العانس ج الاخير

رواية العانس.
بقلم نوني الهواري.

الفصل الحادي عشر
شعرت نسرين بخوف من سكوته وان كان لا يطيقها فلما تقدم لخطبتها فاقت من شرودها على صوت ادم نبرة صوته الهادئة التي تبعث الراحة في نفسها..ممكن نأجل الكلام دا لبعد كتب الكتاب وانا هقولك على كل حاجة بس دلوقتي مش هينفع ماشي
شعرت نسرين بالراحة من كلامه فشكله وابتسامته تطمن قلبها قامت من مكانها وخرجت ورجعت مكانها بجانب نادية
التي شعرت بالقبول من ناحية نسرين فعلى وجهها إبتسامة خجولة تزين وجهها..طبعا احنا جاين انهاردة نطلب ايد القمر دي ل ابني ادم وهو يتفق مع والدها على كل شئ
***
رجع الرجال مكانهم
ادم نظر لعزت وعلى وجهه ابتسامة كبيرة فقلبه يكاد.يخرج من مكانه من شدة سعادته فهذا اليوم الذي طالما حلم به وزادت سعادته انها من عرضت عليه العيش مع والدته كم شعرانه محظوظ بها ..انا يشرفني اطلب ايد بنتك ياعمي
عزت بادله الابتسامة فهو سعيد جدا من اجل ابنته ويشعر ان ادم مناسب لها..وانا يابني مش هلاقي احسن منك زوج ليها(هذه الكلمات كانت كافية بطعن قلب معتز فهو فعلا احسن منه)
ادم اراد ان يخبر والدها على مااتفق معها ليكون على بينة بكل شئ ..طب هي موافقة انها تعيش مع امي
عقد معتز حاجبيه بشدة ورمقه بنظرات نارية تكاد تحرقه في مكانه واندفع بحدة..وليه تعيش مع امك ليه مايكنش لها شقة لوحدها
نظر الجميع لمعتز واستغربوا على اندفاعة في الكلام ونظراته المشتعلة ل ادم فلا احد يفهم مابه لما يتعامل معه هكذا
(استغرب ادم من معتز فلم يتكلم احمد او محمد ولا حتى والدها لما تكلم هو وبهذه الحدة)نظر له ادم نظرة حادة كالصقر
اراد عزت الكلام لكن سبقه ادم وهو مازال ينظر ل معتز ويبادله نفس النظرات الحادة وقال..انا سألتها عايزة الشقة فين بس هي اللي قالت ثم ابعد نظره عن معتز ونظر لعزت ..وتقدر تسألها ياعمي
عزت حاول امتصاص التوتر أبتسم بهدوء..عندها حق يابني والدتك ازاي تسبها لوحدها
أبتسم ادم له..طب مادام كل حاجة جاهزة فأنا بطلب من حضرتك كتب الكتاب الخميس بعد بكرة والفرح الخميس التاني ايه رأيك
أبتسم عزت إبتسامة واسعة فهو يعرف ان ادم مستعجل وقال..معنديش مانع بس لازم اسألها دلوقتي
ادم..اتفضل ياعمي
ذهب عزت وتلاقت اعيون معتز وادم بنظرات معتز النارية
ادم مال على اذن عادل فهو يجلس بجانبه وهمس له..هو بيبصلي كدا ليه
عادل مط شفتيه بعدم معرفة..مش عارف بس شكله مش طايقك
ادم..طب اسكت بقى
