حماتى ډمرت حياتى كاملة

بلحظه..
أستعمت لصوت تعرفه جيدا داخل الغرفه معهم..
تتحدث بكل حقد وغيره وغل يظهر بنبره صوتها..
شاديه يا جبروتك يا بت..
بقى توقعى بينى وبين ابنى
نظرت لأبنها واكملت بسخريه..
ولا اللى انت عملته قدام ابوك وقدام المحروسه وترميلى كلمتين و تسيب الاكل وتمشى هتخلينى اسكت ومتكلمش عن حقى فيك..
فوووووووق يا روح امك..
وافتكر ان انا امك يعنى متعوضش..
نظرت لمريم بضحكه ساخره واكملت..
كان فيها ايه لما تتزفتى وتسمعى كلامى وتدى لهند الأكل..
كان زمنا قاعدين كلنا بنفطر مع بعض..
شاورت بيدها على وضعهم واكملت بقرف واشمئزاز..
رفعت بيدها وحركات المفاتيح امام عيون مريم المتسعه بزهول وأكملت وهى ترقص لها احدى حاجبيها..
ابنى ادانى بدل النسخه اتنين يا حليتها..
اعتدلت بوقفتها واكملت وهى على وشك الخروج من الغرفه..
انا كلامى مش هيبقى معاكى انتى بعد كده..
نظرت لها بوعيد واكملت..
انا هنزل من هنا على اللى مربيكى وأشكيلو من بنته اللى بتقسى جوزها على امه..
نهت حديثها وخرجت من الغرفه بل من الشقه بأكملها..
تاركه خلفها بقايا لروحين..
قد كسرتهم بفعلتها هذه..
ظلو بمكانهم فتره ليست بقليله..
بحاله من الصمت..
لم ينظرو لبعضهم حتى..
تحركت مريم بخطوات متعبه نحو الحمام..
البارت الاول. والثاني
نبدأ حكايتنا بسم الله الرحمن الرحيم والصلاه والسلام على خير خلق الله محمد بن عبد الله وعلى اله وصحبه وسلم صلاه تنحل بها العقد وتنفك بها الكرب وينفتح بها ابواب الرزق
كان نفسى ابدأ حكايتى بأنى صحيت اصبح زى معظم ابطال الروايات على زقزقه العصافير..
بس انا بنام اصبح وممكن كمان توصل انى افضل صاحيه للظهر وطبعا صاحب الفضل فى سهرى طول الليل ابنى تيام.
.انا مريم 20 سنه..
بنت وحيده والكبيره على ولدين..
اهلى ربنا يحفظهملى وميحرمنيش منهم ابدا يارب ناس فرفوشه اوى لكن ساعه الجد جد..
رغم ان امى دلعتنى جدا عمرها ما اخرتلى طلب ما انا بنتها الوحيده..
ولان امى هى كمان كانت بنت وحيده فكنت انا ليها كل حاجه بنتها واختها وصحبتها..
مكنتش اعرف اى حاجه عن شغل البيت كنت باكل وبنام وبذاكر وبدخل الحمام بس..
وساعات كتير كمان مامتى كانت تأكلنى وتحضرلى الحمام!! واللى يعترض تقوله دى بنتى الوحيده خليها تدلع فى خيرى.. بكره تعمل وتشيل مسؤليه..
.متجوزه من سنه..
خلصت اولى كليه بالعافيه بسبب جوازى وحملى طبعا.. والحمد لله ربنا رزقنى بتيام 3 شهور ربنا يحميه ويهديه يااااارب..
ومن ساعتها للأسف مروحتش الكليه تانى..
.لما اتجوزت اټصدمت بطبع جوزى وأهله اللى مكنش باين ابدا فى الخطوبه..
رغم انى اتخطبت سنتين بس مروحتش فيهم عند اهل خطيبى غير مرتين بالعدد..
كل سنه مره فى عيد الأم وكان بيبقى معايا ماما وبابا وهما كانو بيظهرو طبعهم الحلو بس..
لكن اكتشفت انهم عايله ابعد ما يكون عن بعض مافيش حوار بنهم..
ودى حاجه كانت بتجرحنى اوى وكتير كنت بنام معيطه علشان عايزه انام فى وهو مش راضى..
ويقولى عندى شغل اصبح ومش عارف انام وانتى جنبى
كنت بتخانق معاه كتير بسبب كده بس فى الأخر استسلمت وسكت لحد ما نور حياتى ابنى..
وبقيت اخده فى وانام لكن الحقيقه
. ادهم جوزى دا بقى ربنا يهديه..
رغم انه كان بيحبنى وبيموت فيا واحنا مخطوبين وعمل المستحيل علشان يتجوزنى وانا كنت بعمله زى الزفت ومطلعه عينه..
فلما اتجوزنى طلع كل عمايلى معاه فى الخطوبه على دماغى ومازال..
مش عارفه بطل يحبنى ولا ايه اللى حصله..
بس اللى اعرفه انى انا حببته پجنون وكنت شيله كل حبى لبعد الجواز بس هو كأنه اتبدل او ظهر على حقيقته..
وأدينى مستحمله كل اللى بيعمله على امل انه يرجع تانى أدهم اللى بيعشقنى وميقدرش على زعلى..
.صاحيه من امبارح كالعاده بتحايل على اللى خلفو ابنى يناااام..
الساعه داخله على 8 وابوه زمانه جاى من الشغل شغال محاسب فى شركه كهربه..
والاسبوع دا بيروح بليل ويجى اصبح..
عايزه انام قبل مايجى اصله مخصمنى بقاله اسبوع اه اسبوع متستغربوش..
انا كنت بستغرب كده زيكم فى الأول بس اتعودت مع انى معرفش سبب الخصام ولا اعرف انا عملت ايه بس اللى اعرفه انه مبيكلمنيش ولا بيبص فى وشى حتى….
..الحمد لله ابو تيام شرف واكيد زى العاده بيدخل مكشر وبوزه عشرين شبر..
خد من ايدى تيام من غير ولا كلمه ودخل بيه الاوضه اللى بينام فيها وسبنى كالعاده لوحدى..
قاعده بضحك على صوت لعب ابنى وضحكه مع ابوه..
بس قلبى وجعنى اوى..
معرفش انا عملت ايه علشان يعاملنى كده..
فضلت اعيط كتير بصمت..
قولت لنفسى وحدى الله وقومى ابدأى انتى بالكلام..
مسحت دموعى وقومت روحتله الاوضه قعدت جنبهم على السرير فضلت بصاله كتير يمكن يرفع عينه ويبصلى حتى..
فضل يلاعب تيام وكأنى مش موجوده..
وبعد شويه من غير ما يرفع عينه و يبصلى او حتى يلمح وشى ادهولى ونام على السرير وادانى ظهره وقالى..
