ج2 حبيبي

الحلقة السادسة ” ابراهيم واقف يبص لنها شويه ولمسعد شويه ” ابراهيم بعدم فهم : نها مرات وائل ابن عمك ازاي مش فاهم ؟ مسعد بصله : انت تعرفها منين يا ابراهيم ؟ نها : مسعد انا و وائل هنطلق وابراهيم هيتجوزني وقالي محتاجك في مصلحه وانا مقدرش اتأخر عليه صح يا ابراهيم ابراهيم : طبعا يا قلبي وبعدين في اي يا مسعد المهم مصلحتك تمشي يجدع سيبك بقا من الباقي فكر في نفسك رجالة توفيق قالبين الدنيا عليك لو مسكو,,ك مش هيسمو عليك وانت عارف كدا ” مسعد فضل ساكت ازاي ابراهيم هيتجوزها وهو متجوز وهل نها عارفه ان ابراهيم متجوز اصلا وازاي نها تسيب وائل اللي معيشها ملكه وتتجوز ابراهيم ” مسعد اتنهد : انتي عارفه انتي جايا ليه يا نها ابراهيم فه,مك هتعملي اي ؟ نها بصت لإبراهيم : اه فهمني متقلقش انت ” وقالت بتحذ,,ير ” بس مسعد انت مشوفتنيش انا مش عايزه حد يتكلم عليا نص كلمه مسعد قعد علي الكنبه وقال بسخ.ريه : متقلقيش يا طاهره لو جاهزه يلا علشان هوديكي لتوفيق علي انك زينة واوعي تنسي انتي زينة اختي انسي انك نها دي خالص نها بقلق : الساعه ٤ الفجر معقول هنروح دلوقتي ليه مسعد بسخ.ريه : نها انتي مش عروسه يما وهتتزفي ف انج,,زي يغاليه الواحد مش ناقص …………………………….. ” في شقة عاصم ” ” عاصم نايم بعمق ، و زينة نايم,,ه علي بطنها علي الارض ومعاها كراسة رسم كبيره والوان مايه وبدأت تلون الرسمه ‘ نشاط مدرسي في مدارس الدبلوم ‘ عاصم النور اللي في الاو,,ضه بدء يضايقه فقام اتعدل وبص علي زينة ” عاصم بنوم : صاحيه تعملي ايه يا زينة الساعه ٤ الفجر ؟ زينة قامت قعدت وبصت ليه وقالت بإحباط : بتعلم الون ازاي بألوان المايه علشان همتحن بيها بس زي ما انت شايف بهدلت الدنيا ومش عارفه اعمل بيها اي حاجه
عاصم قام قعد جنبها كانت ماليه الالوان مايه كتير جدا والالوان خفيفه : الوان المايه بتخدي الفر,,شه وتحطي حته صغيره من اللون عليها نقطة مايه وتدمجيهم بعض الون ولا يبقي خفيف ولا تقيل فهمتي زينة مسك,,ت علبة الالوان وحطيتها قدامه : خد علمني اعمل ايه وانا اعمل عاصم مسك الالوان وبدء يعمل اللون ويلونلها في الرسمه : شوفتي الون ولا تقيل ولا خفيف واضح وشكله حلو ولما تلوني يا تلوني بطول يا بالعرض امشي طول الرسمه علي نمت واحد علشان تطلع منظمه وشكلها حلو زينة بصت علي الرسمه بنبهار : واو مين اللي علمك التلوين ال,تحفه دا ؟ عاصم ببتسامه : علي اساس انا خريج حقوق ما انا خريج دبلوم قسم زخرفه زينة بستغ..راب : ازاي خريج دبلوم وميكانيكي عربيات مش الشغ,,له دي بتحتاج هندسه ؟ عاصم بغر..ور : انتي مش واخده اي حد كدا والسلام جوزك احسن من المهندس نفسه بصي انا ياستي كنت في المدرسه وكنت بشتغل مع ابويا ميكانيكي ف فهمت الصنعه منه واشتغلت بيها زينة بصت ليه بحماس : عاصم انا كنت عايزه اتجوز بطل روايه يعني بيكون رجل اعمال وعنده فلوس كتير وفلل وعربيات وخدم عارف انت الناس دي عاصم رفع حاجبه : كنتي عايزه تتجوزي احمد ابو هشيمه يعني ؟
زينة بقرف : اقولك بطل روايه تقولي احمد ابو هشيمه انا كنت عايزه اتجوز فهد الفهود عاصم بسخ.ريه : معلش بقا يا ست الممحونه نصيبك وقع معايا انا بيعمل ايه فهد الفهود دا وانا اعمله زينة : بيغير علي مراته من اخوها وابوها محدش غيره بيح*ضنها بيجبلها كل يومين طقم الماس وهي بتعمل نفسها الطقم مش فارق معاها عاصم بصداع : زينة زينة دماغك يما الله يستر عرضك طقم ماس ايه اللي نفسك فيه دا انتي متجوزه واحد عليه اقساط زينة ابتسمت وقربت منه بدلع : بس انا بحبه جاب ماس جاب فضه مجبش خالص بحبه ” عاصم ابتسم ليها بتوتر ولاقي ان احسن قرار انه يقوم يكمل نومه ولسه هيقوم زينة شديته ليها ” زينة بهمس : هتفضل تتهرب مني كتير ؟ عاصم بتوتر : انا مبتهربش يا زينة هتهرب منك ليه زينة قربت منه اكتر : كل ما تيجي فرصه اننا نقرب فيها من بعض انت بتنهيها وتسيبني وتمشي انت مش حابب قربي لدرجه دي يا عاصم عاصم بصلها وقال بهدوء : انا طالب منك وقت يا زينة طالب منك تديني فرصه ان اقرب بمزاجي اقرب وانا حابب القرب مش مجبر عليه انا لو مش حابب وجودك همشي انا محدش جابرني علي ان ابقي انا باقي بمزاجي ومحدش جبرني اتجوزك انا اتجوزتك برضو بمزاجي بس كل المشكله ان محتاج وقت وبس زينة بعدت عنه شويه وقالت ببتسامه عكس الحزن اللي في قلبها : وانا هديك وقتك يا عاصم ادخل انت نام وانا هخلص وهاجي انام انا كمان
” عاصم حاسس بكل اللي هي فيه حاسس بوجعها وحاسس بحزنها ومقدر دا بس مين يقدره ومين يفهمه ليه هو لازم يفهم ويقدر الكل وهو محدش يفهمه ” عاصم شد اديها : سيبي كل حاجه بكرا كملي دلوقتي هنام يلا قومي ” زينة قامت معاه بقلة حيله ونامت في مكانها ولكن اتصدمت لما لقت عاصم قربها منه وح*ضنها من ضهرها ود\فن وشه في رقابتها ونام ” عاصم بهمس : حقك علي عيني وزعلك علي عيني ” زينة غمضت عيونها وابتسمت بهدوء ونامت وفي دماغها احلام جديده ” …………………………….. ” نهار يوم جديد واحداث جديده ، كالعاده الدوشه بدأت في الحاره ” ” في شقة ابتسام ” ” رامز قاعد في الصاله علي الكنبه جنب حما\ته بيحاول يفتح فونه اللي مش راضي يفتح خالص ، ابتسام كانت خلصت عمايل فطار وجابته الصاله ” ابتسام بصت لرامز المكشر : مالك يا رامز علي الصبح بوزك مترين ليه يا غالي رامز بصلها : الفون دا حد اخده من جنبي وانا نايم لعب فيه ؟ ابتسام بتوتر : مش انا والله يمكن سما جت اخدته انت عارف مبتعرفش تنام غير لما تلعب في الفون رامز بضيق : يعني سما عرفت تاخد الفون من تحت دماغي مش انتي يعني بعدين في فونك اهي ح/رقت ام الفون وعليه ارقام الناس والشغل اعمل اي دلوقتي ” وبص لحما\ته ” والبني دا يرضيكي من بنتك يما ؟
مرفت بصت لبنتها بلوم : طب اعمل فيكي ايه ضيعتي ارقامه وشغله ابتسام قعدت علي الارض وبدأت تاكل : يما مش انا بنته اللي بوظت الفون مش انا رامز بغض/ب : ومين اللي اخد الفون فتحه ليها يا منوره ابتسام : انزلو بس كدا افطرو وبعدين نشوف موال الفون دا حطه علي الشاحن يمكن يفتح ” رامز بصلها بضيق واستغفر ربنا ونزل قعد ياكل مع حما\ته ” ابتسام : اه صح كنت هنسي النهارده كتبت كتاب نوال صحبتي وبإذن الله هروح رامز رفع حاجبه : وحضرتك بتعرفيني ولا بتستأذني علشان اكون فاهم بس ؟ ابتسام ببتسامه : لاء يحبيبي بستأذن طبعا ها قولت ايه رامز بلا مبالاه : لاءش ابتسام بتعراض : ليه ان شاء الله مش هروح ليه مرفت بغض/ب : خلاص يا ابتسام جوزك قالك مش راحه خلاص متجادليش رامز بصلها بغض/ب : ازاي متبقاش ابتسام لو لسانها مطولش ومردتش الكلمه بمليون ” ابتسام سكتت ومتكلمتش وكملت اكلها ورامز خلص اكل ونزل علي شغله ” مرفت بغض/ب : ايه المعامله اللي بتعمليها لجوزك دي يا ابتسام انا وابوكي ربناكي علي كدا