عزت اقترب من ابنته فوقفت عن مكانها سألها بهدوء ان كانت موافقة ان كتب الكتاب بعد غدا والعرس الخميس التالي احمر وجهها خجلا وابتسمت إبتسامة هادئة ونظرت ارضا وهزت رأسها بالموافقة ابتسم لها بمحبة وربط على كتفها وتعالت الزعاريت شعر معتز ان المكان ليس به هواء وانه لا يستطيع التنفس وان هذه الاصوات قد تصيبه بالجنون فهذا يعني انها قبلت
فرح ادم عند سماع الزعاريت وشعر ان صوت دقات قلبه اعلى من هذه الاصوات فهذا يعني انها وافقت كم تمنى هذه اللحظة كم حلم بها قام الجميع يهنئون ادم ويباركوا له ما عدا معتز لم يتحرك من مكانه فلما يبارك له هو جاء ليأخذها منه وهي حقه هو
قرأوا الفاتحة واخرجت نادية خاتم انيق وجميل والبسته ل نسرين واحتضنتها بشدة فهذا اليوم الذي كانت تتمناه..الف مبروك ياحبيبتي ربنا يسعدكم
بعد قليل رحل ادم ووالدته
واماني وعادل وبعدها بدأ الاخرين بالرحيل واحد تلو الاخر وكان اخرهم فاطمة ومعتز الذي لايود الذهاب
دخلت نسرين غرفتها لتغير ملابسها وهي في قمة سعادتها
نظرت فاطمة ل زينب بزعل وعتاب وقالت بنبرة معاتبة حزينة..كدا بردو يازينب يأخدها واحد غريب مش ابن عمها اولى بيها
زينب لم تبادلها نظرتها ولكن ابتسمت إبتسامة هادئة فهي سلفتها وعشرة عمر ودائما مع بعض وهي تقدر مشاعرها ..كل شئ قسمة ونصيب ربنا يبعتله بنت الحلال
فهمت فاطمة ان زينب يعجبها العريس مثل حماتها(الجدة)فهي كلمتها قبل قليل لتدخل كي تكلم عزت ان يأخذها معتز لكن الجدة يعجبها ادم وقالت لها انه شاب لم يسبق له الزواج وهو الافضل لها
……………
في بيت محمد
بعد ان عادوا الى شقتهم لاحظ محمد ان
تسنيم مازالت على حالها منذ خروجهم من منزل والده فهي عاقدة حاجبيها تمط شفتيها بزعل (قالبة وشها)
محمد نظر لها بأستغراب..مالك في ايه من ساعة مانزلنا من عند ابويا وانت قالبة وشك في ايه
تسنيم نظرت له ورمقته بنظرة حادة..يعني انت راضيك كدا
محمد بعدم فهم..هو ايه اللي يرضيني انا مش فاهم حاجة اتكلمي على طول
تسنيم بعصبية ..يعني انت ماشوفتش وش معتز
محمد وكأنه تذكر شئ مهم..ايوة صحيح هو معتز ماله في ايه قاعد هيأكل ادم اللي يشوفه يقول قتله قتيل وطريقة كلامه كانت وحشة اوي معه دا حتى ماسلمش وبارك ليه هو في ايه
تسنيم ..معتز عايز يتجوز نسرين هو اولى بها
محمد رفع حاجبيه الايسر فكلامها لا يعجبه..ياسلام وهو كان فين ماهي كانت قدامه ولا هي احلوت دلوقتي
ارادت تسنيم الكلام لكن محمد قاطعها بنبرة محذرة لينهي هذا الحوار الذي لاطعم له..اسمعي بقى ياتسنيم عشان ميحصلش زعل بينا لو سمحتي ما تتدخليش في الموضوع دا وكل واحد بيأخد نصيبه وخلينا احنا في حياتنا وبلاش ننكد على نفسنا
هزت تسنيم رأسها بإيجاب فهو عنده حق كل شئ نصيب وقالت..حاضر يا حبيبي
……………..