أدهم اطفى النور وانتى خارجه..
صعبت عليا نفسى اوى وثوانى كانت دموعى ڠرقت وشى.. حاولت أخلى صوتى طبيعى وقولته..
مريم طيب اعملك حاجه تاكلها قبل ماتنام..
انا مكلتش حاجه من امبارح قوم ناكل سوا يا ادهم.
أدهم بزعيق.. ومن غير ما يبصلى برضو..
سمعتى قولت ايه اطفى النور واخرجى عايز اتخمد..
مريم صوت عياطى بدأ يعلى..لا مش هخرج انا عايزه اعرف انا عملتلك ايه علشان تعملنى كده قوم وكلمنى قولى غلطت فى ايه علشان تخصمنى بقالك اسبوع..
أدهم ببرود واستفزاز خلصتى يله بقى على بره..
مريم خت نفس واستغفرت فى سرى وحاولت اهدى علشان ابنى اللى على ايدى واتكلمت بعياط يحنن قلب الحجر…
طيب يا ادهم لو انا زعلتك فى حاجه من غير ما اقصد حقك عليا..
ادهم قام اتعدل وطفى النور ورجع نام على السرير وحط المخده على دماغه..
فى اللحظه دى بقيت مش عارفه اتحكم فى غضبى..
خرجت من الاوضه بنهيار حطيط ابنى فى الاوضه اللى انا بنام فيها ورجعتلو وبكل ڠضب شلت المخده وقولتله..
مريم
قوم كلمنى زى ما بكلمك انت مفكرنى الخدامه بتاعتك ولا ايه…
قعدت بتعب على السرير وبعيط جامد..
دا حتى لو خدامه هتكلمها وتعملها احسن من كده.. لحد ما قام اخيرا ومن وسط كل دموعى الا انى فرحت وضحكت كمان انه قام اخيرا وهنتكلم مع بعض..
بصلى يا أدهم قولى ايه اللى حصل بنا..
ايه وصلنا لكده..
عايز اتزفت انام اطلعى بره بقى..
وكأنه بيضغط على چرح قلبى وهو پينزف وبيتعمد يفتحه اكتر..
لقتنى بعيط بصړاخ ومسكت فى ياقه الترنج اللى لابسه وفضلت اهز فيه وانا بقوله..
مريم انت ايه بتعمل معايا كده ليييييه حرام عليك انا عملتلك ايه لكل دا انا كأنى مش متجوزه قولى انا غلطت معاك فى ايه علشان تعاملنى كده..
فضلت شويه مش مستوعبه اللى حصل..
انا عمرى ما اضربت من اهلى..
ومش هكدب وأقول ان دى اول مره أدهم يضربنى..
لا هو ضربنى قبل كده..
مرتين فاكرهم كويس اوى وعمرى ما نسيتهم..
قومت روحت لابنى اللى بيعيط..
حبيبى تقريبا حاسس بيا..
شلته واڼهارت أكتر وأكتر فى عياطى لحد ما حسيت ان خلاص نفسى بينقطع اوى.. حطيت ابنى على السرير وهو ياحبيبى مفتور من العياط.. وابتديت ارجع جامد..
والدخه تتملك منى أكتر..
فضلت شويه أرجع وابنى على صرعه واحده وانا

مش قادره اشيله خالص..
لحد ما سمعت صوت جوزى بعد ما فتح الباب وبيتكلم وهو جاى للاوضه عندى..
ادهم انتى يا هانم يا عديمه الډم ياللى سيبه ابنك ينفطر من العياط..
قطع كلامه وجرى عليا وانا واقعه فى الأرض وأخيرا سمعته بينادينى بأسمى اللى بقالو فتره مبينتقهوش..
مريم مالك!!..
سندنى ودخلنى الحمام غسلى وشى وانا مش مبطله عياط وابنى حبيبى كمان مفتور ياقلبى..
اتملك منى الزعل وبقيت بعيط بنهيار صعبانه عليا نفسى وكل اللى جوزى بيعمله معايا من غير ما اعمله اى حاجه..
قعدنى على السرير اللى كان بتاعنا انا وهو فى اول جوازنا..
وهو محتاس بينى وبين ابنه..
شال تيام اللى مش راضى يبطل عياط واتصل بمامته قالها…
ادهم تعالى يا ماما مريم تعبانه اوى..
قفل معاها وعملى ميه بسكر وبدأت اهدى شويه ووقف قصادى شايل تيام لحد ما جرس الباب رن وطبعا دى كانت حماتى..
حط تيام جنبى..
وراح فتحلها..
واول ما فتح دخلت هى تدور عليا..
بانت على ملامحها الصدممه لما لقتنى فى اوضه النوم..
ما هى عارفه انه بينام لوحده وانا بنام فى اوضه الاطفال..
دخلتلى وخطفت ابنى من جنبى وهو لسه بيزن وقالتلى..
شاديه عاملتى ايه فى الواد..
ادهم دى مريم اللى تعبت يا ماما..
شاديه بتريقه..تعبت اه!!
وتعبتى من ايه ان شاء الله
جعانه مش لقيه تاكلى
ولا عايزه تاكلى كل يوم لحمه ولا ايه حكايتك بالظبط…
عيشى وارضى ياختى متشمتيش فيكى حد..
مريم بتعب وزهول..انتى بتقولى ايه يا ماما لحمه ايه واكل ايه انا تعبت ودوخت شويه..
شاديه وايه بقى اللى تعبك ودوخك اكيد من كتر نومك بالنهار..
وتفضلى مقفله الشقه ولا بيدخلها شمس ولا بتهويها لازم تتعبى ..
بصتلى بقرف وكملت بتحذير..
اتعدلى كده وعيشى وخلى بالك من بيتك وابنك وجوزك اللى شقيان دا
الواد علشان اوديكى عند أهلك
مريم بستغراب ودهشه..انت قولت ايه يا ادهم!!
ادهم بزهق وزعيق..قولت قومى البسى ولبسى الواد علشان اوديكى عند اهلك سمعتى كده
مريم بضحكه ۏجع..وانت من امتى بتودينى ما انا من ساعه ما اتجوزتك وانا بروح وبجى لوحدى…
كملت بتجاهل لمقصد كلامه…
عموما شكرا انا مش هروح عند ماما انهارده..
ادهم پغضب..قومى يامريم انا على أخرى..
انا قولت هتروحى عند اهلك يعنى هتروحى..
مريم قومت من مكانى واتحركت ناحيه ابنى اللى حماتى شيلاه وبتبصلى ببسمه شماته معرفش ايه سببها..
خت ابنى من على ايديها واتكلمت وانا خرجه من الاوضه…
انا مش هروح فى حته يا ادهم امى لسه قايمه من دور تعب جامد ولما تشوفنى كده هتحس ان فيا حاجه وتتعب زياده..
