العانس ج الاخير

الفصل الثالث عشر
حاول عزت امتصاص التوتر بين ادم ومعتز فنظراتهم لبعض لا تبشر بخير
عزت بهدوء..طب تعالو خشو جوا نفهم في ايه
معتز ابعد نظره عن ادم ونظر لعمه..مفيش داعي ياعمي محصلش حاجة الاستاذ زعل لما قولت لنسرين انها اتأخرت معه
ضغط ادم على شفته السفلى بغيظ و
كاد ان يرد عليه لذكره اسمها مرة اخرى بدون القاب
لكن سبقه عزت وقال بهدوء..طب يابني معلش انا عارف انكم متربين مع بعض بس ماينفعش تناديها بأسمها كدا هي دلوقتي مراته وعلى اسمه وكمان هو استأذن مني على ميعاد مروحهم
معتز بغضب من كلام عمه فكلامه نصر ادم عليه..طب ياعمي انا اسف اني ادخلت بس انت عارف انا بخاف عليها اوي قالها بطريقة مستفزة ونظر ل ادم
اغضبت جملته الاخيرة ادم لكنه حاول ان يكون هادي
عزت فهم ما يود فعله معتز من اثارت المشاكل مع ادم ..اه ما أنا عارف انك بتخاف عليها ما انت زي احمد ومحمد
شعر معتز ان جملة عمه هدت كل ما حاول الوصول له من اغضاب ادم
عزت بأبتسامة ..طب تعالو نتعشى مع بعض دي ام احمد متوصية بينا اوي النهاردة وضحك
ادم بضحك نظر ببرود لمعتز..بالهنا والشفا ياعمي(اراد ان يرد ل معتز ما فعله ويعرفه انها اصبحت زوجته)انا بقى انهاردة متغدي من ايد مراتي وانت طبعا عارف اكلها
عزت..ايوة طبعا عارفه بالهنا والشفا
شعر معتز ان لا مكان له ..طب عن اذنكم وصعد الى شقتهم
دخل عزت وادم الى الصالون وجاءت زينب وسلمت عليه وسألت على والدته
اما نسرين دخلت غرفتها لتغير ملابسها ونادت على امها لتسألها ان كان معتز دخل معهم وعندما علمت انه لم يدخل لبست بنطلون جينز وبلوزة جميلة وخرجت لتجلس معهم نظر لها ادم بغيظ على لبسها هكذا وفي عيونه كلام
فهم عزت ان ادم يود الكلام معها وقال..عن اذنك يابني ثواني
وقف ادم احتراما له ..اتفضل يا عمي
وجلس بجانبها ونظر لها وعقد حاجبيه بغضب ونظر لها نظرة حادة وضغط على اسنانه ..انتي إزاي تطلعي من اوضتك كدا افرضي ان البيه ابن عمك دخل معنا
نسرين بخوف من شكله ..والله انا سألت ماما الاول قبل مااطلع
ابتسم إبتسامة واسعة ثم تغير وجهه فجأة بغيرة..بس ايه حكاية ابن عمك ماله مش طايقني
شعرت نسرين بغيرة ادم عليها وكانت فرحانة اوي وارادت ان تزيد غيرته وقالت..ابدا نفس حكاية الست غادة بالضبط
ادم نظر لها واشتعلت عيناه بغيرة..لا والله
نسرين بادلته نظرته فهي ايضا غارت عليه كثيرا من غادة..اه والله
ادم بغيرة فما شعر به ناحية معتز صحيح وقال بتملك وانها ملكه هو فقط..طب اسمعي بقى…..