مر اليومين بدون جديد سوى التحضير لكتب الكتاب
في يوم الخميس
جاء المأذون وحضر الجميع ومن ضمن المدعوين ام اماني وابوها ومجيدة اخت نادية وابنتها غادة التي لا تعجبها نسرين
مجيدة نظرت ل نادية ومطت جانب شفتيها بأبتسامة ساخرة ..بقى هي دي اللي ابنك مرضيش يأخد غادة عشانها
نادية نظرت لها نظرة يملأها الرجاء كي تسكت..وطي صوتك شوية الناس تسمعك احنا في بيتهم ميصحش كدا
مجيدة تحرك فمها يمين ويسار فهي لاتعجبها نسرين..هو عجبه فيها ايه دي كبيرة اوي ودي تخلف امتى
نادية بنفاذ صبر من كلام اختها ..دي حاجة بتاعة ربنا وايه يضمن ان الصغيرة تخلف
مجيدة نظرت لها بحدة ..انتي قصدك ان بنتي ممكن ماتخلفش
نادية بنبرة هادئة..والله مش قصدي بنتك انا بس بوضحلك انها حاجة مش في أيدينا
اما غادة نتظر ل نسرين من فوق لتحت
اماني لاحظت نظراتها
اماني نظرت ل مي واشارت بعينها كي تنظر لغادة ..دي مالها بتبص لنسرين كدا ليه
مي هزت رأسها بلامبالاة..سيبك منها
اتم المأذون كل شئ وتعالت الزغاريت
عند ادم يالها من فرحة اخيرا اصبحت زوجته كم تمنى هذه اللحظة وكم حلم بها واخيرا تحققت رحل المأذون وقام ادم من مكانه واقترب من نسرين التي وقفت عن مكانها ما ان رأته امامها وقلبها تسارعت نبضاته بشدة وامسك يدها بين يداه شعرت كأن تيار كهربائي يسري في جسدها وصعق قلبها بشدة وهو ايضا شعر بنفس الشعور وشعر انهم يسمعوا صوت دقات قلبه من شدتها قبل جبينها بحب شديد وهمس لها ..ربنا يبارك ليا فيكي خجلت ونظرت ارضا اخذها من يدها ودخل غرفة الصالون التي افرغوها لهم ليتكلموا بحرية اجلسها وجلس امامها ورفع وجهها بيده برفق وقال.. بصيلي هنا
ونظر في عينيها وغرق في حبها وذاب قلبه من نظرتها الخجلة وتاهت هي في عسليتيه أمسك يدها وقبلها بشوق وحب لا مثيل له
ادم نظر لها نظرة عاشق وابتسامة رائعة على وجهه ..انتي سألتي سؤال المرة اللي فاتت وانا عايز أجاوب عليه
نظرته اذابة قلبها حبا وعشقا له ابتسمت ونظرت له بأهتمام فهي تريد معرفة اجابة سؤالها
ادم اصبحت عيونه تلمع بسعادة كبيرة وتنهد بحب ..بصي ياحبيبتي(اتسعت عيناها بأستغراب من كلمة حبيبتي فهي شعرت برعشة من كلمته هل ما سمعته صحيح )بتبصيلي كدا ليه ايوة حبيبتي ومش حبيبتي وبس لأ انتي حبيبة عمري انا عمري ما حبيت ولا هحب غيرك ايوة انا حبيتك من اول مرة شوفتك فيها ثم نظر لها بتسأل..انتي فاكرة اول مرة شوفتك فيها(نظرت له بأهتمام فهي لاتصدق مايقوله اهو يحبها فعلا وظلت تتذكر اول لقاء بينهم )كنا في سنة رابعة وانتو في سنة اولى وكنت ماشي انا وعادل وهو كان متعصب وشاط طوبة جت في صاحبتك ووقفتي انتي وهي كلتوه
نسرين تذكرت هذا الموقف وقالت بضحك..ايوة وانت كنت واقف بعيد باصص في الارض وسايب صاحبك يتبهدل
ادم نظر لها بحب ..عارفة اول ما رفعت عيني وجات عليكي حسيت ان قلبي مش موجود سبني وراح لك بس كنت بحاول ابعد لان بصراحة طريقة لبسك وكلامك وسلامك وضحكك انا عارف اخلاقك وانك مؤدبة وكويسة جدا بس دي غلط حتى لو نيتك سليمة وخير
نسرين نظرت له وقضبت حاجبيها بأستغراب ..طب ليه كنت بتكشر وتستغفر كل ما تشوفني
ادم بنبرة صوت يملأها الحب..كنت بكشر عشان مش عايز اشوفك كدا وكان نفسي تتغيري وكنت بستغفر وادعيلك ان ربنا يهديكي ليا
ادمعت عيناي نسرين الهذه الدرجة يحبها ويدعو لها
نسرين..طب ليه ما قولتليش وانا كنت…..