ادهم بنرفزه ونفاذ صبر..والله العظيم ما انتى بايته فيها يامريم..
مريم كميه ۏجع فى قلبى ربى وحده اللى عالم بيها..
رديت بكل هدوء عكس الانفجار اللى جوايا..
من امتى وانت بتسبنى ابات بره بتنا!!
بصيت لمامته اللى باين على وشها وابتسامتها الشماته اكتر..
ما تقولى حاجه يا ماما..
شاديه هقول ايه يعنى قومى البسى
مريم ببتسامه ۏجع..دا اللى قدرتى عليه تقوليه اروح عند اهلى وابنك ضربنى بالشكل دا وانا كمان اللى اجى بكره
بدل ما تقولى انا هخدها عندى يابنى على ما النفوس تهدى..
بس هتقولى كده ازاى
بصيت لجوزى..
انا هروح عند اهلى ياادهم بس ليا طلب واحد عندك..
وبأمر الله انا هجى بكره..
لبست انا وابنى..
وخت غيارات تكفى يوم واحد..
وعملت ميكب خفيف ادارى بيه القلم اللى خته..
وصلنى أدهم لحد البيت وطلع معايا كمان ودا مش بعادته ابدا..
من ساعه ما اتجوزنى وهو مبقاش يجى عند اهلى خااالص.. عكس الخطوبه كان بيجى صبح وليل وبيبقى لازق مش عايز يمشى..
سبحان مغير الأحوال..
وقفت قدام بيت ابويا ورسمت احلى ابتسامه على وشى وخبطت خبطتى المعهوده..
ماما يا ماما ماما ياماما ياماما ماما يا ماما ماما..
سمعت صوت فرحه أمى بوصولى..
جيهان بنوتى حبيبه قلبى..
حضنتى كتييير وباستنى انا وابنى كتييير..
كنت نفسى اڼفجر من العياط فى حضنها واقولها انا اد ايه زعلانه وتعبانه..
بس مقدرتش خوفى عليها منعنى…
مريم واحشتينى يا قلب بنوتك…
جيهان تعالى ادخلى واقفه بره كده ليه!
مريم أدهومى معايا ياست الكل واقف على السلم ادخلى البسى الخمار علشان اندهلو…
جيهان وهى بتلبس الخمار..اتفضل يا ادهم ياابنى دا نورك هل علينا اخيرا شوفناك..
ادهم ببتسامه..دا نورك انتى يا ماما عامله ايه وصحتك عامله ايه دلوقتى..
جيهان الف حمد وشكر لله يابنى خفيت لما شفتكم ربنا ما يحرمنى من دخلتكم عليا…
بت يامريم هاتى الواد تيمو مدام نايم انيمه فى سريره..
مريم اه يا ماما خدى والنبى دا معاد نومنا اصلا الاستاذ صاحى من امبارح وبينام الساعه 10 اصبح..
ادهم بهزار..واد سهيييير زى ابوه..
مريم بۏجع حاولت اخفاءه هههههههههه فعلا..
خدت امى منى تيام ودخلت الاوضه بصيت لجوزى وقولتله..
قوم امشى من قدامى انا ماسكه نفسى بالعافيه لحظه كمان وهمسك فى زماره رقبتك واضربك القلم اللى ضربتهولى..
ادهم بهزار واستفزاز..بتتشطرى عليا فى بيت اهلك..
متنسيش هترجعيلى بكره وساعتها هنفخك..
خرجت امى لقتنا بنبص لبعض بشرار من عنينا..
جيهان الله مالكم ياولاد بتبصو لبعض زى الديوك كده ليه اوعى تكونو متخنقين
مريم حضنتها جامد وببتسامه..ربنا ما يجيب خناق ياست الكل..
جيهان بطيبه ولانها بتصدقنى فى كل حاجه..
طيب ياحبيبتى ربنا يهدى سركم..
انا هحضرلكم الفطار تاكلى وتدخلى تنامى شويه جنب ابنك..
أدهم يقف ويستعد للذهاب..طيب استأذن انا بقى وسلمى
على عمى انا عارف انه بيروح الشغل بدرى اشوفه مره تانيه ان شاء الله..
جيهان اقعد يابنى كل لقمه مع مراتك الاول مستعجل على ايه
مريم سبيه ياماما أدهم مش بياكل اصبح كده..
اصله جاى من الشغل اصبح وعايز ينام هو كمان..
جيهان الله يعينك ويقويك يابنى..
ادهم يارب يسمع منك يا ماما يله سلام انا..
مريم لو احتاجتى حاجه كلمينى..
مريم وهى تصله للباب وبنظره ۏجع..
لو احتجت حاجه لا متقلقش روح نام انت…
خرج ومشى ناحيه السلم وقبل ما ينزل ناديت عليه بصوت هامس…
أدهم
الټفت من غير ما يرفع عينه فى عينى كالعاده…
استنى بوس تيام قبل ما تمشى..
أدهم خليه نايم متقلقهوش وكده كده انتو جاين بكره..
مريم بأصرار..لا معلش مش هيجرى حاجه برضو خدو فى ..
يمكن يفكرك تحافظ على اللى بنا..
دخلت جبت ابنى وفعلا باسه ومشى وسبنى بمثل دور الزوجه السعيده قدام امى…
جيهان تعالى يا مريومه عملتلك الطعميه مقرمشه زى ما بتحبيها تعالى يا حبيبتى كلى الاول وبعدين نامى..
مريم حبيبتى يا مامتى تسلم ايدك…
قعدت أكل وانا بڠصب على نفسى وسرحت فى حنيه امى وهى قعده تقشرلى البيض وتقطعلى خصار وفاكهه وبتأكلنى فى بوقى كمان وبطبطب على ضهرى..
وبتتكلم بكل الحنان اللى فى الدنيا..
جيهان كلى يا ضنايا بألف هنا وشفا..
مريم بحب شديد..حبيتى متحرمش منك ومن رضاكى وحنيتك عليا ابدا..
جيهان ولا انحرم منك يا قلب ونن عين أمك..
مالك يا مريم فيكى ايه قلبى بيقولى انك متخانقه مع جوزك صح..
مريم بهزار..فعلا انا متخانقه معاه وضړبته حته علقھ وقولتله على بيت اهلك هههههه..
جيهان ههههه يابت يا شقيه انتى..
على امك برضو وحياه امك تلاقيه هو اللى عمل فيكى كده واتنى بتدارى عليه بنتى تربيتى وعرفاكى وحفظاكى..
مريم ببتسامه بتخفى بيها دموعها اللى هتخونها وتنزل..
فاكره يا أمى لما كنتى تتخانقى مع بابا وافضل انا اقولك انتى ازاى تسمحيلو يزعقلك كده وأزاى يكلمك بالاسلوب دا..