ابتسام : يما رامز قلبه ابيض ومبيزعلش مني مرفت : وعلشان مبيزعلش تنكدي عليه عيشته دا بيقولك لو كان حبيبك عسل متخلصوش كله يابنتي احترمي جوزك يا ابتسام معاملتك ليه هي اللي بنتك هتعامل جوزها بيها ابتسام : حاضر يما متزعليش نفسك انتي وانا لما رامز يجي هراضيه مرفت اضايقت من ابتسام ومعاملتها لجوزها : اتصلي بأخوكي علشان عايزه اروح بيتي ابتسام بصتلها : انتي مش مبسوطه معايا يما انا زعلتك في ايه علشان عايزه تروحي مرفت : مبرتحش غير في بيتي ولا بعرف انام غير علي سريري سبيني براحتي ابتسام : حاضر يما هتصلك بيه ” ومسكت فونها ورنت عليه ولكن مردش عليها ” مبردش عليا مرفت : الاه ايه الشغلانه دي يولاد هنفضل كدا كتير ابتسام بضحك : ايه يما عريس وفرحان بعروسته …………………………… ” في شقة عاصم ” ” عاصم نايم بعمق ، وزينة فاتحه فونه بتقلب فيه ونزلت علي الفيس الخاص بعاصم علي انه متجوز واستوريهات حب ليها وعملت منشن ليها خلي كل اللي عند عاصم يستغربو حتي ابتسام ورامز ” زينة بيتسامه وهي بتقرأ الاستوريهات اللي نزلتها : دمت لي حبيبا حتي نشيب سويا زينة حبيية قلبي طب والله استوري تحفه ” والرسايل بدأت تتبعت لعاصم ”
عاصم اتحرك في السرير كانت زينة سابت فونه بسرعه ومسكت فونها : صباح الخير زينة ببتسامه : صباح النور ابتسام رنت عليك كتير بس اتكسفت ارد قولت لما تقوم ترد انت عاصم دعك عينه وفتح فونه ورن علي ابتسام : الوو ايه يا ام سما ابتسام ببتسامه : ايه يعم الرومانسي بقا زينة تغير المعلم عاصم سلطان في يومين يجبروتها يجدع عاصم بهدم فهم : رومانسي ايه واتغيرت فين ما انا دي ما انا يابت مالك ؟ ابتسام بضحك : زي ما انت ايه بقا امال ايه الاستوريهات الجامده دي ولا منشور جوزاكم والله الكلام خط*ف قلبي متخيلتش يطلع الكلام دا منك ” عاصم قفل في وشها وفتح الفيس كانت زينة بدأت تتوتر ولسه هتنزل عاصم مسكها ” عاصم بصدمه : استني استني رايحه فين مين نزل المس*خره دي يا زينة ؟ زينة بتوتر : معرفش انا هعرف ازاي دا فونك انت ممكن تكون نزلته مت غير ما تاخد بالك عاصم بغض/ب : هنزل بحبك يمراتي واعملك منشن وانا مش واخد باالي يا زينة انتي بتفتحي فوني ليه اصلاا زينة ببرائه : علشان الناس كلها تعرف اننا اتجوزنا يعاصم ولا انت مش عايز تعرف حد عاصم بنرفزه : قومي من وشي يا زينة قومي بدل ما اهبدك خبطه تمو*تي فيها
زينة قامت بكل كيد وقالت : اوكي قايمه واعمل حسابك ان مامتي والعيله جاين النهارده زياره ومامتك لما تيجي خليها متمشيش بالله عليك ” عاصم مردش عليها وفضل يقرأ الرسايل اللي اتبعتت ليه ، وزينة دخلت الحمام تاخد شور ” عاصم بزهول : ايه الكيد دا ايه طب الواحد يمشي ازاي في الحاره بعد الكلام اللي الهانم منزلاه دا ” وراح وقف قدام باب الحمام وخبط بغض/ب ” اطلعي يا زينة انجزي زينة لفت فوطه عليها وطلعت قدامه بكل برود : عايز ايه ؟ عاصم بصلها ومعرفش يتكلم من شدة التوتر وشدها بغض/ب عليه : انتي بتعملي فيا ايه انا كنت متجوز واحده كامله من كله معملتش فيا ربع اللي انتي بتعمليه زينة بتمثيل البرائه : وانا بعمل فيك اي يعاصم يعني عاصم غمض عينه وقال بهدوء : ادخلي الحمام ومتخرجيش غير وانتي لابسه هدومك كامله انا اللي فيا مكفيني ” وسابها وخرج من الاوضه ” زينة ضحكت بكيد : ولسه يحبيبي هسويك علي ن\ار هاديه بس الصبر …………………………. ” وائل قاعد في شقته بكل هدوء بيفكر ليه مراته تخونه قصر في اي معاها علشان تعمل معاه كدا معقول كل واحده جوزها مسافر بتخونه ولا هو لوحده ق\طع تفكيره رساله جتله علي الفون ف مسكه وبص فيه بهدوء ” الرساله : لو عايز تعرف مراتك فين دلوقتي وبتخونك مع مين تعالي علي العنوان دا حالا متفكرش كتير
الحلقة السابعة وائل ابتسم بسخ.ريه علي الرساله وسجل الريكورد : يا باشا العنوان معاك لو المدام تلزمك حلال عليك ” وبعت الرساله وقفل فونه ونزل علي بيت جده ” جمال شافه قعد بكل هدوء وثبات استغرب ثباته : وضعك مش مريحني يا وائل يابني وائل انتبه لكلام جده : انا لو حلفتلك بالله ان انا حاسس بهدوء نفسي وراحه انت مش هتصدقني بس انا كويس والله ، رجعت عقلي لقيت ان كنت غلط في اختياراتي وبحاول اصلحها جمال ابتسم ليه : صدقني طول ما في بالك الخير وناوي عليه ربك هيكرمك وهيقف معاك ودي واحده ولا ليها اصل ولا فصل الكل قالك هي لاء يا وائل بس كنت معمي ودا نصيبك وقدرك وشوفته خير ف انت شوفته شر ف انت شوفته ………………………………. ” في شقة عاصم ” ” ابتسام طالعه علي السلم بتزغرط ووراها نجوي وساميه ومرفت ورامز ووائل وجمال ” عاصم فاتح الباب وواقف مستنيهم يطلعو : مخلاص يا سُكر ولا مستحليه صوتك ؟ ابتسام بفرحه : فرحانه يعاصم هو انت كل يوم بتتجوز يعني ” وح*ضنته اوي ” الف مبروك يا غالي عاصم بحب : الله يبارك فيكي يا بسومة عقبال ما نفرح بسما يارب مرفت اول ما شافت عاصم عيطت وح*ضنته : وحشتني اوي يا عاصم حسه ان مشوفتكش من سنه مش يومين عاصم ح*ضنها بلوم : قولتلك يباتك معانا في الشقه مش هيضايقنا وانتي اصريتي تزعليني وتمشي برضو رامز اللي شايل سما ولميس : اوعي يماا انتي وهي كدا خليني اطمن علي الولا ” وح*ضن عاصم اوي ” رفعت راسنا ولا ناخد البط والحمام ونروح تاني عاصم بضحك : صحبك اسد يلا انت مفكر ايه رامز بهمس : مش حاسس يجدع بصدق في كلامك بقالك يومين قاعد في الشقه بتعمل ايه الجوازه التانيه حلوه ولا وضعها ايه ؟ ابتسام ببلطجه : اتكلم علي قدك يا ريس بدل ما اسيح دمك ” وبعد السلام الكل دخل وقعدو في صالون البيت ولميس علي رجلين ابوها اللي وحشها جدا وهي كامت وحشاه برضو ”
” زينة وهي جايا من المطبخ ومعاها عصير كانت لبسه قميص بيتي طويل بكمام اسود وعليه نجوم صغيره بحزام من ورا وطرحه اسود في ابيض وميكب بسيط ” زينة ببتسامه : والله العظيم نورتونا ” وسلمت علي الكل ”

ساميه ببتسامه : هو الجواز بينور الوحده كدا ايه الحلاوة دي يا زينة زينة ببتسامه خجوله : حلاوة عيونك يا جدتي وائل ببتسامه : لاء بس بجد بقيتي اموره اوي بعد الجواز ” عاصم كان مبتسم لحد ما وائل اتكلم واتغزل فيها قدامه حس ان دماغه هنهجت ” عاصم بتمثيل الهزار : اي يا عم وائل انا شفاف اوي لدرجه دي ولا من طول قروني خرقت عينك ؟ جمال لما حس الجو اتوتر اتكلم بسرعه : المهم طمنا يا عريس كل حاجه تمام ولا اي ؟ عاصم بص لزينة : كله تمام يا جدي متقلقش زينة : انتو مبتشربوش العصير ليه اشربو ” واخدت كوبايه وراحت ناحيه عاصم وقالت بمكر ” ايه يقلبي مبتشربش ليه من الصبح وانت بتقولي مهدود وعايز تشرب عصير رامز بغمزه : مهدود ليه علي مهلك يا وحش بكرا تزهق مرفت بفرحه : عريس جديد وفرحان ملكش دعوه يواد يا رامز