قاطعها ادم …مينفعش اطلب منك لازم انتي يبقى دا اسلوب حياتك.لو كنت طلبت منك وقولت ليكي البسي كدا ومتكلميش دا و ما تسلميش وما تهزريش واعملي دا وما متعمليش دا
كنتي هتحسي اني عايز اتحكم فيكي وما كنتيش هتحسي بحلاوة قربك من ربنا وهتحسي انه شئ مفروض عليكي
نسرين..طب ماخفتش ان يجي واحد يتقدم ليا واتجوز
ادم..لأ لاني عندي ثقة في ربنا واكيد انه حط الحب دا كله في قلبي ليكي عشان اتمسك بيكي وادعيلك اكتر مش عشان اتوجع به ولو كان دا حصل يبقى اكيد فيه خير ليكي ويكون احسن مني ويسعدك ودي اهم حاجة عندي
نسرين عيونها تطلعت قلوب ..مفيش حد احسن منك انت مفيش زيك
أبتسم ادم ..انتي شايفة كدا
خجلت نسرين وهزت رأسها بمعنى نعم
ادم..لكن قوليلي ايه اللي غيرك كدا
حكت له عن حلمها وانها خافت منه
ادم بحب..هو انا ممكن اسألك انتي ليه وافقتي عليا
نسرين بأحراج لا تعرف كيف تجيب على سؤاله وتقول له انها تحبه بل تعشقه..عشان…….
وسكتت
ادم امسك يدها ونظر لها نظرة مطولة يملأها الحب..لأ كملي حرام عليكي انا مستني اللحظة دي بقالي كتير اوي
نسرين بادلته نظرات الحب التي اذابت قلبه وقالت بصوت واطي ناعم..هو ضروري دلوقتي يادومي
ضحك ادم وحاول السيطرة على نفسه فطريقتها اثبتت له انها تحبه كما يحبها اراد ان يأخذها في حضنه يخبئها عن العالم لكنه قال بهدوء..لأ كفاية دومي دي عشان مش ضامن لو قولتي حاجة تانية هيحصل ايه
شهقت نسرين بخضة و بصوت عالي قليلا ووضعت يدها على فمها.. هاااا دا انت طلعت قليل الأدب
ضحك ادم اكثر على طريقتها..يابت انتي عبيطة ولاهبلة في ايه مالك
نسرين اتسعت عيناها بذهول..مش انت اللي قولت مش ضامن هيحصل ايه يعني قلة ادب وانا اللي كنت فاكرة انك ملتزم ومؤدب
ادم مسح وجهه بيده ..ياربي صبرني عليها ياستي افهمي الالتزام والادب مع الناس كلها لكن انتي لأ انتي حبيبتي وعمري كله و مراتي حلالي يعني ابصلك واكلمك براحتي واعمل كل اللي انا عوزه معاكي وغمز لها اقولك هبقى قليل الادب معاكي انتي بس فهمتي
شخصت عيناها وتدلى فكها وهزت رأسها بالنفي والايجاب
ضحك ادم على شكلها..مش مهم ابقى افهمك بعدين
في هذا الوقت سمعوا صوت صراخ مي وتعالت الأصوات وكثرت الحركة
خرجت نسرين مسرعة لمعرفة ماحدث ..في ايه وجدت احمد يحمل مي ونزل مسرعا لأسفل
زينب..دي مي بتولد ربنا يقومها بالسلامة
ادم كلم امه كي يوصلها
اقترب ادم من اذن نسرين هروح اوصل امي واجيلك على المستشفى ياقلبي واعطاها رقمه واخذ رقمها
جاءت مجيدة ابعدتهم ومرت من بينهم وقالت..يالا ياادم انا وغادة مروحين معاك
ادم..طب ياخالتي اتفضلي انتي وانا نازل وراكي
نزلت هي وابنتها ونادية
نظر ادم لنسرين بحب..هتوحشيني اوي
نسرين بادلته نظرة الحب وقالت بصوت واطي ناعم ..وانت كمان
ادم ..وانا كمان ايه
(سمع صوت خالته تنادي عليه) انتي هتروحي مع مين
نسرين..مع بابا ومحمد وماما
ادم..طب ياعمري لما توصلو كلميني اجيلك على طول
نسرين..حاضر(وقالت بصوت واطي يملأه الحب ياحبيبي)
التفت لها ادم ..سمعتك على فكرة
ابتسمت خجلا وعضت على شفتيها السفلى
نزل ادم وجد غادة تجلس في المقعد الامامي غضب وتغير وجهه وقضب حاجبيه اقترب من السيارة وهو ينظر بعيد عن غادة وقال..لوسمحتي اركبي ورا
اخرجت مجيدة رأسها من نافذة السيارة ونظرت له..وفيها ايه دي بنت خالتك
ادم لم يهتم لكلام.خالته وكأنه لم يسمعها..اتفضلي لوسمحتي
فتحت غادة الباب ونزلت وهي في قمة غضبها وركبت بجانب امها وركبت مكانها نادية وقالت قبل ان يركب ادم..ما قولتلك بلاش