رغم ان بابا حبيبى معلش يعنى يا ماما كان بيزعق على حق.. بس عمرى ما شوفته بيمد ايدو عليكى…
وانا افضل اقومك

عليه علشان تقولى لتيته وجدو وتقولى كمان لأخواتك…
قربت وحضنتها..
بس انتى حبيبتى عمرك ما اشتكتيه لحد وكنتى تردى عليا وتقوليلى..
ملكيش دعوه باللى يحصل بينى وبين ابوكى وهو حر يزعق براحته فى بيته وانا اللى غلطانه اصلا فى حقه وهتشوفى لما يهدى هيجى هو يرضينى ازاى..
جيهان ببتسامه رضى..وفعلا حبيبى هو اللى ديما يرضينى ولحد الأن كمان ربنا يديله الصحه وطوله العمر..
..بس ايه اللى فكرك بالكلام دا دلوقتى..
قوليلى مالك يابنتى ريحى قلبى وطمنينى عليكى..
مجيتك انتى وجوزك مع بعض اصبح بدرى كده غريبه مش مطمنانى..
فى ايه يا مريم
مريم فى انى كبرت يا امى وعرفت انتى كنتى بتستحملى بابا وقت زهقو وعمرك ما سبتى بيتك ولا سبتى بابا وغضبتى زى باقى الستات ليه…
واطمنى يا حبيبتى انا وجوزى كويسين جدا بدعاكى لينا ياست الكل ومتقلقيش على بنتك انا تربيتك..
جيهان طيب يا ضنايا انتى مش عايزه تقوليلى وانا مش هضغط عليكى..
ربنا يصلحلك حالك ويريح بالك…
مريم يارب يا ماما ادعيلى كتير اوى من قلبك بكون مطمنه بدعواتك ربنا يديكى الصحه وطولت العمر ياحبيبتى..
انا كلت الحمد لله تسلم ايديكى يا مامتى..
جيهان بألف هنا وشفا يا مريومه قومى بقى الحقى نامى شويه جنب الواد تيمو..
وانا هعملك ورق العنب اللى بتحبيه وهدبحلك فرخه بلدى تقويكى شويه يا نور عينى….
….بوست ايد امى ودماغها ودخلت نمت جنب ابنى وروحت فى النوم فى ثوانى من كتر تعبى وسهرى طول الليل..
واللى حصلى من جوزى وحماتى نمت كتير اوى..
لدرجه مسمعتش ابنى لما صحى وامى خدته من جنبى سكتته..
وحاولت تصحينى لكنى كنت تعبانه اوى صعبت عليها سبتنى اكمل نوم..
وصحيت على صوت زعيق بابا وسمعت اسم جوزى فى وسط كلامه…
عبد الخالق بزعيق وڠضب…بنتى متضربش يا جيهان انا عمرى ما ضړبتها علشان هو يمد ايده عليها دى بنتى الوحيده اللى جوزتهالو بعد ما حفى وراها يجبهالى مضړوبه والله ما هيشوفها تانى..
جيهان اهدى وصلى على النبى يا ابو مريم ووطى صوتك البت نايمه وشكلها تعبان اوى…
أقعد بس كده و فهمنى ايه اللى حصل وعرفت ازاى ان ادهم ضړب البت فطمنى يا اخويا بنتك مبتقوليش على حاجه ما انت عارفها….
مريم انا صحيت ياماما…
جريت على بابا حضنته واڼفجرت فى العياط…
عبد الخالق عيطى يا حبيبه ابوكى حقك عليا انا..
بس والله لاجبلك حقك..
جيهان پبكاء ودموع غزيره..هتفهمونى فى ايه ولا اصوت والم عليكو الناس…
….بعدت عن حضڼ بابا وبصتله مستنياه يتكلم..
عبد الخالق البيه اتصل بيا وقالى يا عمى عايز اشوفك بره البيت قولت وماله خلصت شغل وكلمته يجيلى على القهوه اللى بقعد عليها…
فلاش بااااااااك.
عبد الخالق خير يا ادهم با ابنى قلقتنى انت كويس ومريم وتيمو كويسين..
ادهم بصراحه يا عمى انا ومريم شدين مع بعض شويه..
عبد الخالق يابنى البيوت ياما بيحصل فيها ومره عليك ومره عليها المركب تمشى..
ادهم بس انا مخڼوق من الدنيا كلها ومن المسؤليه وحمل تقيل وكبير اوى على كتافى وهى ولا واخده بالها منى ولا من بيتها ولا حتى من ابنها…
عبد الخالق بزهول..امال واخده بالها من ايه لما هى بتهملك انت وابنك وبيتها كمان…
. هنقول واخده بالها منى انا وامها
دى كل فين وفين لما بتيجى وبعد ما انا وامها بنتحايل عليها..
وفى الاخر نبعتلها حد من اخوتها يجبها وبتروح فى نفس اليوم..
وتقولى علشان ادهم يجى يلقينى محضرلو الاكل ولا لو احتاج حاجه مينفعش اتاخر عليه يابابا…
يبقى ازاى مقصره يابنى فهمنى
ادهم ياعمى مبتنضفش البيت سيباه مليان تراب..
وانا ابقى جاى تعبان وعايز انام وهى عايزه تقعد وتحكى وترغى ما هى نايمه طول النهار وعايزه تسهر بقى..
يرضيك كده ياعمى..
عبد الخالق قولى الاول هى كانت بتنضف قبل ماتولد
ادهم الصراحه كانت يوماتى بتنضفه لحد يوم ما كانت رايحه تولد كانت منضفه البيت وسيباه زى الفل..
من ساعه ما ولدت بقى وهى كل فين وفين لما تحن وتنضفه…
عبد الخالق يابنى اديك قولت اهو يعنى هى مش عارفه تعمل حاجه من ابنك ..
الواد لسه صغير تسيبه يتفلق من العياط وينحر فى نفسه ويتعب من كتر العياط علشان تنضف..
وبعدين يا ادهم انت متجوز بنتى وانت عارف انها مكنتش بتعمل اى حاجه ولا تعرف حاجه عن شغل البيت وانا قولتلك الكلام دا قولتلى انا راضى يا عمى حصل ولا لاء..
ادهم بأحراج..حصل يا عمى..
وانا كنت بساعدها وبعلمها بس لما كنت بشتغل شغلانه واحده دلوقتى انا مطحون وطالع عينى فى شغلنتين..
من حقى ارجع بيتى يكون نضيف واعرف انام وارتاح فيه التلت اربع ساعات اللى برتاحهم من غير ۏجع دماغ…
عبد الخالق هو انت بتروح تنام فى البيت اربع ساعات وبنتى طول اليوم لوحدها!!