عاصم بهمس : اتلمي وعدي اليوم علشان مش عايز ازعلك اتقي شري يابنت الناس زينة ابتسمت ليه وبصت علي مرفت : طنط مرفت انتي مش هتمشي هتفضلي معانا ودا اخر كلام مرفت : شويه كدا تفرحو ببعض وهاجي والله عاصم : فرحنا وبقينا زي الفل ف متحوليش كتير هتطلعي من البيت هتخديني معاكي وخلي زينة تشبع بالبيت لوحدها بقا ” الكل ضحك علي كلامه ” جمال بضحك : ملكيش مهرب دلوقتي يا ام عاصم اتحطيتي قدام الامر الواقع وانتهي الكلام زينة بصت علي لميس اللي في ح*ضن عاصم : ولموسه مش بتكلمني ليه ؟ لميس بزعل : زعلانه منك قولتيلي هتباتي معايا علطول بس خلتيني امشي من البيت ومكنتيش معايا زينة اخدتها من عاصم وح*ضنتها بحب : زينة بتوعد لميس من دلوقتي انها عمرها ما هتسيبها ابدا وهتفضل معاها ديما وفي ح*ضنها لميس ابتسمت وبا*ست خدها : ولميس بتوعد زينة انها هتفضل معاها ومش هتزعلها ابدا سما نزلت من علي رجل ابوها راحت عند زينة : ابله زينة انا عايزه العب بعروستك اللي شكل روبانزل زينة ابتسمت ليها : يلا نقوم علشان نلعب سوا احنا التلاته ” وقامت تلعب معاهم كأنها عيله قدهم ” ” عاصم هنا اتأكد انها جسم علي الفاضي عقلها عقل عيله عقلها يمكن قد لميس بنته بس زينة مشاكسه زياده شويه ودا عجبه فيها جدا ”
نجوي قامت وقفت : نستأذن احنا بقا عاصم مش هوصيك زينة حطها في عينك يابني عاصم : انتي رايحين فين انتو تتغدو معانا النهارده كلكم جمال : نتغدا في سبوع ابنك ان شاء الله زينة طلعت ليهم لما سمعتهم ماشيين : انتو ماشيين فين خليكو شويه انا لسه مقعدتش معاكم نجوي ح*ضنتها : مره تانيه ” وكرمشت فلوس في اديها ” خليهم معاكي وحطي اللحمه والحمام في الفريزر زينة ببتسامه : ربنا يخليكي ليا يماما ” الكل سلم عليها ونقطها وروحو وفضلت لميس ومرفت ” مرفت بصت لعاصم اللي قاعد علي الكرسي بيشرب سجاير : اعتبرونا مش في البيت خدو راحتكم علي الاخر زينة : انتي اللي خدي راحتك انا عن نفسي مرتاحع وانتي موجوده معانا هدخل العب مع لميس بقا ” ودخلت علي اوضة لميس واندمجت في اللعب ” ” في الصاله ” مرفت : عامل ايه مع مراتك يعاصم ؟ عاصم بصلها بتنهيده : الحمدالله زي ما انتي شايفه بنحاول نفهم بعض علي قد ما نقدر بس انا حاسس ان بتعامل مع عيله قد لميس بنتي وفي نفس الوقت النظره منها بس بتغريني مرفت : وضحلي اكتر انت مرتاح ولا مش مرتاح حاسس بإيه ؟
عاصم : حاسس ان محتاج وقت علشان اقدر احدد انا حاسس بإيه مرفت بستنكار : محتاج وقت ازاي هي كلمه ورد غطاها يا مبسوط يا مش مبسوط ؟ عاصم بتنهيده : الاتنين في نفس الوقت مبسوط ومش مبسوط ، مبسوط ومش عارف بسبب ايه وفي نفس الوقت حاسس ان بظل\مها وو مرفت بهدوء : انت قربت من مراتك وتممت جوازكم يعاصم ؟ عاصم سكت بضيق شويه بعدين رد : بصي يما دي حاجه بيني وبين مراتي ومبحبش حد يدخل فيها وانا بقولك متقلقيش كل حاجه تمام مرفت : يحبيبي انا مبدخلش بينكم بس عايزه اطمن زينة طيبه وبتحبك حافظ عليها يا عاصم علشان خاطري انا عاصم : حاضر يما عنيا ليكي ولزينة …………………… ” نها كانت ماشيه في الشارع ماسكه هدومها المتق*طعه جامد وعلي وشها اثر ض*رب عن*يف وعيونها مش مبطلع دموع ” نها بغل : والله لوديكم في داهيه اصبرو عليا بس ” وفضلت ترن علي ابراهيم اللي رد بعد عذاب ” انت فين يا زفت وازاي تخلي توفيق الكلب دا يقربلي بشكل دا ابراهيم ببرود : امال انتي كنتي رايحه تعملي غيه عند توفيق يا روح امك موديكي تتعرفي عليه ولا ايه ؟
نها بدموع وغض/ب اكبر : ازاي تقبل علي نفسك ان خطيبتك واحد غير يقرب منها ازاي ابراهيم بضحك : خطيبتي مين هو انا خطبت وانا مش واخد بالي ولا ايه ؟ نها بصدمه وخوف : امال انا ايه يا ابراهيم مش قولتلي هنتجوز ؟ ابراهيم بضحك : ما انا متجوز ومراتي نايمه جوا اهي وبعدين يا نها اتجوزك ازاي دا انتي البلد كلها معلمه عليكي يلا سلام يا قطه ” وقفل في وشها ” ” نها نزلت الفون من علي ودنها وحست ان كل حاجه في الدنيا بدأت تسود الخوف اتملك منها هتروح فين اقتنعت دلوقتي انها مكنتش تستحق وائل ” نها بدموع : هروح فين ولا اروح لمين يارب ساعدني مليش غيرك دلوقتي …………………………. ” في شقة عاصم ” ” عاصم قاعد مستني زينة تيجي ولكن من ساعة ما دخلت الاوضه مع لميس مخرجتش ” عاصم قام وقف وهو خارج برا الاوضه : بتعمل ايه دا كله لتكون نامت هناك ” وفتح باب اوضة لميس واتصدم من منظر لميس والميكب اللي علي وشها والفستان وزينة لبسه فستان قصير اسود وعمله ميكب وشكلهم شيك جدا ” لميس بغض/ب : انت بتفتح الباب ليه يا بابا ؟ عاصم بزهول : انتو بتعملو ايه وعملين في نفسكم كدا ليه
لميس : النهارده فرح روبانزل واحنا حالياً رايحين المملكه اللي هيتعمل فيها الفرح عاصم بص لزينة بنبهار وغمزه : طب ما تيجي المملكه اللي في اوضتنا نشوف الحوار دا مع بعض يا عسليه لميس راحت وقفت قدامه : زينة مش رايحه في مكان هي خلاص هتنام معايا هنا وهنلعب سوا روح انت الاوضه بتاعتك نام عاصم بص للميس : يعني مش عيزاني العب معاكم علي فكره انا بعرف العب احسن من زينة لميس : هتلعب معانا ازاي يعني عاصم : يعني بدل ما يكون فرح روبانزل يبقي فرحي انا وزينة اي رأيك ؟ لميس ببتسامه وفرحه : فكره حلوه والله ايه رأيك يا زينة ؟ زينة بصت لعاصم : انت لابس بجامة نوم هتلعب ازاي فيها لازم جوزي يكون لابس بدله عاصم : ياستي اعتبريها بدله وخلاص مش قادر اقوم البس ولا اغير زينة بصتله بغمزه وقالت بهمس : كدا كدا زي القمر وبتخط*ف قلبي لميس : بتقولي ايه يا زينة علي صوتك مش سامعه عاصم ابتسم برفع حاجب لزينة وبص للميس : بتقولي انها عايزه تنام وبكرا هنلعب كلنا سوا ايه رأيك لميس : خلاص اتفقنا بكرا نلعب سوا انا دلوقتي هنام زينة شالتها : بس قبل ما تنامي لازم نغسل وشك من الميكب دا الاول ” وبصت لعاصم ” طنط قاعده برا