مجيدة رفعت حاجبيها ومطت جانب شفتيها ..ياسلام ياختي ما كان سايح فوق مع الست هانم بتاعته
سمعها ادم ولم يرد او يظهر انه سمعها ركب وانطلق بالسيارة اوصلهم لبيتهم وقال..اتفضلي ياخالتي
نزلت مجيدة وابنتها وتحرك ادم بسرعة
نظرت نادية له تريد معرفة سر تغير وجهه فهو كان في قمة سعادته..مالك ياحبيبي في ايه
ادم تنهد بهدوء ..مفيش بس حاسس ان خالتي مش هتجبها لبر
نادية بنظرة مطمئنة فهي لن تسمح بهذا او اي شئ يعكر صفو سعادة ابنها..لأ ماتخفش بس انت ونسرين انهاردة ماشاء الله ربنا يسعدكم ويهنيكم بقولك ايه لما تروح المستشفى اعزم نسرين بكرة على الغدا واهي بالمرة تشوف الشقة وحاول تنجز وتشتري اوضة النوم مفيش وقت ياعريس وربطت على كتفه في حنان
شعر ادم بفرحة امه له..ربنا يخليكي ليا
نادية..عارف انا حبيت نسرين اوي دخلت قلبي حاسها بنتي
ادم..نسرين طيبة اوي ولسة لما تعرفيها هتحبيها اكتر
وصل ادم امه لشقتها واغلق الباب ونزل وذهب للمستشفى
……………
في المستشفى
دخل ادم وجدهم جميعا ووجد نسرين جالسة بجانب امها واضعة يداها على وجهها وتدعي ل مي ومعتز عيونه عليها لا يبعد نظره عنها شعر بالغيرة لما ينظر لها هكذا
اقترب منها وامسك يدها فانتفضت خوفا
ادم..مالك خوفتي كدا ليه
نسرين..لأ ابدا بس خوفت يكون احمد يقول حاجة على مي
ادم..ماتخفيش ان شاء الله تقوم بالسلامة
بعد قليل سمعوا صوت بكاء الطفل وخرجت الممرضة واعطته ل احمد اخذه برفق وقبله واذن في أذنه وبارك له الجميع
اقترب احمد من نسرين واعطاها الطفل وضحك..اتفضلي شيلي ياعمتو الشريرة
ادم بزعل كيف ينعت حبيبته ذات القلب الطيب بالشريرة..حرام عليك يااحمد دي شريرة
نسرين اسبلت عيناها ببراءة..اه شوفت ياادم بيقول عليا ايه واخرجت لسانها لأخيها
احمد. بمرح رفع حاجبيه …لأ ياشيخة اومال مين اللي قالت انا عايزة ابقى العمة الشريرة
اخذت منه الطفل برفق وقبلته بحب ابتعد احمد وتركهم على حريتهم
ادم بأبتسامة رائعة وسعادة تملأ وجهه..عقبال ماتشيلي ابننا
خجلت من كلامه وابتسمت إبتسامة خجولة
ادم..على فكرة ماما عزماكي بكرة ان شاء الله على الغدا وانا كلمت عمي بالتليفون لاني مكنتش هعرف اكلمه هنا
نظرت له ورفعت حاجبها..ننننننننعم
ادم بأستغراب من فعلتها ..في ايه مالك
نسرين..ياسلام ماما عزماني على الغدا وايه كمان
فهم ادم قصدها وضحك واقترب منهاوقال بنبرة ماكرة..بكرة هخدك هناك ومش هتلاقي ماما في البيت وهستفرد بيكي
نسرين توترت من قربه وضعت يدها على فمها..انا كان قلبي حاسس انه فخ
ادم نظر لها بغيظ..يارب صبرني هو ايه اللي فخ انا هعمل ليكي فخ الله يسامحك انا مش هرد عليكي وهاتي الواد السكر دا صدق احمد عمتو الشريرة اخذه منها وقبله في نفس المكان الذي قبلته هي فيه
رفع عينه على معتز وجده متابع معهم وعيونه حمراء تكاد تخرج من مكانها من شدة الغضب ويضغط على اسنانه بشدة ومكور قبضته يضغت عليها بشدة حتى برزت عروقه
بعد قليل خرجت مي ووضعوها الممرضات في غرفة بها سراير كثيرة دخل احمد ابوها وامها وعزت وزينب ونسرين وعبير واماني وتسنيم وظل الشباب خارج الغرفة
عزت..يالا يانسرين عشان نروح
احمد..يالا ياجماعة انتو كمان عشان تروحو وترتاحو
نسرين..هتسميه ايه
احمد..أنس ايه رأيك
نسرين..جميل ربنا يبارك فيه ويحفظه
غادرو جميعا واقترب احمد من زوجته ..الحمد لله على سلامتك ياقلبي
مي..الله يسلمك حلو أنس
احمد..احلى حاجة فيه انك امه وهو حتة منك
مي..ربنا يخليك لينا
احمد..ويخليكم ليا ياعمري
……………..