ادهم ايوه يا عمى ببقى مهدود وهى بقى قالبه وشها وعايزه تتكلم وترغى ولما قولتلها عايز انام فضلت ټعيط وتصحى فيا قوم قوم قوم لحد ما اتعصبت عليها
وحلفت عليها ما تقعد فى البيت وودتها عند حضرتك وقولت اقول لحضرتك علشان تعقلها شويه..
عبد الخالق پغضب عارم وبأعلى صوته.

وقعتك ووقعت اهلك سوده اللى جبتهم معاك يطلبو بنتى ليك علشان تضربها…
.وبلحظه كان خبط الطربيزه بالمشروبات وقبض على ياقه قميصه…
ياجبروتك يا اخى بټضرب بنتى وتحلف عليها ما تقعد فى بيتها وتجبهالى وتشتكيها كمان ليا
عايزنى اعملك فيها ايه تانى
وكل دا ليه علشان بتطلب حقها وعايزه تتكلم معاك وانت سيبها هى وابنك لوحدهم طول اليوم!!!
لو مكنتش هتكلمك انت هتكلم مين
انت متجوزها تجبلك حته عيل وتسبها لوحدها تربيه ولا ايه….
.ليجتمع من حولهم الناس ويحالون تخليص ادهم من يده…
صاحب المقهى صلى على النبى يا استاذ عبد الخالق عيل وغلط اهو زى محمد ولا محمود ولادك..
ادهم اهدى ياعمى انا اسف حقك عليا…
الناس بتتفرج علينا يا عمى..
عبد الخالق بعلو صوته…انا ميهمنيش الناس..
ميهمنيش غير بنتى اللى انت زعلتها وضړبتها..
وهى مبتقولش عنك غير كل خير…
ليتحدث پغضب وجنون..
.دى بتفضل تقولى انا وامها اشعار فيك وفى رجولتك يا جدع!!!!
ادهم راجل يا بابا..
عمره ما زعلنى..
دا بيرجع من الشغل تعبان ويفضل صاحى معايا انا وابنه ويقولى هاتى الواد عنك شويه انتى تعبانه معاه طول اليوم… واتريك انت جبله بترجع تنام وتسبها..
ولما تحاول هى تكلمك تضربها!!!!
ادهم بندم طيب ياعمى اهدى علشان صحتك انا اسف..
والله ما اعرف ان حضرتك هتزعل اوى كده لما تعرف انى ضړبتها انا بحكيلك كل اللى حصل
….ليتركه عبد الخالق پعنف..
وكلامى من اللحظه دى مش هيكون معاك هيكون مع والدك اللى جه معاك يطلب بنتى ليك…
لينهى حديثه ويهم بالمغادره ليلحقه ادهم..
ادهم عمى انا اتأسفتلك وبتاسفلك تانى انا اسف حقك عليا وخلينى اروح اخد مريم من غير ما تعرف اللى حصل بنا وانا والله ما هزعلها تانى..
انا كنت زهقان ومخڼوق يا عمى ارجوك رد عليا…
اقف كلمنى يا عمى ارجوك انا مقدرش استغنى عن مريم ولا استغنى عن ابنى..
عبد الخالق بتريقه..لو عايز ابنك تعالى خده يابيه..
وابقى ورينى هتنضف وتطبخ وتغسل ولا حتى تدخل الحمام ازاى مع طفل رضيع مبيبطلش زن وعياط…
لكن بنتى انت مش أمين عليها واللى يمد ايده مره يمدها الف مره..
وواضح كده من كلامك انك مش اول مره تضربها

بحكم انك على طول مخڼوق وقرفان وزهقان ..
وانا مش هسبلك بنتى تقرفها فى عيشتها وتطلع فيها زهقك…
نهايه الفلاش بااااااك
مريم بدموع وزهول وقهر…انا مبهتمش بيه انا!!!!! وبقلب وشى عليه…لتضحك ودموعها تنزل كالشلال…هههههههه ومبنضفش البيت ولا مهتمه بابنى….ليقطع حديثها دخول محمد شقيقها…
محمد اقترب بلهفه يحتضنها…ايه ياحبيبتى فى ايه بتعيطى ليه….فى ايه يا بابا واختى مالها….ليوجه حديثه لولادته ..ايه يا امى انتى بتعيطى على عياط مريم اه طبعا ما هى بنت البطه البيضه..قومى يا مريم تعالى معايا عن اذنك يا حاج…
ليتوجه بها داخل غرفتها…
تليفونك فين ادهم رن عليكى خشروميت مره..
انتو مټخانقين ولا ايه
صوته فى التليفون ميطمنش وشكلك انتى كمان..
فى ايه يا مريم ومبترديش على جوزك ليه هيتجنن عليكى وخلانى سبت الشغل علشان اجى اقولك تردى عليه…
مريم وهى تزيل دموعها و تبحث عن التليفون… هقولك بعدين يا محمد انا كنت نايمه وبعمل التليفون صامت لما بنام جنب تيام..
يله ارجع انت شغلك ونتكلم لما ترجع انا بايته هنا انهارده…
محمد وهو يقبل رأسها..طيب ياحبيبتى هحاول متأخرش وهجبلك حاجه حلوه انتى والواد تيمو وانا راجع يلا سلام…
ليرن هاتفها برقم زوجها الذى يعيد الاتصال للمره الثلاثون لتأخذ نفس عميق وترد عليه…
مريم الو..
ادهم بلهفه واشتياق…مريم لسه صاحيه انا قولت اكيد نايمه جنب تيام..
دا وقت نومكم هتيجى اصبح زى ما قولتى يا مريم..
ولا اجى اخدك دلوقتى انا فى البيت على فكره مروحتش الشغل..
علشان كده رنيت عليكى كتير…ايه يا ام تيام ساكته ليهاجى دلوقتى اخدكم يا مريم
….واضعه يدها على فمها تكتم بكاءها الشديد ولم تجيب…
مريم انا كنت مخڼوق وزهقان شويه اصبح يا حبيبتى ڠصب عنى انتى عارفه انا مضغوط اد ايه…حقك عليا متزعليش منى…ليطول صمتها ويتحدث ادهم برجاء….ارجوكى ردى عليا متفضليش ساكته كده…
مريم پبكاء حاد…حبيبتك!!!
انت عارف بقالك اد ايه مقولتهاش…
عارف بقالك اد ايه مبصتش فى عينى…
طيب عارف بقالك اد ايه منطقتش اسمى..
لټنهار پبكاء اكثر…
عارف بقالنا اد ايه متكلمناش مع بعض اصلا…
ادهم بندم وبكاء..طيب انا هاجى اخدك دلوقتى البسى ولبسى تيام واجهزى على ما اوصل ونرجع نتكلم زى ما انتى عايزه فى بتنا يا مريم علشان خاطرى لا لا علشان خاطر ابننا…
مريم
…6 ايام بعيده عن بيتى وجوزى..