عاصم بستغراب : لاء ليه ؟ زينة طلعت وهي رايحه علي الحمام : هطلعلها عريانه يعني يعاصم ” فلاش بااك ” عاصم بص علي شكل انتصار اللي لابسه هوت شورت وتوب : انتصار انتي هتطلعي كدا قدام امي ؟ انتصار بلا مبالاه : مال شكلي يعني يعاصم كمان مش هاخد راحتي في بيتي عاصم : انا مبقولكيش متاخديش راحتك بس لكل وقت لبس ومنظرك دا لبس نوم ” نهاية الفلاش باك ” عاصم ببتسامه : هفضل اقارن بينكم كدا لحد امتي هتعملي فيا ايه تاني ياتري يا زينة ” زينة غسلت للميس ونيمتها في اوضتها ودخلت اوضتها كان عاصم نام راحت غيرت وراحت نامت جنبه ” عاصم لف ليها وشدها في ح*ضنه : زينة انتي نمتي ؟ زينة سندت راسها علي كتفه : ايوا نمت عاصم ابتسم : انتي ازاي كدا ليه ديما بتصدميني بكل حاجه بتعمليها زينة ضيقت بين حواجبها وقالت : بصدمك للأحسن ولا للأوحش عاصم : كل حاجه فيكي عجباني كسوفك وجرائتك كل حاجه فيكي مغريه بنسبالي يا زينة زينة ببتسامه وهي نايمه علي كتفه : هل هيجي يوم وتحبني يا عاصم يعني هل في يوم هيكون عندي بنوته منك ونكون عيله حلوه
عاصم ابتسم وبصلها : وانا حقيقي بدأت اتعود علي وجودك واحبه ” زينة بصتله بحب كبير وقرب لشفايفه وبا*سته بكل رقه ، عاصم في الاول كان ثابت بعدين زينة حوطت رقابته نسيته المنطق والوعود اللي وعدها لنفسه وكمل فيما بدأت زينة ” ” بعد وقت ” عاصم ضامم زينة الساكته لح*ضنه : ساكته ليه .. ندمانه ؟ زينة سابت ح*ضنه و بصتله : لو ندمانه مكنتش انا اللي بدأت اناا ” ق\طع كلامها الخبط اللي علي الباب ” مرفت بصوت عالي : عاصم قوم في صويت في بيت امك نجوي
الحلقة الثامنة ” دخل عاصم وزينة ووراه رامز ومرفت بيت نجوي بخضه وقلق لاقي ساميه نايمه علي الارض ونجوي بتحاول تفوق فيها ” نجوي بصويت : الوليه بتمووت يا ناس الحقونااا عاصم راح وحط ايده علي نبض ساميه وكان كويس : اهدي بس يما نجوي اكيد دوخه ولا حاجه نجوي بصويت : مش دووخه دي غيبوبة سكر اكيد الوليه بتروح مننا ينااااااس رامز بنرفزه : بتصوتي ليييه ياستي دلوقتي اسكتي متوترناش هتبقي زي الفل بس اسكتي انتي نجوي بصتله وصوتت : بقولك الوليييه بتموووت رامز بنرفزه اكبر : ياستي ما تموووت استغفر الله العظيم اما نجوي اهدي كدا يغاليه متخليش الواحد يقول كلام حاشره في زوره بالعافيه قسما بالله مرفت بقلق : اهدو يولاد علي ما الوليه تصحي واعملو اللي تعملوه ازخلي يا زينة اعملي كوباية مايه بسكر بسرعه ” عاصم فضل يحاول يفوق في ساميه لحد ما اخيرا فاقت ” ساميه بدوخه : انا فين ؟ زينة راحت جنبها وضمتها وبتحاول تشربها مايه بسكر : انتي في بيتنا يا جدتي قلقتينا عليكي والله العظيم مالك ايه اللي حصلك ساميه : كنت رايحه المطبخ اشرب فجأة محستش بحاجه غير الوقتي زينة بقلق : طيب ابات معاكي النهارده لحد ما بكرا نوديكي لدكتور يشوف السكر عامل ايه ؟ عاصم شد زينة من ح*ضنها : تباتي فين بس يا زينة جدتك اكيد دلوقتي تشرب وتدخل تكمل نوم وانا الصبح هصحي اوديها لدكتور بنفسي ولا ايه زينة بعتراض : يا عاصم هبا.. نجوي بمقاطعه : تباتي فين وتسيبي جوزك وانتي لسه عروسه عيب يا زينة روحي مع جوزك يلا يعاصم روحو بيتكم وانا هسهر معاها لصبح عاصم ببتسامه : عليا النعمه حقيقي يا بخت اللي حما\ته راضيه عليه حبيبة قلبي يحما\تي يلا تصبحو علي خير ” وشد زينة ونزلو علي بيتهم ” مرفت : الف سلامه عليكي يما ساميه فوقي كدا مش محتاجه حاجه اعملهالك يا نجوي قبل ما اروح نجوي : تعيشي يختي ربنا يحفظك
مرفت : يلا تصبحو علي خير ” ونزلت روحت علي بيتها ” رامز كان قعد علي الكنبه وشرب المايه بسكر اللي زينة عملتها لجدتها : الف سلامه عليكي يما ساميه شدي حيلك كدا لسه هتحضري فرحي مره كمان اوعي تودعي قبل ما تحضريه والله العظيم ازعل منك ساميه ببتسامه خفيفه : هقول لبتسام الصبح اخليها تشتتك في بيوت الناس تبات عند كل واحد يوم رامز : لاء مدام الموضوع في ابتسام يبقي السلام عليكم نجيلكم في الافراح ان شاء الله ” ونزل راح بيته ” ………………………….. ” في شقة عاصم ” ” عاصم لسه رايح ينام علي السرير باب اوضته خبط ” عاصم بنرفزه : طب اعمل ايه في ميتين ام اليوم اللي مش راضي يخلص دا .. مين ؟ مرفت : معلش قلق*تلك يحبيبي قبل ما تنام انزل اقفل الخزان المايه بتض*رب في الحمام ومش قادره انزل بير السلم خالص والله عاصم بص بضيق لزينة اللي بتضحك علي منظره : طيب حاضر نازل اهو .. بتضحكي علي ايه انتي بس علشان اكون فاهم ؟ زينة ضحكت اوي : لابس التيشيرت مقلوب ونزلت بيه كدا شعرك منكوش وشكله يمو*ت من الضحك لوحده
عاصم بنرفزه : اعمل ايه صويت امك فزعني قولت مسعد الزفت رجع وبيعمل فيها حاجه معرفتش بلبس ايه مرفت من علي الباب : الخزان يا عاااصم ” عاصم اتنهد ونزل قفل الخزان ” عاصم : قبل ما ادخل الاوضه واحط راسي علي المخده وترجعي تنادي في حاجه محتجاها يا امي علشان عليا النعمه لو قولتو السيسي نفسه برا ما هطلع ولا هرد مرفت : كل دا علشان بقولك اقفل الخزان ويقولو خلفة الصبيان حلوه يجو يشوفو خلفتي عاصم مسح وشه وبغض/ب : لا اله الا الله انا قولت ايه دلوقتي … تصبحي علي خير يا امي ادخلي نامي يحبيبتي ربنا يهديكي معاكي فلوس ؟ مرفت : بتسأل لييه ؟! عاصم : ما هو انتي مبتقلبيش عليا كدا غير لما اقصر في المصاريف مرفت : اعمل ايه مش بيت وبيصرف اطلع اشتغل يعني علي الزمن ؟ عاصم بمحاولة السيطره علي اعصابه : استغفر الله العظيم يارب … حاضر يا امي الصبح مصاريف البيت هتلاقيها في ايدك حاجه تانيه ادخل انام بقا ؟ مرفت ببتسامه : ادخل نام يكبدي وريح جسمك ” عاصم دخل الاوضه ومبصش حتي علي زينة حط راسه علي المخده وغمض عينه ” زينة : عاصم ؟

عاصم بنرفزه : تلاته بالله العظيم ان سمعت صوتك لكون مبيتك عند امك فعلا اتخمدي في ليلتك اللي مش باين لأهلها ملامح دي ” زينة ضحكت بخفه وحطت راسها علي المخده وراحت في النوم هي وعاصم اللي حاسس كأنه منمش من شهرين فاتو ” ………………………….. ” في الصباح كل واحد فاق وقام يشوف شغله ، رامز فتح ورشته وبدء شغل ، والناس بدأت تمشي في الحاره ” ” في اوضة عاصم ” ” زينة فاقت بسبب النور المفتوح في الاوضه بصت لقت عاصم واقف بيلبس هدوم الشغل ” زينة وقفت بدهشه : رايح فين يعاصم ؟ عاصم ببتسامه : صباح الخير بس الاول .. نازل الشغل ياستي زينة راحت وقفت قدامه : نازل الشغل ليه ؟ عاصم بستغراب : هو ايه اللي ليه نازل افتح الورشه وابدء شغلي علشان نجيب فلوس ومصاريف للبيت دا ايه الغريب في كدا بقا ؟ زينة : من اول اسبوع جواز نازل الشغل انت عايز نسوان الحاره تاكل وشي ولا ايه عاصم بدهشه : الاه احن مالنا ومال نسوان الحاره يابنت الناس زينة بضيق : هيقولو سابها ونزل شغله من اسبوع الفرح زهقته في عيشته انا عارفه الكلام دا