قاطعته ووضعت يدها على يده وضغطت عليه ..والله من غير ما تقول ومن قبل حتى ما تتقدم ليا انا من يوم ماعهدت ربنا اني اتغير وانا مش بقعد معه ولا مع غيره حتى لو بابا وماما قاعدين
نظر لها ادم بحب..انا عارف ياقلبي بس غيرت عليكي
نسرين بادلته نظرات الحب وقالت بصوت ناعم..غيرت اوي
ادم بلع لعابه بصعوبة كي يسيطر على نفسه..احم احم اتهيقلي انك تكلمي بابا احسن عشان انزل واوعي تتأخري بكرة على المكتب
نسرين بدلع..حاضر يا دومي
قامت من مكانها كي تنادي والدها
نظر ادم في اثرها يتابعها بحب وقال لنفسه..ربنا يصبرني لحد ما الاسبوع دا يخلص
جاء عزت واستأذن ادم وذهب ودخلت نسرين لغرفتها فهي لاتريد ان تأكل
امسكت هاتفها واتصلت على اماني كي تخبرها بما حدث معها وانتظرت الرد
نسرين بهدوء..السلام عليكم
اماني بنبرة فرح وسعادة من اجل صديقتها وعتاب انها لم تسأل عنها مثل كل يوم..وعليكم السلام اهلا بالعروسة كنتي مختفية فين طول النهار لا رنة ولا اتصال ولا عبرتيني ولا خلاص من لاقى احبابه نسى اصاحبه
نسرين ..ابدا والله انتي عارفة غلاوتك ياقمر انت بس النهاردة كان حتة يوم
اما ني بلهفة لمعرفة ماحدث طوال اليوم ..ايوة ياعم اكيد كله حب ودلع ومشاعر هييييييح طب احكي بسرعة حصل ايه
نسرين بضحك..حب ودلع طب اسمعي بقى وحكت لها عن يومها و بدايته مع مجيدة وبنتها ونهايته بمعتز
اماني تغيرت نبرة صوتها للخوف والقلق على صديقتها..يالهوي ايه دا كله وانتوا هتلاقوها منين ولا منين
نسرين بنبرة ساخرة على حالها..شوفتي البخت
اماني تحاول التخفيف عنها وقالت بنبرة هادئة ..ياحبيبتي ربنا يعينك انت عارفة بعد ما تتجوزوا كل دا هينتهي وكل واحد هيتلهى في حياته انتي بس قولي يارب
نسرين بصوت يخرج من اعماق قلبها..يااارب ياموني الإ انا خايفة اوي من معتز ليقول ل ادم اني كنت بحبه ولا يقوله على حكاية نهى
اماني شعرت بخوفها وهي ايضا خافت ان يفعل هذا لكنها حاولت طرد الفكرة من رأسها وان تطمنها..انتي هتخوفيني ليه بيتهيقلي ان معتز كويس ومش ممكن يعمل وانه عنده اخلاق ومهما كان دا ابن عمك يعني مش هيعمل حاجة تضرك ولا ايه
نسرين بنبرة يملأها الخوف والقلق فهي فعلا خافت منه ..والله ماانا عارفة بس خايفة اوي انا كنت حاسة انه هيقول دي كانت بتحبني وبتجري ورايا
اماني بنبرة هادئة لكي تطمنها..ربنا يستر ويعدي الموضوع على خير
نسرين..يارب يالا روحي شوفي ولادك اكيد عطلتك
اماني..بلاش عبط انتي اختي وصاحبتي
نسرين..طب يالا السلام عليكم
اماني..وعليكم السلام مع السلامة
……………..
في شقة حمدي
فتح معتز وهو على نفس حالته الباب وجد والديه جالسون امام التلفاز وفاطمة تحمل طمطم وتلاعبها نظرت له بأستغراب من عودته..الله ايه اللي رجعك مش كنت نازل
معتز خيم الحزن على وجهه وقال بنبرة حزينة..ابدا اصل وانا نازل وحكى لهم ما حدث
حمدي بهدوء ..طب عمك مغلطتش عنده حق المفروض متقولش اسمها كدا دي مرات راجل وكمان هو استأذن ابوها
معتز اتسعت عيناه بغضب وقال بعصبية..انت كمان يابابا هو انا عملت ايه يعني انا غلطان اني خايف عليها
نظر له نظرة مطولة ثاقبة وحاول ان يفهم مايدور برأس ابنه
ونظر لفاطمة ..قومي حضري العشا وهاتي طمطم
اعطته البنت وذهبت للمطبخ
حمدي نظر له فهو فهم ما يدور برأسه من افتعال المشاكل..انت عايز توصل لأيه