عقلى وكرمتى وابويا كمان منعونى ارجع لجوزى بعد اللى عمله هو وامه!!
لو مش بيرد عليا انا ويقولى بيعمل كده ليه..
يبقى ڠصب عنه مش بمزاجه هيقول لبابا…
انا اه بتساهل معاه وبسكت كتير..
بس دا مش ضعف منى ولا قله حيله..
دا صبر وانا صبرت عليه كتير..
وكنت ناويه ارجع فعلا زى ما قولتله لو كان سمع كلامى ومجبش سيره باللى حصل بنا…
لكن هو اللى ضربى واشتكى زى مابيقولو..
يبقى يستحمل بقى اللى هيشوفه من بابا واخواتى..
بقالى 6 ايام مشفتهوش..
ولا سمعت صوته من اخر مره كلمنى..
قولتله ان خلاص كلامه مبقاش معايا…
بقى مع بابا…
قفلت معاه وهو پيصرخ بأسمى وبيعترف بغلطه..
بس بعد ايه
مش هكدب واقول انى تعبانه من غيره بالعكس!!
انا مبسوطه ومرتاحه ومتدلعه وبضحك من قلبى وسط امى وابويا واخواتى..
الحمد لله ربنا يدمهم نعمه فى حياتى..
بس قلبى واه من قلبى الخاېن اللى بيشتقاله..
واللى بيصعب عليه مجيته كل يوم يشوف ابنه ويفضل يتحايل عليا علشان اخرج اقابله وانا ولا برد عليه من ورا الباب حتى…
بس بكره اول يوم فى شهر رمضان واهو ادهم كلم بابا واستأذنه يجيب والده معاه ويجى علشان نتصافى وارجع اقضى رمضان فى بيتى…!
عبد الخالق منور يا ابو ادهم يا مرحب بيك..
وينظر لأدهم بعتاب وزعل..
ليهب ادهم واققا ويقترب منه ويقبل رأسه ويتحدث بأسف..
ادهم انا أسف يا عمى حقك عليا انا غلطت فى حقك وحق مريم حقكو عليا متزعلوش منى..
محمد المهدى دا نورك يا ابو مريم والله ليك وحشه…
بس قولى الواد ادهم دا عمل ايه
شكله كده بيقول انه مزعلك ومزعل مريم بنتى كمان…
عبد الخالق بستغراب..هو مألكش!!!
امال انت جاى معاه ليه
محمد المهدى قالى تعالى معايا مشوار ضرورى يا بابا وجابنى على هنا من غير ما يقولى اى حاجه…
لينظر لأدهم…فى ايه ياواد انت ومراتك وابنك فين
ادهم بندم انا مزعل مريم وجبتها هنا عند عمى ومش بس كده انا ضړبتها واشتكتها لعمى وهو زعل منى اوى وبقالها 6 ايام مش راضيه تشوفنى…
محمد المهدى اخس عليك وعلى ربيتك يابن الكلب..
من امتى وانت بتمهد ايدك على مراتك..
دا انت ربنا رزقك بجوهره بنت اصول وصيناك ومستحمله دماغك اللى شبه فرده الجزمه القديمه دى….
ليتنهد بتعب وينظر لعبد الخالق…
حقك عليا يا ابو مريم ونادى مريم علشان ارضيها هى كمان..
ادهم بلهفه..هى فى اوضتها ياعمى تسمحلى اروح اندلها..
عبد الخالق ينظر له بمكر…يا وله
تروحلها فين يا وله لا يا حونين خليك انت..
هى مش هتفتحلك ولا هتعبرك…
عن اذنك ثوانى يا ابو ادهم هنادى البت ام تيام..
ليهب واقفا متجه نحو ابنته ويترك ادهم لوالده الذى لم يكف عن تبويخه…
بغرفه مريم..
تقفز على السرير بسعاده شديده كالأطفال…
امام والدتها التى تحمل صغيرها وتنظر لها بحب وفرحه لفرحه ابنتها وتضحك من قلبها على ابنتها التى صارت ام و لم تكف عن افعالها الشقيه ومرحها المعداد..
لتتحدث من بين ضحكاتها…
جيهان بت يا مريومه كفاية تنطيط يابنت الهبله..
هههههه هو دا اللى لا يمكن اكلمه تانى وهفضل زعلانه منه يا ماما…
حنيتى اوام يابت
مريم بفرحه حاولت اخفاءها..مين قالك انى حنيت بسرعه كده يا مامتى دا انا هجننه بس صبرك بالله…
ليقطع حديثها وقفزها ايضا خبط والدها على الباب..
لتجلس بهدوء بجوار والدتها وتأخذ نفس عميق…
اتفضل يا بابا..
عبد الخالق تعالى يا مريم سلمى على حماكى..
مريم حاضر يابابا اتفضل حضرتك هغير هدومى واجى وراك..
ليخرج والدها وتنظر لوالدتها وتبتسم بخبث..
اتتجهت نحو دولابها تجذب عبايه استقبال اهدتها لها والدتها رائعه الجمال عليها..
وعقدت شعرها الطويل على هيئه ذيل حصان..
بعدما قامت بتصفيفه بعنايه..
نثرت عطرها الهادئ للغايه والذى برغم هدوءه
وضعت لمسات قليله من المكياج وقد ازدادت جمالا ووزنا ايضا بفضل والدتها..
نظرت لنفسها بالمرأه برضا ووجهت نظرها لوالدتها التى تدعو لها بصلاح الحال ودوام السعاده والفرحه من قلبها
بالخارج..
…محمد المهدى انت شكلك مزعل مراتك اوى يا واد يازفت ياللى اسمك ادهم..
لدرجه انها مش عايزه تخرج حتى بعد ما عرفت انى معاك..
صمت قليلا واكمل بستفزاز..
ليها حق الصراحه انا مش عارف هى وافقت عليك ازاى هههههه..
ادهم منور يا بابا ربنا ما يحرمنى من صراحتك يا حاج…
المهدى اغشك يعنى انت ابنى ولازم اكون صريح معاك…
ليقترب منه ويهمس بأذنه…
انت متتعشرش يابنى..
واد خنيق وأتم كتك القرف عارف لو امك كانت جت معاك كان زمانك مطلق مراتك دلوقتى…
ادهم بحزن وندم..
ما هى السبب فى اللى وصلت ليه مع مراتى…
المهدى لا يا ابنى مش هى لوحدها السبب..
انا كمان وانت برضو اللى ادتها فرصه وخلتها تملى دماغك بكلام زى السم من نحيه مراتك…
لازم تعرف ان مراتك مش زى مرات اخوك ولا هتكون زيها..
مراتك بنت أصول يابنى حافظ عليها وعلى بيتك..
