ج5 كبير الصعيد

خلاص مش هتهتم بحد تاني هتهتم بنفسها وبس هتعيش لنفسها

مسكت قلم الروج وحطت منه

سمعت صوت الباب اتأكدت من شعرها وبصت حواليها تتاكدا ان كل حاجه تمام

رشت من البرفان وفتحت

يوسف بصدمه : تتجوزيني يا قمر

فاطمه ضربته علي صدره خجل

يوسف ضحك وخدها في حضنه وبا*س راسها

: وحشتيني

فاطمه: وانت

يوسف بعد وشها

: من قلبك

فاطمه: اممم بحاول

يوسف: مش مشكله انا راضي باي حاجه يعم

فاطمه رجعت لورا وهي بتزيح شعرها

: الاكل هيبرد

يوسف: هو كمان في اكل دا انا امي دعيالي

فاطمه ابتسمت ومسكته من ايده ودخلو جوه يوسف قعد وفاطمه جنبه وهي بتشيل الغطا من علي الاكل

فاطمه: كل وقولي رايك

يوسف مركز مع كل حركه منها بهدوء

: اكليني انتي

فاطمه ابتسمت وعملت زي ما طلب…خلصو اكل

بعد وقت كانت فاطمه في حضن يوسف وهو بيلعب في شعرها والسكون مالي المكان..

فاطمة : يوسف

يوسف: سامعك

فاطمه في عالم تاني

: بتحبني

يوسف: مين الي كان بيجبلك حاجات هو راجع من المدرسه

فاطمه: انت

يوسف: مين اللي اتخانق مع امك وابوكي علشان يحلو خلافاتهم لانك كنتي زعلانه

فاطمه: انت

يوسف: مين اللي كان بيذاكرلك وبيسرحلك شعرك وفضل معاكي لحد ما دخلتي الكليه اللي انتي عايزاها ومتقوليش دياب علشان انا اللي اتصلت بعمي ساعتها

فاطمه عيونها دمعت: اسفه

يوسف زاح شعرها: علي اي

فاطمه بشهقات: علشان كنت هضيع نعمه ذيك من ايدي

يوسف اتنهد: وانا كمان اسف… واسف اوي

فاطمه مسحت دموعها

: مش هنقلبها نكدا بقا

يوسف بخبث: تيجي نقلبها ق*لة اد*ب

فاطمه ضربته علي صدره ورجعت لحضنه تاني

يوسف ابتسم وضمها لحضنه اكتر

………

الدكتوره: للاسف خسرنا الجنين

دياب: وهي يا دكتوره

الدكتوره: الحمدلله هي كويسه هتفوق شويه تاني… الدكتوره قالت كدا ومشيت

حازم طبطب علي كتف دياب بحزن

: ربنا يعوضك باللي عمره اطول

دياب: الحمدلله قدر الله ماشاء فعل

شويه وكانت فيروز فاقت دخل عندها دياب ونام جنبها علي السرير باس راسها

: الف سلامه

فيروز بدموع: مات صح

دياب بيحاول يخفف عنها

: احسن انه راح كان هيعطلني عن حاجات مهمه

فيروز ضحكت وهي بتمسح دموعها

: الحمدلله

دياب: لا خفي بسرعه انتي بس علشان اجيب عشره غيره

حازم علي الباب: احم

دياب قام من جنب فيروز وغطاها كويس بالملاية

: تعالي يا حج