معتز بهدوء يدعي عدم الفهم ..يعني ايه
حمدي اراد ان يتكلم بوضوح ويدخل في صلب الموضوع ..يعني انت عايز ايه من بنت عمك بالضبط
معتز بهدوء وكأنه طلب عادي..عايز اتجوزها
حمدي اتسعت عيناه بغضب وقال بصوت عالي يملأه الغضب..نننننعمم
معتز ببرود وكأنها من حقه..ايوة انا عايز اتجوزها وانا اولى بها منه
حمدي اتسعت عيناه بصدمة من كلامه كيف له ان يفكر هكذا ..وكان فين الكلام دا لما روحت واتجوزت وياما امك قالتلك عليها وانت مرضتش ايه اللي اتغير دلوقتي واتكلم معايا بصراحة
معتز مازال محتفظ بهدوئه فهو يرى نفسه على صواب وهي من حقه ..هي كانت بتحبني وانا دلوقتي بحبها وعايز اتجوزها
حمدي لايصدق مايسمعه فكلام ابنه قد يصيبه بنوبة قلبية فما ذنبها انه الان فاق لنفسه واصبح يحبها ..يابني انت بتقول كانت بتحبك وانت سبتها واتجوزت وهي في فرحك كانت فرحانة ورقصت يعني موضوعك انتهى بالنسبة لها وعندها حق ياريت انت كمان تسبها في حالها وهي دلوقتي على ذمة راجل يعني الموضوع انتهى
معتز رفع اكتافه بلامبالاة ورد ببرود..خلاص يطلقها وانا اتجوزها
حمدي استشاط غضبا واصبحت عيونه حمراء كالدم وعقد حاجبيه بشدة وهتف بغضب وصوت عالي ..لأ دا انت اتجننت عايزني اقول لعمك يقول لراجل يطلقها عشان حضرتك تتجوزها ثم هدأ قليلا وغير نبرة صوته الغاضبة لأخرى هادئة وحاول التأثير عليه.. دا كلام يابني لو كان اللي حصل دا كله حصل مع تسنيم ومحمد عمل زيك كدا كنت هترضى انه يتجوزها بعد اللي عمله معها ما ترد كنت هترضى
معتز بخجل من نفسه نظر ارضا فوالده محق هو ماكان يرضى لتسنيم هذا
حمدي نظر له برجاء ونبرة حانية..لو انت بتحبها زي ما بتقول تتمنى لها السعادة وتفكر في سعادتها قبل سعادتك
معتز هز رأسه بهدوء هو من ضيعها من يده وعليه تحمل عواقب اختياره ..انا فعلا بحبها بس انت عندك حق المهم سعادتها هي وعشان كدا انا اوعدك اني هبعد عنها وعمري ما هقف في طريقها
حمدي نظر له وابتسم وربط على كتفه..ايوة هو دا معتز اللي انا ربيته ربنا يهديك يا بني ويسعدك ويبعتلك بنت الحلال اللي تريح بالك
لم يرد معتز واكتفى بأبتسامة حزينة
…………..
مر يومين بلا جديد فيهم سوى ان ادم اشترى غرفة نوم رائعة وبدأوا في ترتيب كل شئ احضرت نسرين ماكانت تشتريه زينب لها( وطبعا زي اي ام مصرية اصيلة بتجهز بنتها وهي في اولى ابتدائي😂😂😂)
في منزل ادم بعد ان غادرت نسرين واماني وعبير وزينب وتسنيم وفاطمة كانوا يرتبوا ملابس العروسة واغراضها في غرفتها ونظفوا الشقة مع نادية وجهزوا ورتبوا كل شئ
كانت مجيدة وبنتها موجودين ولم يفعلوا شئ سوى السخرية من ملابس واشياء نسرين ويتغامزون مع بعض بعد رحيلهم جلست نادية مع مجيدة وغادة
مجيدة رفعت حاجبيها ومطت جانب شفتيها بأبتسامة ساخرة وقالت ..انا مش عارفة ايه اللي عجبه فيها دا زي القمر وهي ولا شكل ولامنظر وكمان كبيرة ولا حاجاتها ايه دا
غادة هزت رأسها تؤكد كلام امها..ايوة ياماما عندك حق حتى هدومها مش حلوة ايه الذوق دا دي مفيش حاجة عدلة كله زي الخيمة
وزعت نادية نظراتها بينهم فكلامهم لم يعجبها وقالت بهدوء..على فكرة الهدوم اللي مش عجباكي دي عجبة ادم وبعدين هي جايبة هدوم ضيقة وقصيرة وعريانة للبيت وكلها ذوق وروعة
مجيدة نظرت ل غادة كي تتركهم بمفردهم..قومي اعملي لينا شاي
قامت غادة من مكانها وذهبت الى المطبخ