مترميش ودنك لحد حتى لو كانت امك…
قطع حديثهم دخول مريم ووالدها ليهب ادهم واقفا ويقترب منها ويتحدث بلهفه..
ادهم مريم اخيرا حنيتى عليا وخرجتى….
ليحاول اخذها داخل احضانه..
لكنها ابتعدت عنه بعدما رمقته بنظره غاضبه واتجهت نحو والده..
مريم

ببتسامه..اهلا اهلا ازيك يا عمى..
طمنى عليك..
عامل ايه وصحتك عامله ايه…
المهدى الحمد لله يابنتى انا بخير…
انتى اللى طمنينى عليكى وقوليلى الواد ابن الكلب دا زعلك فى ايه وانا اجبلك حقك من حباب عنيه..
لتتنهد بۏجع وتبتسم ودموعها تهدد بالنزول وتنظر لزوجها وتتحدث بسخريه…
مريم انا اللى مزعلاه ياعمى هو جابنى هنا فى بيت بابا واشتكانى كمان..
ادهم پغضب…بعد اذنك يابابا وبعد اذن حضرتك يا عمى عايز اكلم مريم لوحدنا شويه اذا سمحتم…
مريم پغضب أكبر…قولتلك مبقاش بنا كلام وكلامك دلوقتى مع بابا…
ادهم مريم اهدى حبيبتى انا اسف حقك عليا انا غلطت فى حقك وبعترف…
.صدقينى والله ڠصب عنى…
مريم بدموع..ڠصب عنك ايه ولا ايه…
لتنهمر دموعها بغزاره…
هو انا متجوزه اصلا يا ادهم…
المهدى بزهول…امال التور اللى واقف قدامك دا ايه يا بنتى ما هو جوزك…
مريم ببسمه ۏجع..قولهم يا جوزى..
انا مش هعرف اشتكيك زى ما انت عملت للاسف..
لياخذ نفس عميق ويتحدث بتعب..
ادهم اعتبرينى مسافر يا مريم اعتبرينى مش موجود معاكى فى الشقه…
لحد ما الفتره الصعبه اللى بمر بيها

دى تعدى على خير..
بس خليكى فى بيتك علشان خاطرى بحلفك بالله تستحملينى الفتره دى…
مريم بنفاذ صبر…عرفنى فيك ايه وظروف ايه اللى بتمر بيها علشان اعذرك واستحمل…
انا معرفش عنك اى حاجه معرفش مالك ولا ايه ظروفك اللى بتتكلم عنها دى…
معرفش غير انك بتتعمد تجرحنى وتهنى وتعذبنى معاك….
لتجلس بتعب..
انا تعبت يا ادهم تعبت اوى مش دى الحياه اللى حلمت اعشها معاك…
لتنظر له پبكاء حاد…
انا استاهل منك كده…
ليشعر عبد الخالق والمهدى بالاحراج ويخرجون من الغرفه بصمت..
ادهم بندم…والله انتى تستاهلى كل حاجه حلوه فى الدنيا وعارف ان ربنا كرمنى بيكى وانك ونعمه الزوجه…
بس انتى مش عارفه انا فيا ايه…
مريم بصړاخ…عرفنى قولى فيك ايه يخليك تقسى عليا كل القسۏه دى…
فيك ايه يخليك تهجرنى وتسبنى كل المده دى بنام لوحدى.. من قبل ما احمل فى تيام ابنك..
من وانا لسه عروسه اسبوع والتانى وقولتلى خلاص مش عارف انام وانتى جنبى..
وانفصلنا كل واحد فى اوضه وانت عارف ان عمرى ما نمت لوحدى عارف ولا لاء يا ادهم..
ادهم عارف انك كنتى بتنامى فى حضڼ مامتك او جدتك عارف يا مريم..
مريم لا مش عارف..مش عارف ان حضنك انت بنسبالى الدنيا كلها لو كنت عارف مكنتش بعدتنى عنك كل دا…
مافيش مبرر يخليك تعاملنى بالقسۏه والجفا دا غير انك بتزهقنى فى عيشتى علشان اخلع نفسى منك ويبقى جت منى صح يا ادهم..
كل تصرفاتك بتقول انك بتضغط عليا علشان اطلب منك الطلاق..
ابتعدت عنه واكملت بجديه..
برافو عليك انت كسبت….
ادهم بزهول…ايه اللى انتى بتقوليه دا انا مستحيل افكر فى كده…
انا مقدرش ابعد عنك يا مريم…
مريم وهى تزيل دموعها پعنف…لا هتقدر وبهدوء كده ومن غير مشاكل وعلشان خاطر ابنك بقولك طلقنى يا ادهم..
واوعدك دى اخر مره ادخل اى حد بنا سواء من اهلى او من اهلك او اى مخلوق..
كان عندك حق لما قولتيلى سرنا ميطلعش بره بتنا..
مريم بنظره شك..يعنى هتقولى كل اللى مخبيه عنى وهتقولى سر معاملتك ليا وكمان معامله مامتك ليا اللى ملهاش اى مبرر
ياترى ايه سر معامله ادهم ومامته لمريم
وايه اللى هيحصل ويخلى مريم زوجه مغترب
…تتلفت حول نفسها كانها فقدت عقلها…
لا تصدق اذنها..
تكذب نفسها وتنهرها بشده..
فقط ظنت انها فقدت حاسه السمع الأن وهى بحاجه شديده لتسمع بتمعن ما يقوله لها زوجها..
بعدما وصلت معه لشقتهم..
تبكى بنحيب شديد..
تقع عينها على كل ما هو قابل للكسر وتقوم بكسره پعنف..
فى محاوله منها لأخراج ڠضبها وغيظها..
بل قهرها..
ادهم اهدى يامريم بالله عليكى انا اسف والله اسف اهدى بحلفك بالله تهدى..
علشان خاطر ابنك كفايه ايدك اتعورت خلينى اشوفها…
مريم بصړاخ شديد…
ابعد عنى
لتحدث نفسها پجنون وهستريه…
كل دا مخبيه عليا
كل الناس عارفه الا انا!!!!
حتى الجيران عارفين وانا لاء…
كل الديون دى عليك وانا نايمه على ودانى…
لتبعده عنها پعنف وتتحدث پغضب عارم…
عامل قرض ب سنين!!!!
وتقولى دى جمعيه بسنتين هدفع فيها سنه بعد ما نتجوز يا مريم..
ولما السنه تخلص واقول الحمد لله اخيرا ربنا هيفكها علينا بدل الزنقه السوده بتاعه كل شهر..
تقولى لسه فاضل 3 سنين…
لتصرخ پجنون
علشان كده من ساعه ما اتجوزنا واحنا خنقتنا مبتخلصش…
ادهم پبكاء..يامريم انا عملت كده علشان اكون اد المقام
لو كنت اتأخرت عن معاد اتفقنا كان فسخ خطوبتنا..