عاصم مسك اديها وبا*سها بهدوء : يحبيبتي افهمي متحطيش كلام الناس في دماغك يقولو اللي يقولوه المهم انا حاسس بإيه زينة بزعل : كنت خليك معايا يا عاصي النهارده …. دا حتي صباحيتي الحقيقيه النهارده عاصم ضمها لصدره بحنان وب*اس دماغها : اوعدك ان هعوضك بيومين في شرم مكنتيش تحلمي بيهم اي رأيك ياستي ؟ زينة بفرحه : احلف … هتوديني شرم بجد ؟ عاصم بحب : ولو زينة البنات مراحتش شرم مين اللي يروح يعني اخلص بس المصلحه اللي في ايدي واخدك ونسافر زينة بحماس : انا وانت ولميس وطنط مرفت وو عاصم بتنهيده : وجدك وعمك ممدوح ورامز وابتسام وعمك حسني بتاع البقاله والحاره كلها ما هو انا متجوزك انتي لاء انا متجوز العيله زينة ض*ربته في كتفه : انت مش عايزهم يجو معانا ؟ عاصم : يحبيبتي احنا عرسان رايحين في شهر عسل دول بقا هيجم يعملو اييه ؟ زينة ببتسامه : اول مره تقول حبيبتي عاصم ضحك : يعني دا اللي لفت انتباهك يا زينة من الحوار كله زينة حاوطت رقابته وقالت بدلع : ايوا دا اللي لفت انتباهي اول مره حبيبي يقولي حبيبتي بنسبالي دي حاجه احسن من رائعه عاصم رفع حاجبه وحط ايده علي وسطها وقال بهمس : طيب ينفع حبيبتي تسيبني انزل شغلي علشان كدا ولا نازل شغلي ولا هسيبها في حالها
زينة ببتسامه ماكره : تؤ قولت مش نازل يعني مش هتنزل عاصم بدهشه : انتي هتمشي كلامك عليا ولا ايه ؟ زينة بضحكه خفيفه : لاء بس بعرفك انك قتيل معايا النهارده انسي بقا انك تنزل مرفت خبطت علي الباب : عاصم اصحي يابني الفطار جاهز يلا زينة فتحت الباب طلعت لمرفت : انتي عملتي الفطار لوحدك ليه مجتيش صحتيني ليه بالله زعلت منك مرفت بحنان وهي بترجع شعر زينة ورا ودنها : انتي عروسة بيتنا قوليلي اجي اصحيكي ازاي بقا اقولك تعالي اعملي الفطار وبعدين هو في الفطار ايه علشان يتعمل يعني زينة : انا هسامحك المره دي لكن مره تانيه هزعل منك ومش هكلمك عاصم طلع من اوضته : مصروف البيت اهو يما يلا السلام عليكم مرفت وزينة في صوت واحد : رايح فين ؟ عاصم بدهشه : نازل الشغل في ايه يناس مالك يا امي زينة بهتت عليكي ولا ايه مرفت : هو في عريس مبقالوش اسبوع يسيب مراته وينزل الشغل عاصم : والله انتو مكبرين الموضوع انا نازل تحت البيت يعني هطلع علي الغدا وقبل المغرب هكون معاكو في اي بقا زينة بغض/ب : والله ما انت نازل يعاصم ؟
عاصم بصلها بتحذير : علي فكره كان ممكن منزلش عادي بس علشان خاطر حلفانك دا هنزل واول واخر مره تحلفي عليا ” وطلع برا الشقه رزع الباب ” مرفت : لا اله الا الله نزل من غير فطار كدهو ادخلي يا زينة افطري يقلبي زينة بهدوء : لميس فين ؟ مرفت : في اوضتها جوا لسه نايمه مبتصحاش غير الضهر زينة ببتسامه : هدخل انام جنبها انا مش جعانه تسلم ايدك يا ست الكل ” فتحت اوضة لميس اللي كانت نايمه بكل هدوء وبرائه راحت جنبها ح*ضنتها ونامت ” زينة وهي مغمضه عيونها : يسلام لو ارجع قدك كنت انام بكل هدوء ومشلش هم حاجه ولا اخاف لما كنت قدك كان وقتها كل حلمي ان مسعد ميك.سرش عروستي اللي بحبها ولما كبرت ك.سر كل حاجه بحبها حتي انا ك.سرني يا لميس ” واتنهدت وهي مغمضه ونامت ” ………………………. ” عاصم نزل الكل بارك ليه وراح علي ورشته وبدء يشتغل ، رامز نازل من بيته ماسك كيس السندوتشات بتاعته في ايده ونازل متنرفز زي كل يوم اول ما شاف عاصم ضحك ” رامز بضحك : قولتلك متهدش نفسك بكرا تزهق مصدقتنيش عاصم بص لكيس السندوتشات بضيق : بإيه دول ؟
رامز راح قعد جنبه علي الكرسي وقال لصاحب القهوه : اتنين شاااي يعم رجب وحياة ابووك سكر مظبوط ، وكمان نازل من غير فطار يفرحتي بيك السندوتشات دي ببطاطس ” وفتح الكيس ” خد واحد وانا واحد عاصم بنرفزه : يعني قاعد معاها بقالي اسبوع ودا عمره ما حصل ان افضل قاعد في الشقه كل دا وبرضو تقولي خليك لاء وايه بتحلف عليا رامز وهو بياكل : نهار ابوها اسود بتحلف عليك بإيه بطلاق ؟ عاصم بصله بغض/ب : ما تتعدل في ام يومك بدل ما ارفصك من علي الكرسي اقلبك رامز : يعم اهدي وصلي علي النبي كدا هي عين راشقه في حياتكم اقسم بالله انا حاسس عاصم وهو بياكل : يجدع اسكت دا الواحد كارهه حياته بالله العظيم راضي اللي بيشتغل في القهوه جاي جري وعلي ايده الشاي : وعندك اتنين شاااي لأحسن رجاااله في المنطقه ” ومعرفش يثبت ايده كويس علي الصنيه راح رميها عليهم ” رامز بصويت : الله لا يوفقك يجدع ايييه يعم راضي شويتنا بكوبايتين الززفت عاصم وهو بيعدل هدومه : يجدع انا عايز اعرف حاجه واحده وبس انت بتجري ليييه وانت جاي اييه السبب راضي : لا مؤاخده يا رجاله الواحد دماغه متبرجله مش مركز
عاصم قام وقف : حصل عليا النعمه حصل هنعمل اي بس يا راضي يلا اسيبكم انا اروح اكمل الشغل اللي في ايدي دا ………………………… ” وائل كان نايم في شقته سمع صوت الجرس ” وائل بضيق : لا حول ولا قوة الا بالله الواحد مش مكتوبله ينام ساعه ف امان الله خالص ” وقام فتح الباب وابتسم اوي ” مستنيكي من زمان والله العظيم نورتي .؟
الحلقة التاسعة والعاشرة نها بصت لوائل بكل حزن : انا غلطنالك يا وائل حقك عليا اعمل فيا ما بدالك بس لمني من الشارع وحياة العيش والملح اللي بينا وائل ببتسامه : ولا بينا عيش وملح ولا بينا كلام وانتي غير مرحب بيكي لا في بيتي ولا في حياتي نها بدموع ورجاء : بالله عليك متقسيش قلبك عليا انا عارفه ان غلطانه ديما بغلط وانت في ضهري ايه اللي حصل دلوقتي وائل : اللي حصل ان لقيتك انسانه متستهليش اي حاجه حلوه تستاهلي انك تترمي في الشارع عارفه انتي الست اللي تخون جوزها دي بنسميها اي اكيد عارفه مش هتوه عليكي يعني دا انتي نهاا نها برجاء : اديني فرصه اخيره علشان خاطري وائل زقها برا الباب : ولا عندي فرص علشان اوزعها ولا عندي ليكي خاطر ويلا غوري مش عايز اشوف وشك تاني ” وقفل الباب في وشها ” وائل قعد بكل هدوء علي الكنبه : حقيقي احيانا علشان تفهم حجم غلطتك لازم الاول تتقرص ولازم قرصه تعلم علشان كل ما تبصلها تفتكر غلطك و متقراروش ……………………….. ” عاصم طلع بيته ساعة الغدا زي ما هو متعود كانت زينة قاعده جنب امه ولميس بيتفرجو علي التلفزيون ” عاصم وهو لسه واقف : السلام عليكم الكل : وعليكم السلام عاصم : لو الغدا جاهز يلا ناكل علشان جعان علي ما ادخل اغسل ايدي ” ودخل اوضته ” زينة قامت واقفت : ماما هدخل اشوفه وهطلع اغرف علطول متعمليش حاجه انتي مرفت : ادخلي يابنتي ربنا يهديكم لبعض ويستر سركم ” زينة دخلت اوضتهم كان عاصم قل\ع التيشيرت وفضل بفنلة حمالات وبينشف وشه بفوطه ” زينة راحت قعدت علي السرير : يومك كان عامل ايه النهارده عاصم وقف قدام المرايا وسرح شعره : كويس زينة فهمت من طريقة كلامه انه زعلان منها قامت وقفت وراحت عنده حطيت اديها علي كتفها : انت زعلان مني ؟