في اليوم التالي
جاء ادم ليأخذ نسرين وذهبت معه الى شقة والدته وهي على السلم خائفة تقدم رجل وتؤخر الاخرى فهي تشعر بالتوتر
نظر لها ادم لاحظ توترها وكأنها فعلا خائفة منه اقترب منها ..نسرين انتي بجد خايفة مني
نظرت له وهزت رأسها بالنفي فهي فعلا لاتخاف منه هي تعرفه جيد وتعرف اخلاقه لكنها تشعر بتوتر عادي كأي بنت في نفس موقفها..لأ مش خايفة منك بس دي اول مرة ازور حد لوحدي من غير مايكون معايا حد
امسك يدها وقبلها بحب شديد كي يشعرها بالامان ..انا معاكي ياقلبي ماتخفيش
فتح باب الشقة سمع صوت خالته وابنتها قال لنفسه..ربنا يستر
ادم بصوت عالي كي ينتبهو..السلام عليكم
نادية من الداخل..تعالا ياحبيبي تعالي يا نسرين
دخلو وسلمت نسرين عليهم
لاحظت نسرين ان خالته وابنتها سلمو عليها من غير نفس لم تهتم لذلك
وقفت نادية وذهبت للمطبخ لأعداد الغدا
وجدت نسرين نفسها بين مجيدة وغادة ونظراتهم المشتعلة التي تكاد تحرقها في مكانها لان ادم تركهم ولم يجلس معهم
وقفت عن مكانها ارادت الهرب منهم لانهم اكيد لن يتركوها في حالها
مجيدة بأستغراب ..انتي رايحة فين
نسرين ابتسمت إبتسامة هادئة ..هساعد ماما مش معقول هي تعمل كل حاجة واحنا قاعدين نتكلم هنا عن اذنكم
دخلت المطبخ ونظرت لنادية بأبتسامة وقالت..قوليلي ياماما اعمل ايه
نادية نظرت لها بحنان..خليكي مرتاحة انا سريعة في الاكل
نسرين بمرح..طب ايه رأيك في امتحان
نادية بأستغراب..امتحان ايه
نسرين..انا اعمل الاكل وانتي تشوفي تديني كام من عشرة
كان ادم ساند على باب المطبخ ومربع يداه امام صدره و يتابع نسرين بحب وفرح انها تود الاقتراب من امه
نادية بأبتسامة..طب يالا وريني شطرتك
نسرين رفعت سبابتها وقالت بمرح وابتسامة مرحة..بس اوعي ادير تحطي سكر ولاشطة ولا ملح كتير
ضحكت نادية بصوت على كلامها وطريقتها المرحة ..يابت بطلي الأفلام اللي بتتفرجي عليها هو انا ماري منيب
اقترب ادم يضحك..دي الأفلام واكلة دماغها اسألني انا ونكز نسرين في كتفها..صح
خجلت نسرين من كلامه..طب انت كدا بتعطلني وهأخد صفر كبير
ضحكت نادية وضحك ادم..هو في صفر كبير وصفر صغير
………..
في الصالة
مجيدة وبنتها يكادو ينفجروا من الغضب فهم يسمعوا صوت ضحكاتهم
مجيدة بغيظ..البت كلت دماغ ادم ونادية كمان
غادة مطت شفتيها بزعل ..ايوة يا ماما دا ولا كننا هنا
مجيدة رفعت حاجبيها وابتسمت إبتسامة شريرة..اصبري عليا وشوفي انا هعملك فيها ايه……………