازم : خديجه قومي
خديجه بنعاس : سيبني انام شويه
حازم : خديجه الساعه 4 العصر
خديجه قامت من مكانها بسرعه وقالت : يا لهوي معملتش الغدا لعمي
حازم ضحك عليها بصوته كله
: غدا ايه انتي هتنزلي تعملي عشا
خديجه بضيق وكسوف وهي قايمه : ما كله بسببك
…….
حازم نزل لقي ابوه و زين و سليم قاعدين في الحوش
حازم : السلام عليكم
سليمان : اي يا حازم من امتا وانت بتنام في النهار وبتسيب القاعه
حازم بإحراج : مفيش يابوي كنت تعبان شويه بس
خديجه دخلت وهي بتقدم ليهم الشاي
سليمان بص لحازم : مش ناوي تفرحنا يا ابو رحيم بقا
حازم حط ايده علي راسه : امم قريب يابوي
خديجة إتكسفت وطلعت
وسليمان بص لزين
زين بمزح : عد علي ايدك تسع شهور من دلوقتي وهبقا ابو اسلام ورويدا
سليمان بص سليم الي ماسك تلفونه ببرود بيأس
حازم تلفونه رن
حازم قام وقف وقال : طيب لم الموضوع انت انا جاي دلوقتي
سليمان : في اي
حازم : في اتنين متخانقين ومعورين بعض همشي انا….
حازم مشي و شويه وطلع وراه زين وهو متوتر
زين بهمس وهو بيتكلم في التليفون : نفذ دلوقت….
زين رجع قعد مكان وبهدوء
شويه وجه اتصال لـ سليمان
سليمان بصدمه : ازاي لا اكيد لسه عايش..
كمل : يعني اااااي مات….بتب
….بتبع19=روايه امتلكني كبير الصعيد الفصل التاسع عشر 19
الفصل التاسع عشر
حازم داخل من الباب
:ابوي ال.. حازم وقف ساكت لما لقي البيت كله ساكت ومصدوم
حازم: في اي
سليمان بزعل: عبد الصمد مات في حدثة عربيتك … دا الغفير وقريب اوي من سليمان …
حازم بِ أسي: ربنا يرحمه وهو اصر إن هو اللي يروح يحل المشاكل دي فا سبته انا هبعت حد يجيبه
سليمان: حازم تعالي معاي عايزك
……
سليمان بتعب: أنا تعبت يا حازم يا بني نفسي اطمن عليكم قبل ما اموت
حازم بلهفه: بعد الشر عليك يابوي
سليمان: الموت علينا حق يا ولدي
حازم اتنهد: واي الي يريحك يا بوي
سليمان: انت عارف اني لو مت عمك اسماعيل وابن عمك علي ليهم ورث وعمك اسمعاعيل بقاله سنين مهاجر بس ساعه الفلوس هتلاقيه أول واحد