فهمت نادية ان مجيدة تود الكلام فنظرت لها وسألتها..مالك يامجيدة في ايه
مجيدة نظرت لها وتنهدت..اصل بصراحة كدا انا عايزة اسألك هو خلاص مفيش امل
نادية بأستغراب من كلامها..مفيش امل في ايه
مجيدة ضيقت عيناها وقضبت حاجبيها بزعل..ان ادم يتجوز غادة
نادية بنفاذ صبر..ماخلاص يامجيدة كل شئ قسمة ونصيب وبعدين دا الفرح فاضل عليه كام يوم
مجيدة ابتسمت ووضعت يدها على يد اختها..لأ لسة في وقت انتي بس خليكي معايا
نادية بأستغراب طريقتها فهي لاتفهم ماتقصده..اخليني معاكي يعني ايه انا مش فاهمة
مجيدة رفعت حاجبيها ولمعت عيونها بمكر ..يعني انا وانت نطفشها وهي لما تلاقيكي مش عايزاها وكرهتيها هتبعد عننا ايه رأيك
صدمت نادية من كلام اختها وقالت..ايه اللي انتي بتقوليه دا عايزاني اطفشها ليه دا كله
مجيدة نظرت لها بمحبة وابتسمت..يعني مش غادة احسن ليه وليكي
نادية بأبتسامة هادئة ..بصي يامجيدة من الاخر كدا ادم مش هيأخد غادة وعشان اريحك انا قولتله عليها كذا مرة وهو رفض من قبل ما يأخد نسرين وهي كانت قدامه طول عمرها يعني لو كان عايزها كان خدها
مجيدة مطت شفتيها بزعل وقضبت حاجبيها. .يعني انتي يرضيكي ان غادة بتحبه وهتموت عليه وهو ولا هو هنا
نادية اغمضت عيناها وفتحتها ..انتي اللي غلطانة (نظرت لها مجيدة بأستغراب ) انتي بتبصيلي كدا ليه ايوة انتي اللي غلطانة انتي اللي حطتيه في رأسها وأنك هتجوزيه ليها والكلام دا غلط وبيقعوا فيه ناس كتير يفضلوا يعشموا بناتهم ان فلان هيأخدها لحد البنت ما تتعلق به وتحبه وبعدين هو يكون ولا في دماغه ويأخد واحدة تانية والبنت تزعل وقلبها يتكسر ازاي اعشم حد بحاجة مش في ايدي ازاي تعشميها اذا كان انا امه مقدرش اعشمها به انتي منين جبتي الثقة ان ادم هيأخدها
مجيدة عقدت حاجبيها بغضب وقالت ..هو دا اللي ربنا قدرك عليه
نادية تنهدت بقلة حيلة ..بصي يا مجيدة اخوكي بكرة جاي من السفر عشان يحضر فرح ادم وقاعد أسبوعين احكيله وشوفي رأيه
مجيدة بغضب..ولا احكيله ولا يحكيلي خلاص وقامت عن مكانها ونادت بصوت عالي..يالا يا غادة
خرجت غادة مسرعة من المطبخ وجدت امها واقفة تمسك بحقيبتها اعطتها لها ..يالا بينا
ذهبت مجيدة وبنتها ودخلت نادية المطبخ خافت ان تكون غادة تركت الشاي على النار صدمت من المنظر كانت غادة تصنع كيكة وقشور البيض على الرخامة والدقيق في كل مكان والزيت مفتوح والكاكاو والسكر والشاي والمطبخ كأنه ضرب بقنبلة نظرت حولها وقالت..بقى دي احسن ليا وليه الله يسامحك يا مجيدة دول كانوا مخلين الدنيا زي الفل
دخل ادم على صوت والدته وهي تكلم نفسها فهو لم يكن في البيت وتركهم على حريتهم ونظر للمطبخ..السلام عليكم ايه اللي عمل في المطبخ كدا
نادية قلبت عيناها بضيق..وعليكم السلام ياحبيبي غادة كانت بتعمل كيكة
ادم بأبتسامة ..طب معلش روحي انتي ارتاحي وانا هنظفه
نادية..لأ هنظفه معاك دي نسرين واماني نظفه ورتبوا كل حاجة وخلوه زي الفل يالا مش مهم
فتحت نادية الفرن وجدة الكيكة لم ترتفع ونظرت حولها وجدت البيكن بودر فهي نست وضعه
ادم هز رأسه بهدوء ..خلاص ياامي معلش
وبدأوا بالتنظيف
………………
في المكتب صباحا
جلست نسرين واماني كلا منهم على مكتبها تقوم بعملها دخل عليهم ادم بوجه تملاءه السعادة والابتسامة الهادئة..السلام عليكم
نسرين/اماني بهدوء..وعليكم السلام
