ج 4 كبير الصعيد
دياب بهدوء: لا مفيش ضرب تاني
فيروز مسحت دموعه وهي بتبصله
: ازاي
دياب كان مركز ملامحها اللي احمرت من العياط وقرب منها باسها بهدوء
: كدا
دياب اخدها في حضنه
دياب اتنهد : كنتي بتكلميه
فيروز: لا ولله ابدا ولا مره
دياب: امال عرفتيه ازاي
فيروز: كان ساكن جنبينا و بيسمع صوت صريخي لما محمد اخوي كان بيضربني ويجي يحوش عني
دياب شدد علي حضنه قوي
: كان في تعامل بينكم
فيروز : لا لانه كان بيتعلم في القاهره وبينزل كل فين وفين
دياب هز راسه وبص لفيروز اللي في حضنه وشها الاحمر وشعرها اللي لازق في وشها من دموعها
دياب قرب منها وباس راسها وخدها ولسه هيكمل الباب خبط
دياب بعد بغضب
: مين
الخدامه : في واحد تحت عايزك يا بيه
دياب: طب دقيقه وجاي
دياب بص لفيروز: خليكي هنا اوعي تنزلي هاجي بسرعه
فيروز هزت راسها
……
تحت كانت فاطمه ماشيه وهي باصه في التليفون خبطت في شخص
فاطمه : ااه مش تفتح يا اعمي
يوسف : امم مش يمكن انتي اللي عامية
فاطمه : اي البجاحه دي انت عارف بتكلم مين وازاي ترد كدا عليا في بيتنا
يوسف : لسانك يا حلوه لقصهولك
فاطمه : عارف لاش ابوي عايزني كنت وريتك مقامك
فاطمه مشيت كان نزل دياب
دياب : شكلك قابلتها
يوسف : لا اوعاا تقولي دي فاطمه
دياب : ايوه يا سيدي هي
يوسف : فاطمه اللي كنا بنجبلها مصاصه واحنا جايين من المدرسه
دياب بضيق : ايوه هي يا يوسف
يوسف بيحرك ايده علي دقنه
: فجرت بس حلوه وزي ما هي
هنا بوكس نزل علي وشه من دياب رجع علي اثره لورا
دياب: لا احترم نفسك ياروح امك
يوسف : يخربيتك ايدك لسه تقيله زي ما هي
دياب : امشي قدامي علي المندره
يوسف ودياب راحو قعده مع سليم وحازم وزين
حازم بترحاب : اهلا وسهلا اخبارك اي ولا نسيتنا
يوسف باس ايد حازم
: هو انت فضلك يتنسي يا حازم بيه
حازم: يمكن الغربه نستك
دياب: هي تقدر
الكل ضحك ويوسف فضل يتكلم معاهم شويه
يوسف: احم عمي زين انا كنت جاي اطلب ايد بنت حضرتك فاطمه
زين: ولله يا ابني ما عارف اقولك ايه اديني يومين افكر حتي
حازم : يوسف تربيتي وانا واثق فيه مش محتاج تفكر
زين : خلاص اللي يشوفه اخوي الكبير
يوسف: طب يعنى بما انت فرح يونس و يحيي السبوع الجاي كنت عايز ابقا معاهم
دياب: روح ارتاح دلوقتي وبكره نشوف الموضوع دا هخليه ام ورد تحضرلك اوضة الضيوف