عاصم بصلها بطرف عينه : هيفرق يعني ؟ زينة قربت منه وح*ضنته من ضهره وقالت بدلع : ولو زعلك مفرقش معايا زعل مين اللي هيفرق يعلم عاصم سلطان عاصم ابتسم : ما لو زعلي كان بيفرق مكنتيش زعلتيني من الاول زينة بندم : انا مكنتش اقصد ان احلف عليك والله هي طلعت لوحدها وبعدين مكنتش عيزاك تسيبني وتنزل شغلك في اسبوع الفرح عاصم لف ليها ومسك اديها واخدها قعدها علي السرير وقعد جنبها واتنهد وقال : بصي يا زينة علشان تكوني فاهمه حياة المسلسلات دي كلها كدبه كبيره انا راجل لو مشتغلتش بيتي مش هيصرف الدنيا مستوره معايا الحمدالله بس مش معني كدا انام في السرير واحط في بطني بيطخه صيفي زينة بفهم : يحبيبي ربنا يوفقك ويرزقك رزق حلال وتفضل الدنيا مستوره معاك دايما عاصم مسك اديها ببتسامه : معانا .. تفضل مستوره معانا يا زينة احنا بقينا واحد دلوقتي ولا في فرق ؟ زينة ضحكت بخفه : لاء طبعا مفيش فرق هقوم اجهز الغدا مع مامتك علشان تلحق تاكل قبل ما تنزل عاصم مسك اديها جامد : لاء متقوميش خليكي معايا شويه ” وقرب منها جامد واتنفس في رقابتها ” وحشتيني يا زينة زينة ابتسمت اوي بتوتر : انا بوحشك يعاصم ؟ عاصم با*س رقابتها : بقيتي بتوحشيني وبقيت حابب البيت اللي مكنتش بطلعه غير علي النوم يا زينة
” زينة قلبها فرح جدا بكلامه وحطت اديها علي رقابته تضمه ليها ، عاصم فجأة حس انه مش قادر يكمل ولا قادر يبادلها اي حاجه ف بعد ” عاصم بتوتر : روحي جهزي الغدا مع امي يا زينة زينة بستغراب : مالك يعاصم من شويه قولتلي ان وحشتك ؟ عاصم اداها ضهره وغمض عينه : معلش مرهق شويه وجعان ” زينة فهمت انه لسه مش قادر يتقبلها ك زوجه ، عاصم شايفها عيله ولا قادره تفهم هي بتعمل ايه ولا قادره تبسطه ” ” خرجت زينة من الاوضه وراحت تغرف الاكل علشان يتغدو ، لكن عقلها ابعد من انه يكون معاها ،اتغدو في صمت رهيب محدش فيهم اتكلم ومرفت احترمت سكوتهم دا وسكتت هي كمان ، عاصم خلص اكل اخيرا ونزل علي شغله بهروب قد ايه كان الغدا تقيل علي قلبه ومش راضي يخلص ” ………………………….. ” في البيت القديم اللي قاعد فيه توفيق ورجالته ، عربيات الشرطه ماليه الشارع ” رامي ودا ظابط بأمر للعسكري : اك.سر يابني الباب دا وهاتلي كل الكلاب اللي جوا دي ” العساكر فعلا ك.سرو الباب ودخلو كان توفيق من شدة الخمر اللي شربها مش فايق ومسعد نفس الوضع ” رامي بقرف : ايه الريحه الزفت دي الله يلعنكم هات يابني الخنازير دي كلها علي البوكس
مسعد بخوف : بوكس ايه يا باشا بس احنا عمالنا ايه ؟ رامي بصله بشر : صوتك دا ميطلعش غير في النيابه دا احسنلك يلا علي البوكس واي حد يعمل اي حركه مش تمام استعمل العنف معاه سمير واحد من الجيران : تسلم يا حضرت الظابط خدوهم خلي الحاره تنضف من وساختهم وقرفهم دول نسوان وخمره وكل حاجه حرام بيعملوها الواد مسعد دا كان حلو والله بس اتلم علي ناس زباله عملو فيه كدا اخته لسه متجوزه المعلم عاصم من اسبوع بس رامي بستغراب : عاصم مين ؟ سمير : المعلم عاصم سلطان ميكانيكي في حي الجامع رامي بصدمه : معقول هو دا نسيب عاصم ؟ ………………………….. ” في ورشة عاصم ” ” عاصم نايم تحت عربيه بيصلحها ومركز جدا فيها ” عاصم : مفتاح ١٨ يا فتحي بسرعه الله يباركلك فتحي : مفتاح ١٨ المعلم رامز اخده الصبح ولسه مرجعوش يمعلم عاصم طلع من تحت العربيه : طيب استني انا كدا كدا رايحله هجيبه ” وطلع من تحت العربيه وعدل هدومه وراح علي ورشه رامز اللي قاعد بيشرب قهوه ” عاصم اخد الكوبايه منه وقعد يشرب : مسا علي الناس اللي مش كويسه
رامز : عليا الطلاق خساره فيك سندوتش البطاطس بتاع الصبح عاصم بصله بتركيز : واد يرامز بأمانه منخيرك كبرت اليومين دول رامز مسك منخيره بحسره : وحياة ابوك اختك طول النهار بتقولي كدا عاصم وهو بيشرب القهوه : كتر الف خيرها انها مستحملاك بشكلك دا بصراحه ليها الجنه رامز بشهقه : فشرت يا اسمر يا قلويحه يا اجرب انت دا انا اللي ليا الجنه مستحمل الوليه بأخوها عاصم بسخ.ريه : يعني انا اسمر وانت مهند ولا ايه طب علي الاقل الراجل ميعبهوش سماره لكن انت بقا مناخيرك واكله عينك ببوقك بدماغك نفسها رامز بصلها بغيظ : طب اقطم بقا واسكت عامل ايه في الجواز ؟ عاصم بتنهيده : انت بتفكرني لييه يا جحش انت ما كنت رايق رامز اخد منه كوباية القهوه وشرب منها : انا كمان والله السيره بتعكنن عليا بس هنعمل ايه كله علشان القايمه اللي بمليون جنيه اللي الواحد ماضي عليها عاصم اخد الكوباية منه وشرب منها : الوضع معايا عامل زي سمكه جعانه وشايفه السن\اره فيها اكل بس عارفه لو قربت من السن\اره هتمو*ت رامز بتنهيده : وانا عندي الخميس زي السبت زي نهار رمضان عاصم بتهوين عليه : معلش يصحبي اشتغل واتعب لأجل الزوجه التانيه يحبيب اخوك
رامز بتفكير : يعني بدل ما امضي علي قايمه بمليون امضي علي اتنين ب ٢ مليون عاصم طبطب علي ضهره : اتكلم علي قد فلوسك يا رامز وحياة امك يا اخي رامز : شوفلي جوازه زي جوازتك والنبي ولا فرح ولا كوافير ولا قاعه ولا اي رسميات كدابه عاصم : انا عارف انا كاره البت من عينك والله صلي علي النبي في قلبك يا رامز هتمو*ت محقود يجدع وحياة النبي قوم هات مفتاح ١٨ علشان اكمل العربيه واطلع انام رامز قام جابه ليه ومد ايده ليه : وهات حساب كوباية القهوه انا مشربتهاش عاصم : انا شربت ٤ شفتات الكوبايه ١٠ هنقول فيها ٨ شفتات ليك خمسه جنيه ” طلع محفظه وطلع خمسه وحطها ومشي ” رامز : والله شارب ٥ شفتات انا عاددهم …………………………. ” بليل في الشقه عند زينه ” ” لميس وزينه نايمين علي بطنهم في الصاله علي الارض وقفلين النور وبيتفرجو علي فيلم رعب علي التابلت بتاع لميس ” لميس بخوف : زينة هي الحجات دي حقيقيه زينة بخوف مكتوم : لاء دا كله تمثيل معقول يعني في عفريت هيطلع من تحت السرير ينام جنبي كل دا هبل لميس برعب : انا هنام معاكي النهارده مش هنام لوحدي ابدا
زينة ح*ضنتها وقفلت الفيلم : لميس انا خايفه قومي افتحي النور لميس مسكت في ح*ضنها جامد : لاء انا خايفه اوي تيجي نقوم مع بعض نفتحه “زينة شالت لميس وقامت تشوف النور فين وهي مش شايفه اي حاجه كان عاصم دخل البيت وبصلهم بستغراب ” عاصم بستغراب : انتو مطفيين النور ليه وبتمشو براحه ليه ” زينة ولميس صوتو برعب ” عاصم بدهشه : بتصوتو ليه في ايه ؟ زينة اخدت لميس وراحو ح*ضنوه بخوف : كنا بنسمع فيلم رعب ومرعوبين عاصم اتأكد انه بيربي طفلتين بنته ومراته : طيب متخافوش ايه رأيكم نكمل الفيلم وانا معاكم لميس بصت لزينة : انا موافقه مش هخاف وانا مع بابا زينة بهروب : بس انا عايزه انام نعسانه ممكن نسمعه بكرا ” ولسه هتروح علي اوضتها عاصم مسك اديها ” عاصم : ادخلي اعملي فيشار علي ما اخد دوش في ثواني واجي نسمع الفيلم سوا زينة كانت هتعترض لكن بصت للميس اللي بتترجاها تسمع معاهم ابتسم ليها : خلاص هسمع معاكم ؟ ” عاصم دخل اوضته اخد شور ولبس وخرجلهم ، كانو قاعدين بياكلو فشار ويضحكو راح قعد في النص ”
