حماتي كل ماتدخل مطبخي

لمحة نيوز

السفرة فاضية ويقولواإنها مقصرة وما بتعرفش تعمل عزومة عدلة، فيحرموا يحطوا رجلهم في البيت ده تاني!
وبعدها فوراً صوت أمه وهو بيطلع بقمة الخبث والجشع عفارم عليك يا تامر.. كدة كدة أبوها لو جه وقعدمعانا، كان هيسأل على الفلوس اللي أخدتها منه بحجة مشروعك، و كان هيعرف إننا اشترينا الشقة الجديدةباسمي أنا مش باسمها!
الصوت كان واضح، نقي، ومفهوش ذرة شك.
في اللحظة دي، باب الشقة الخارجي اتفتح على آخره. دخل أبويا… الراجل الطيب اللي أفنى عمره في الخليج عشان يربينا، الراجل اللي كان باصص لتامر طول السنتين اللي فاتوا و كأنه ابنه اللي ما خلفوش. دخل و وراه إخواتي الاثنين، أحمد و مصطفى.
أبويا ما كانش زعلان… أبويا كان شكله كأنه اتطرق بصدمة عمره. عينيه كانت مليانة حسرة و وجع يهد جبال. بص لتامر و لأمه، وقال بصوت هادي جدًا، بس الهدوء ده كان يسبق العاصفة أنا سألتك يا تامر لما جيتلي المكتب من ست شهور… قلت لك يا بني، الفلوس دي تحويشة عمري ومكافأة نهاية خدمتي، 800 ألف جنيه، أداهم لك عشان تجيب الشقة اللي جمب شغل نهى و تأمن بيها مستقبلها هي و العيال… قلت لي ساعتها إيه يا تامر؟ مش قلت لي دي في رقبتي يا عمي و نهى دي في عيني وأنا هكتب كل حاجة باسمها؟
تامر العرق بقى ينزل من ودان وجبهته زي المطر، لسان أتلعثم و ما بقاش عارف يجمع جملة مفيدة يا… يا عمي افهمني بس! و الله الموضوع مش كده خالص! أمي… أمي فهمت الموضوع غلط، ده كان مجرد كلام في ساعة غضب، و أنا الشقة
مصطفى أخويا ما استناش لما يكمل. قرب من تامر وجابه من ياقة قميصه بضغطة خلت تامر يتخنق شقة إيه اللي باسم أمك يا نذل؟! يا واطي يا ابن الحرام! أنت بتاكل من خير أبويا و بتستغل طيبة أختي و تيجي في الآخر تتآمر عليها عشان تطردها و تسرق فلوسنا؟!
حماتي اتجننت و بقت تصرخ تولول وتضرب على صدرها عشان تلم الجيران و
ضيوفها اللي كانوا قاعدين في الصالة بره الحقوني يا ناس! الناس جم يتبلوا علينا في بيتنا و يضربوا ابني! افتحوا الباب يا جيران! الجرائم بتم جوه بيتي!
أحمد أخويا الكبير مشي بثبات، قفل باب الشقة بالمفتاح، و حطه في جيبه، و بص للحاجة صفاء بنظرة مرعبة خلتها تسكت في لحظة و تلكم لسانها جوه بقها صوتك ده مش هيطلع بره الشقة دي يا حاجّة صفاء… والضيوف اللي بره دول هيمشوا دلوقتي بالذوق، قبل ما نطلب الشرطة والأموال العامة ونفضحكم قدام المنطقة كلها بعقود التزوير والسرقة اللي اتعملت!
أبويا قعد على الكرسي اللي كان جنب الرخامة، مسح جبهته بإيده، وبصلي وقال تعالي يا نهى… تعالي يا بنتي جنبي هنا.
قربت من أبويا، قعدت تحت رجليه ومسكت إيده المرتعشة. أبويا طبطب على رأسي بدموع حبسها ببالغ الصعوبة، وقال بصوت مليان كبرياء أنا أسف يا بنتي… أنا اللي سلمتك لناس ما يصونوش الأمانة. أنا اللي صدقت الضحكة الصفراء والكلمتين الناعمين. بس والجمع الإلهي ده، ما هسيب حقك ولا فركوس واحد من فلوسك، ولو كان آخر يوم في عمري.
تامر بدأ يحس إن اللعبة خلصت، وإن الكروت كلها اتكشفت. نزل على ركبته قدام أبويا وهو بيبكي بدموع التمساح وبيتوسل يا عمي أرجوك! أرجوك سامحني ورجع الموضوع بينّا! أنا هكتب الشقة باسم نهى بكرة الصبح في الشهر العقاري! والله العظيم أمي هي اللي زنت عليا وقالت لي نأمن نفسنا الأول! أنا بحب نهى وما أقدرش أستغنى عنها!
حماتي لما سمعت ابنها بيبيعها وبيحملها المسؤولية عشان ينفذ بجلده، اتقلب وشه وبقت تبص له بغل وازدرار أنا اللي زنيت عليك يا حيلتها؟! ولا أنت اللي جيت لي ورجلك فوق رقبتك وتقول لي يا أمي يرضيكي أبوها يتشرط عليا ويخليني أكتب الشقة باسم نهى؟! أنت اللي كنت عايز تأمن نفسك وتطلع من الجوازة دي بقرشين يا خايب!
المنظر كان مقزز… الأم وابنها بياكلوا في بعض قدامنا زي الكلاب على العضمة! كل واحد فيهم بيحاول يرمي التهمة على الثاني عشان ينقذ نفسه من المصيبة اللي وقعوا فيها.
قمت وقفت في نص المطبخ، وبصيت لتامر بقمة القرف والاشمئزاز أنت فاكر إن الموضوع موضوع شقة يا تامر؟ أنت فاكر إنك لو كتبت الدنيا كلها باسمي بكرة، أنا ممكن أقبل أعيش ثانية واحدة مع بني آدم خاين ومنافق زيّك؟! بني آدم بيستخسر في أهلي طبق أكل، وبيتآمر مع أمه عشان يمسح بكرامتي الأرض ويطلعني مقصرة قدامهم؟! أنت مش راجل يا تامر… أنت مجرد أداة في إيد أمك، وواجهة لنصب واحتيال!
التفت لأخويا أحمد وقلت له بصوت حاسم يقطع الشك باليقين أحمد… انزل هات شنط هدوومي من الشقة فوق، أنا مش هسيب فتلة واحدة في البيت ده. وأنت يا مصطفى، اتصل فوراً بأستاذ مجدي المحامي، خليه يجهز بلاغ النائب العام بتهمة النصب والاحتيال والاستيلاء على أموال بعقود وهمية، ودعوى طلاق للضرر فورية!
تامر اتنفض من على الأرض وجري عليا مسك إيدي بلهفة ورعب نهى! بلاش طلاق يا نهى! أرجوكي فكري في اللي بينّا! سنتين جواز يترموا في الشارع عشان غلطة وشيطان دخل بينّا؟! أرجوكي أديني فرصة أصلح كل حاجة!
زقيت إيده بعيد عني بقمة القسوة السنتين اللي فاتوا كانوا أكبر كذبة في حياتي يا