ج 4 كبير الصعيد
: نازله الساعه 4 واتأخرت
دياب رجع راسه علي المخده تاني
: لسه بدري محدش صحي
فيروز : علشان الحق اعمل الفطار واشطب البيت.. ا.. انت بتتخانق معاي لو ملاقتش كل حاجه جاهزه
دياب بعد ايده عن وسطها بهدوء
: روحي
فيروز ونزلت علي تحت
……
الكل قاعد علي السفره ياكل
ليليان : خلاص يا فيروز اقعدي كلي
فيروز وهي بتحط الطبق علي السفره
: في شويه مواعين في الحوض هغسلهم واجي
فاطمه بتناكه
: هاتيلي قهوتي معاكي يا فيروز
دياب شد ايد فيروز وقعدها جنبه
: ولله انا مرتي مش خدامه لحد اللي عايز حاجه يجيبها لنفسه
فاطمه بصوت واطي
: اشحيالله ان مكانش دا مكانها…
كملت وهي بتبسم لدياب
: اكيد يا ابن عمي
دياب قام من مكانه
: اعمليلي شاي وهاتيهولي علي فوق
فيروز قامت من علي الاكل
: حاضر
دياب : خلصي فطارك وبعدين
دياب طلع وفيروز قعدت تاكل وفاطمه بتبصلها بغل
الغفير :حازم بيه البشمهندس ابراهيم في المندره عايزك
حازم : دقيقه وجاي…
حازم وهو قايم : حد يعمل شاي ويبعته
ليليان قامت بسرعة
: خليكي انتي يا فيروز وهعمل انا يابابا
حازم : ماشي
……
حازم : خير يا ابراهيم
ابراهيم : مفيش يا عمي بس الارض اللي قولتلي اشتريها واعمل عليها المصنع انا بدات فيها
حازم: طب كويس
ابراهيم : تحب تشوف رسم المصانع
حازم : لا وريهم لدياب علشان مصانعو هو
ابراهيم : ماشي يا عمي
حازم اتنهد : ابراهيم انت زي دياب ويونس ويحي بالظبط
ابراهيم : طب شرف ليا ولله يا عمي حازم
حازم : انت اخل علي 40سنه ومتجوزتش لحد دلوقتي
ابراهيم بحزن : مفيش نصيب يا باشا
حازم : عارف انك كنت بتحب واحده انا مش عارف اي اللي حصل بس انت مش هتفضل طول عمرك وانا يا سيدي جايبلك حتة عروسه
ابراهيم : مين
حازم : ليليان بنتي انا مش عايزك تبقا مجرد واحد بيشتغل عندي انا عايزك زي ابني بجد
ابراهيم : دا شرف ليا تبقا حماي والله
حازم : الفرح السبوع الجاي مع الولاد قولت اي
ابراهيم : اللي تشوفه يا حازم بيه
…….
فيروز طلعت الشاي لدياب وكان
دياب قاعد علي الكنبه التليفون في ايده و سجاره في ايده التانيه
فيروز دخلت بالشاي ودياب شاورلها تحطه علي الترابيزه
دياب علي التليفون : معاك معاك… لا متخافش كله تمام هستناك
………
دياب ضحك : لا والله علي اساس ان انت مفتكر ولا علشان بقيت ظابط هتتغر علينا…