زينة : ها عندك فيلم ولا متعرفش ؟ عاصم مسك التابلت : هنجيب فيلم انابيل نسمع الجزء الاول منها ” وجاب الفيلم وسمعو والفيلم بدء يخوف ” لميس ح*ضنت دراع ابوها : بابا العروسه بتتحرك انت شوفتها عاصم ح*ضنها : متخافيش يعُمر بابا كل دا تمثيل ” وبص علي زينة اللي هتمو*ت من الر*عب شدها ض*مها لصد*ره وقال بهمس ” خايفه ؟! زينة رفعت عيونها : مرعوبه عاصم بص علي شفايفها برغبه : عايزه تنامي ؟ ” زينة اتوترت من قربهم اوي وجت تبعد هو مسك فيها جامد ” عاصم بهمس : متبعديش قربي اكتر زينة بتوتر وهمس : لميس قاعده ابعد شويه عاصم : قومي ندخل اوضتنا ؟ لميس بخوف : بابا هنام معاك النهارده عاصم بص لزينة : بركاتك يا رامز الكلب باصص في الجوازه بعين من ن\ار ” وشال لميس ” قومي يا زينة ادخلي نامي وعدي يومك ” ودخل اوضته ” زينة ما\تت من الضحك : طب والله العظيم انك جدعه يابت لميس ايوا كدا ق\طعي عليه حبل افكاره السافله اللي زيه ” عاصم نايم وفي ح*ضنه لميس وزينة جنبه فونه رن ” عاصم ببتسامه : الواطي اللي مبيسألش
رامي ببتسامه : تعالي علي القسم بس ونشوف مين فينا اللي واطي يا حبيب اخوك عاصم بستغراب : خير يارب ؟ رامي : نسيبك هنا في قضية مخد*رات مسك/ينه معاه سلا*ح وبو*درا
الحلقة العاشرة ” عاصم واقف قدام المرايا بيلبس هدومه وزينة واقفه وراه بتتكلم بكل عصبيه وهو بيحاول يتلاشي الكلام معاها ” زينة بجنون : رد يا عاصم قولي خارج رايح فين الساعه ١٢ بليل انا مش بكلم نفسيي عاصم بهدوء : قولتلك مشوار مهم ومش هتأخر نامي انتي وانا لما ارجع هصحيكي زينة بعصبيه : مشوار ايييه الساعه ١٢ بليل فهمني رايح لنسوان يعاصم ؟ عاصم بصلها بعصبيه : استغفر الله العظيم يارب نسوااان ايه اللي رايحلها يابنتي انا كنت قومت بيكي علشان اشوف غيرك روحي نامي يا زينة ربنا يهديكي زينة قعدت علي السرير ودموعها نزلت : اه يا عاصم ممكن اكون مش مكفياك ” ونامت علي السرير وعيطت اكتر ” عاصم بصلها وهو بيحاول يسيطر علي عصبيته وراح جنبها : علي فكره مفيش واحده بتحب جوزها وبتثق فيه تعمل اللي انتي بتعمليه دا ولا تقول اللي انتي قولتيه دا زينة بشهقات : ولما جوزي يخرج نص الليل لابس ومتشيك وحاطط برفان ويقولي شغل يبقي ايه عاصم طب قول حاجه تقنع العيله اللي متجوزها عاصم قرب من خدها وبا*سها : وحياة زينة ولميس عندي ما هخونك ولا عمري حتي افكر ان اخونك كل الموضوع ان المشكله دي صاحبها محلفني مقولهاش وانا مقدرش اقول زينة جواها اطمن من كلامه : هترجع امتي ؟ عاصم اتنهد : معرفش هرجع امتي بس لما اخلص هاجي علطول نامي انتي وانا اول ما ادخل البيت هصحيكي ” وقام وقف ” يلا مع السلامه ” وخرج برا البيت رن علي رامز ” ………………….. ” في شقة رامز ” ” رامز نايم بعمق وجنبه مراته وفي النص بنتهم فاق علي صوت فونه لما لاقاه عاصم رد ” ابتسام : مين اللي بيرن الوقتي يا رامز ؟ رامز بصلها بنوم : اتخمدي دا اخوكي يماا .. الوو عاصم بدون مقدما\ت : البس وانزلي ومتعرفش ابتسام انت رايح فين اخلص
رامز بعدم فهم : ما انا معرفش هنزل فين وليه علشان اقولها .. الووو عاصمم رد يلاااا اختك متخلفه هتفكرني بخونهااا ابتسام بقلق : في ايه عاصم ماله ؟ رامز قام وبدء يغير هدومه : انا عارف في ايه قالي انزل لسه معرفش هروح فين دلوقتي ابتسام : طيب انزله ولما تشوفه وتعرف عايزك ليه رن عليا عرفني علطول رامز : طيب ادخلي كملي نوم لو هتخافي انزلي نامي مع امي تحت ابتسام اتعدلت ونامت علي السرير : لاء هنام انا وسما مش نازله مبعرفش اخد راحتي تحت رامز وهو طالع : اعملي اللي يريحك ” ونزل علي تحت كان عاصم مشغل عربيته و قاعد فيها راح ركب جنبه ” رامز بقلق : مطلعنا الساعه ١٢ ليه يا عم عاصم خير يارب ؟ عاصم مشي بعربيته : مسعد اتمسك ببودرا وسلاح ورامي اتصل بيا لما نروح نشوف الوضع فيه ايه رامز سند ضهره علي الكرسي : انا كنت حاسس ان الحوار فيه مسعد برضو المهم مراتك عرفت ؟ عاصم : لاء لو قولت كانت اتصلت بأمها وانت عارف النسوان لت وعجن كتير وعلي الفاضي واحنا حاليا في غني عن الكلام دا كله رامز : خير ما عملت ومسعد قضية البودرا والسلاح دي هياخد فيها ٢٥ وهو مرتاح
عاصم : السج\ن هو اللي هيعلمه الادب يا صاحبي غير كدا كله كلام في الفاضي الواد دا مبقاش باقي علي حد ف سج\نه احسن …………………………… ” في القسم ” ” عاصم ورامز راحو علي مكتب رامي علطول وعرفوه انهم هناك ” “العسكري واقف ومكلبش مسعد اللي بدء مفعول البودرا يروح وهيتجنن ” رامي طلع برا اوضة الظابط المسؤل عن قضية مسعد وفي ايده كوباية شاي : خده يابني علي زنزانة ٩ لحد ما يتعرض الصبح علي النيابه العسكري بحترام : تمام يا فندم ” وشد مسعد جامد ” امشي يلا معايااا ” في المكتب بتاع رامي ” رامز قاعد علي الكرسي بتاع رامي بفشخره : صور بقا بالوضعيه دي …. اخلصي بوقي اتشنج عاصم بتركيز : صورت والله ” وراح عنده ” ها اي رأيك ؟ رامز وهو بيدقق في الصوره : انت قاصد تجيب مناخيري كبيره صح ؟ عاصم بنرفزه : دي خلقة اهلك والكاميرا بتنسخ الشكل اللي قدامها ومناخيرك طبيعي كبيره ف متتعبناش معاك يبااا رامز : طب روح اقف عند الشباك وخد صوره تانيه كأني مش واخد بالي بقا صوره عميقه يعني
” رامي دخل المكتب وبص علي شكل رامز المنسجم ، وعاصم اللي بيصوره ومركز في التصوير ” رامي : جيت في وقت غير مناسب ولا ايه يرجاله ؟ عاصم بنرفزه : ادخل يا رامي الله يباركلك خلينا نصوره ميتين ام الصوره اللي مش راضيه تخلص مناخيره مضلمه وشه الكاميرا مش مقتنعه انه بشر رامز بصله بغيظ : اللهي اللي يجي عليا ما يكسب ولا يربح يا قادر يكريم رامي : انجز يابنيي انت وهو خلينا نتكلم في الموضوع اللي بعتلكم علشانه الاول خلي الواحد يروح ينام عاصم قعد وركز في كلامه : بص علشان اكون واضح معاك الواد دا مكانه الصح هو السج\ن سر/قه بيسر/ق بودرا وبيشد ومحدش من اهله عارف يسطر عليه رامي : يبقا يترمي في السج\ن و هو بإذن الله بالقضيه بتاعته دي انسي ان يشوف الشمس تاني عاصم بهدوء : هو كدا ضايع وكدا ضايع علي الاقل امه ترتاح منه ومن مشاكله لانه مبهدلها جامد رامي : يبقا يتربي ويتعلم الادب واللي ميربهوش امه وابوه يربيه السج\ن هو واللي خلفوه .. بس تتجوز كدا ولا كأنك تعرفني ولا حتي تتصل تعزمني فيك نداله يا اخي مشوفتهاش علي رامز رامز بحاجب مرفوع : حاططني في دماغك ليه يعم رامي انت كمان عاصم : تصدق بالله انا لحد وقتنا هذا معرفش انا اتجوزت ازاي