قامت اماني من مكانها واقتربت من نسرين وقالت..والله يابت الأستاذ ادم من يوم ما خطبك وهو وشه نور واتفرد وبقى بشوش كدا
نسرين رفعت سبابتها في وجهها وقالت بمرح..انتي ياحجة غضي بصرك عن جوزي
اماني اشاحت بيدها..ياشيخة اتنيلي دا انا وعادل بنخاف منه
نسرين رفعت حابها الايسر..ليه ان شاء الله دا دومي دا طيب اوي وحنين اوي اوي
اماني رفعت حاجبيها ..لا والنبي شوفو البت بس عارفة انا مكنتش فاكرة ان عم الحجر دا عنده قلب وبيحبك من زمان اوي كدا
نسرين رفعت حاجبيها واتسعت عيناها ..حجر في عينك وتنهدت بحب ووضعت يدها اسفل ذقنها.. دا دومي عنده مشاعر واحساس فوق ماتتصوري هيييييح
انتفضت من مكانها عندما سمعت صوته العالي..انتي يامدام
نسرين بخضة..يالهوي هو سمعني ولا ايه
اماني بضحك..سمعك ايه ياهبلة روحي شوفي عم الحاج عايز ايه هييييح
ضربتها نسرين بخفة على كتفها وذهبت
……………
في مكتب ادم
دخلت نسرين بخطوات هادئة وقالت بصوت واطي ناعم ..نعم يااستاذ ادم
قام ادم من مكانه ونظر لها بأشتياق واقترب منها وامسك يدها بين يداه ..عاملة ايه يا قلبي وحشتيني اوي اوي
نسرين بادلته نظرات الحب ..الحمد لله بخير انت عامل ايه يادومي وانت كمان وحشتيني اوي
ادم قبل يدها بشوق واجلسها بجانبه..الحمد لله بخير ما قولتليش هنعمل الفرح فين
نسرين..ايه رأيك نعملوا في البيت( نظر لها بأستغراب )بص يابيبي ايه رأيك الرجالة في شقة جدي والستات في شقة بابا
واللبس والمكياج في اوضتي
ادم ..طب اسألي والدتك وعمي
نسرين..انا قولتلهم وهما قالو براحتك وانا شايفة اني هبقى براحتي في اوضتي ها ايه رأيك
ادم هز رأسه بهدوء ..خلاص زي ماتحبي معنديش مانع اهم حاجة نكون مع بعض
احمر وجهها خجلا وابتسمت إبتسامة رائعة ولم ترد
……………….
في يوم العرس
لبست نسرين فستان رائع ومكياج هادي جميل فهي مثل الاميرات
اماني بسعادة وابتسامة رائعة على وجهها احتضنتها وقالت..الف مبروك يا قلبي ربنا يسعدك ويفرح قلبك
نسرين برعشة وصوت متوتر..الله يبارك فيكي يا موني
اماني ..مالك ايديك تلج كدا ليه
نسرين بلعت لعابها بصعوبة فهي تشعر بالخوف والتوتر..خايفة اوي مخبيش عليكي قلبي واقع في رجلية
اماني بضحك..لأ ماتخفيش دي حاجة بسيطة اوي ونكزتها في كتفها
دخلت زينب اتسعت عيناها بسعادة وابتسامة كبيرة على وجهها..بسم الله ماشاء الله ربنا يسعدك ويهنيكي واحتضنتها بشدة يالا ياحبيبتي الناس كلها جت وحماتك كمان جت
خرجت نسرين وخطفت الانظار بجمالها واقتربت من نادية وسلمت عليها
نادية بسعادة كبيرة فهذا اليوم الذي طالما حلمت به..بسم الله ماشاء الله ربنا يسعدكم ويهنيكم
غادة نظرت ل أمها وقالت بغيظ..تصدقي ياماما نسرين حلوة اوي انهاردة
مجيدة هزت رأسها مؤكدة كلامها..عندك حق نظرت لها بأبتسامة وربطت على كتفها.. يالا مش مهم متزعليش نفسك انتي وبكرة اجوزك احسن منه ايه رأيك في واحد من عيال خالك خالد ولاعلي
غادة نظرت لها بحدة فكل ما حدث كانت هي السبب فيه وهي فاقت لنفسها واستكفت من افعال امها..كفاية بقى ياماما فضلتي سنين تقوليلي هتجوزيني ادم وتعلقيني به لحد ماحبيته وبعدين اهو اتجوز ودلوقتي عايزة تكرري نفس القصة وعايزة تجوزيني من واحد من عيال خالي كفاية لحد كدا
مجيدة ..يعني انا غلطانة اني عايزة افرح بيكي
غادة تنهدت بضيق..لأ مش غلطانة بس مش بالطريقة دي وكل واحد ليه نصيبه