رامي : مراتك اخت الواد مسعد دا باين ؟ عاصم بهدوء : ايوا اخته رامي بنفور : وانت ايه اللي حدفك عليهم بس يعاصم ملقتش غيرها يجدع عاصم اضايق جواه انه اتكلم علي مراته كدا : مراتي مالها ومال اخوها انا متجوزها هي ولا هو مراتي تربية امي نجوي وابويا رمضان ف دي حاجه خليتني اختارها وانا مغمض الواد مسعد اللي مش عجبك دا صنيعي بلاط معلم قد الدنيا بس هو بعد مو*ت ابوه عمل كدا رامي ابتسم : لاء دا انت باينك بتحبها يا ابو لميس ما هو معني ان كلامي عليها ضايقك يبقي وقعت ومحدش سمي عليك يا وحش عاصم بلا مبالاه : ولا وقعت ولا حاجه بس بقول اللي شايفه ومتأكد منه وخلاص رامز قام وقف : المهم لو مهمتنا خلصت خلينا نقوم نمشي علشان مراتي زمانها الوقتي قالت الراجل بيتصرمح مع واحده رامي بضحك : لاء بس اختك لسه برضو مسيطره جاامد يعم عاصم عاصم وقف بغرور : مروقه عليه تربية اخوها حبيبة قلبي هنمشي احنا وبكرا هكون في النيابه بإذن الله رامي : ولا تيجي ولا تتعب نفسك انا هروح معاه بنفسي وهعرف الحكم وهعرفك عاصم : اخوياا الجدع من يومه والله العظيم خلاص انا معاك علي اتصال اي حاجه عرفني دوغري
” عاصم مشي هو ورامز من القسم ، كل اللي في دماغ عاصم هيعرف مراته وحما\ته ازاي ، كل واحد طلع بيته وكانت مراته نايمه ف نامو ” ……………………………. ” في زنزانه ٩ ” ” مسعد واقف وفي اكتر من ٣٠ واحد معاه في زنزانه اصغر من اوضة ، واقف وفي واحد واقف جنبه ساند علي كتفه ” مسعد بضيق : يعم ابعد هي نقصاك يعني حر وعرق وكمان انت رضوان بعد عنه : جري ايه يا صاحبي ما الحال من بعضه انت متنرفز بس علشان اول يوم بكرا تتعود مسعد بصله : انا عايز انام هنام فين ؟ رضوان وهو بيتاوب : ١٥ بينامو و ١٥ بيصحو وانت حظك جاي مع ال ١٥ البي بينامو الصبح ويصحو بليل مسعد بضيق : لازم اطلع من هنا الوضع لا يطاق رضوان : الا قولي يصاحبي جاي في اي ؟ مسعد : بودرا وانت رضوان بلهفه : مفيش معاك سطر ومردوده اخوك دماغة هتتفرتك مسعد بسخ.ريه : كان القرد نفع نفسه يا اخويا مقولتليش جاي في اي رضوان بلا مبالاه : سر/قه مسعد : ودي فيها كام سنه ؟ رضوان : انا واخد سنه وبعد الاستئناف بقت ٨ ش.هور بس مش السر/قه كلها كدا علي حسب نوع السر/قه اللي جاي فيها يعني انا سارق مو\تسيكل ف اخدت سنه
مسعد : طب وانا ممكن اخد كام ؟ رضوان : انت من ٢٠ ل ٢٥ الا لو قومت محامي كبير يطلعك منها مسعد : الله يطمنك يا غالي ………………………….. ” في شقة عاصم ” ” زينة قامت من النوم كان عاصم نايم في النص ولميس نايمه علي دراع وزينة علي دراع ” ” زينة بصت عليه وقامت غيرت هدومها وطلعت علي برا ، كانت مرفت قاعده قدام التلفزيون بتحشي محشي ” زينة ببتسامه : يا الله علي الروقان هناكل محشي النهارده ؟ مرفت بحب : محشي وبط وجلاش بالحمه المفرومه كمان زينة قعدت جنبها : ااه كدا ادووب بجد مرفت : قومي بس جهزي فطار ليكي انتي وجوزك وانا قربت اخلص لف اهو زينة قامت وقفت بحب : عاصم اول مره ينام كدا ممكن مينزلش الشغل النهارده ولا اي ؟ مرفت : طب ما تدخلي تصحيه وشوفي هينزل الشغل ولا لاء زينة بتوتر : نايم متأخر نزل الساعه ١٢ بليل ومقاليش راح فين ومعرفش جيه الساعه كام اصلا مرفت بستغراب : راح فين دا في نص الليل كدا زينة قعدت جنبها وسندت علي كتفها : حاسه ان انا وهو بينا الف سد يا ماما بقول ممكن الحاجز دا يتشال بمرور الوقت لكن دا السد بيكبر يا ماما اعمل ايه انا

مرفت مسحت علي شعرها : وليه الحاجز دا مبتحاوليش تشيليه يا زينة زينة دموعها نزلت : بحاول والله العظيم بس لما بكون طرف بيحاول والطرف التاني مبيتحركش حتي انت غصب عنك هتملي مرفت ح*ضنتها : الوحدة اللي بتحب جوزها عمرها ما تمل منه يا زينة عاصم كان في الحمام بتاع الاوضه بياخد شور وبعد ما حط الصابون علي جسمه جيه بفتح المايه مفتحتش : المايه قاطعه ولا ايه … زيننننة ؟ مرفت سمعت صوته : قومي يا حبيبة قلبي شوفي جوزك عايز ايه وربنا يعدل حالكم يارب زينة قامت وراحت علي اوضتهم لقيته في الحمام : في ايه يا عاصم ؟ عاصم من ورا الباب : المايه قاطعه ولا ايه ؟ زينة : اه المايه ق\طعه اطلع بقا مش ضروري تستحمي النهارده عاصم بنرفزه : مش ضروري ايه انا غسلت جسمي بصابون روحي نادي امي يا زينة اخلصي زينة طلعت : ماما عاصم غسل جسمه بصابون وميعرفش ان المايه قاطعه مرفت : كدا هتنزلي تجيبي مايه من خزان المايه اللي في الورشه تحت عاصم طلع راسه من الحمام بزعيق : لاااء متنزليش الشااارع هاتي الفوطه من علي السرير واقفلي الباب زينة دخلت وقفلت الباب وجابت الفوطه وخبطت علي الباب : افتح خد الفوطه اهي
عاصم فتح واخد الفوطه ونشف الصابون ولبس بنطالون وطلع بنرفزه : طلعيلي هدوم يا زينة زينة راحت عند الدولاب وطلعت هدوم بهدوء وتعب : دول كويسين ولا اي ؟ عاصم بصلها بستغراب : مالك في ايه وشك اصفر كدا ليه النهارده زينة بصتله : مفيش باين داخله علي دور برد عاصم قرب منها وحاوط وشها بإيده بقلق : جسمك مش سخن يعني حاسه بإيه كدا ؟ زينة بعدت بهدوء : مفيش يعاصم انا كويسه متقلقش عاصم شدها ليه تاني بستغراب : انتي بتبعدي عني ليه ” زينة بصتله شويه وعيطت جامد ” عاصم ح*ضنها بقوه وحنان : مالك يا زينة بتعيطي ليه ؟ زينة بوجع : انا فكرت لما اتجوز هرتاح يا عاصم فكرت ان هعيش معاك في سعاده ، لقيتني بتوجع اكتر وبتعب اكتر وانت مش قادر تتقبلني ف لو عايز تطلقني يا عاصم طلقني وارتاح مني عاصم كلامها زعله جدا فح*ضنها اكتر : حقك عليا مليون مره علشان حسستك كدا انا اسف ليكي يا زينة بس حقيقي انا خايف عليكي زينة بصتله بلهفه : خايف عليا من ايه يا عاصم انا بحبك … بمو*ت فيك مستعده اكمل حياتي معاك وكفايه عليا ان ابصلك بس تراضيني بكلمه بلاش تحسسني احساس اني حمل عليك يعاصم بلاش احساس اني مش مرغوب فيا دا
عاصم بصلها بتشتت : انا كبير عليكي يا زينة قكري في سني ؟ زينة قربت منه وبا*سته : بس انا بحبك عاصم ابتسملها : انتي لسه صغيره لما تكبري هتفهمي وهتندمي زينة با*سته تاني بحب : عمري ما اندم علي حبك انت كياني يا عاصم عاصم اتنهد براحه وح*ضنها : كلامك دا متقالش من اول يوم جواز ليه يا زينة كنت محتاج احس بالحب دا علشان متشتتش كدا زينة ح*ضنته بقوه : هفضل كل دقيقه اقولك ان بحبك ومش ندمانه علي حبك مش طالبه منك حاجه غير انك تعاملني كويس وبس عاصم بصلها : بس انا طالب ؟ زينة بستغراب : طالب ايه ؟ عاصم : نعيش حياة زوجيه طبيعيه يتبع…