مريم وهى تزيل دموعها پعنف..
انا واهلى وقفنا جنبك ومشيلنكش فوق طاقتك..
متعملناش شمعتك..
ادهم بړعب..احححم انتى عرفتى ازاى
مريم پقهر وبكاء حاد…صاحبك ومراته جهم هنا وسألو على بيتك وقابلتهم اميره بنت عم عادل البقال..
ومرات صحبك شرشحت وقالت علينا حرميه..
واميره لانها صحبتى وعرفانى اتكلمت معاهم بالعقل ومشتهم..
ولما كانت بتسلم عليا واحنا طالعين قالتلى..
ابتسمت بۏجع وسخريه واكملت..
كانت فكرانى عارفه وانا مثلت انى عارفه…
ها يا ادهم عملت بيهم ايه
وهدسدهم ازاى لان صاحبك هيبلغ عنك بالوصلات اللى معاه لو مختش فلوسه
ادهم الفلوس دى انا مختهاش ليا..
ليصمت قليلا ويتحدث بأحراج وندم
اكملت بصړاخ وبكاء يفطر القلوب..
ولا بتسالك عن كسوه ولا مصروف ولا اى حاجه..
ولولا اهلى مبيسبونيش لدرجه امى بتبعتلى الاكل مستوى كمان…
كان زمانى مېته فى بيتك..
وانت مع نفسك مبتكلش فى البيت اصلا فتسأل ليه..
بتسال بس على ابنك دا اللى يخصك ويهمك..
لكن انا يا ادهم…
لتجلس بتعب وضعف بعدما ڼزف چرح يدها كثيرا…
انا مهمكش ولا اخصك ولا حتى الزمك فى اى شئ..
ومامتك تولعها ڼار بنا اكتر وانت كأنك عايز تثبتلها حاجه مش عارفه ايه هى بمعملتك ليا قدمها..
لتنظر له ودموعها تنزل بغزاره..
بس خلاص مش هبقى مراتك بعد انهارده تانى حتى لو على الورق
ادهم پبكاء حاد…انا اسف والله العظيم انا خبيت عليكى علشان خۏفت تسبينى زى ما انتى عايزه تعملى دلوقتى…
انا غلطان والله غلطان يامريم..
بس ارجوكى ادينى فرصه اصلح غلطى فيها واوعدك مش هخبى عنك اى حاجه بعد كده..
وانتى فعلا عندك حق فى كل كلمه قولتيها انا كنت بعاملك وحش علشان كنت غبى اولا..
ثانيا علشان مبقاش زى اخويا الكبير اللى عايش بره وواخد مراته معاه..
انتى مشفتيش اخويا ومراته دول خالص
عارفه يامريم اخويا اتجوز معانا فى الشقه..
كنت انا واختى لسه صغيرين فى ابتدائى..
حصل مشاكل كتير اوى اوى بين امى ومرات اخويا انا كنت صغير مش فاهم حاجه لسه..
ولما ابتديت افهم كان اخويا خد مراته وسافرو بره واستقرو هناك..
ومبقاش يسأل علينا خالص وامى قالتلى ان مراته السبب وهى اللى مكرهاه فينا..
وكانت بتخليه يتخانق مع امى كتير مع ان اخويا دا كان حنين وكويس بس بقى وحش بسبب مراته..
وانى لازم مبقاش زى اخويا اللى كان بيعامل مراته احسن معامله ويعامل امه اوحش معامله..
فانا كان لازم اعملك كده قدام امى علشان متقولش انى زى اخويا..
بس انتى مش زيها انا عارف انى ظلمتك…
انتى احسن زوجه فى الدنيا…
انا اسف سامحينى يامريم علشان خاطر ابننا ادينى فرصه تانيه…
ليشتد تعب وضعف مريم اكثر وتتحدث بأذن ادهم..
مريم بهمس..قوم هات تيام من عند مامتك وتعالى..
ادهم پخوف وړعب..هتسبينى يا مريم
مريم قوم يا ادهم ودينى المستشفى نشوف ايدى هتحتاج خياطه ولا لاء وبعدين هنروح مشوار..
ادهم وهو يتأمل چرح يدها بلهفه..بيوجعك
حاسه بايه يا حبيبتى انتى دايخه

استنى هعملك ميه بسكر..
مريم قولتلك هات تيام لو سمحت خلينا نمشى..
مخنوقه عايزه اخرج من هنا اشم هوا..
ادهم طيب خلى تيام مع ماما على ما نرجع..
مريم بأصرار..هاتلى ابنى يا ادهم عايزه ابنى معايا وفى حضنى لو سمحت..
..سمع كلامى وفعلا جبلى ابنى وروحنا المستشفى قريبه من البيت..
وايدى اتخيطت اربع غرز..
شوفت فى عيونه ندم وۏجع اول مره اشوفهم..
علقولى محاليل ولما خلصت خرجنا..
ووقفت قدام المستشفى وسالته…
انت دافعت كام من ال الاف لحد دلوقتى ولا مدفعتش منهم حاجه
قولى بصراحه ومن غير كدب يا ادهم..
أدهم بحزن وندم شديد..دفعت 4الالف..
مريم طيب..شفلنا عربيه مش قادره امشى..
وقف عربيه فعلا وركبنا وقبل ما ادهم يقولو على عنوان بتنا كنت انا قولتله..
مريم على الصاغه لو سمحت يا اسطى
لتنظر لأدهم والدموع تلمع بعيونها وتتحدث بهمس…
هبيع شبكتى وخد الالالف سدهم لصاحبك..
اغمضت عيونها لتهبط دموعها پقهر وألم حاد واكملت..
هديك فرصه بس مش علشانك!!
نظرت له بخزى..
علشان ابنى مش هقبل ان ابوه يتسجن
ابتعد بنظره عنها بأحراج وندم بأن واحد..
كم كان هو قاسى وظالم لها..
وهى اثبتت له انها ونعمه الزوجه..
غافل عن من تنظر لدبلتها بقلب ملتاع..
تحمل ذكريات وذكريات هذه الحلقه الموضعه داخل اصبعها..
مدون اسمه واسمها وتاريخ خطوبتهم عليها..
مرت بعد الدقائق وهى شارده..
لتنتبه على صوت زوجها..
ادهم بهمس..هتبيعى ايه يا مريم..
نظرت بدهشه للمكان حولها..
لا تعلم كيف ومتى وجدت نفسها داخل احدى محلات الصاغه..
اخذت نفس عميق..
وبيد مرتعشه..
..خلعت دبلتها..
وألم يعصف بقلبها اكثر من ألم يدها المصابه…
ولكنها قد حسمت امرها ستبيع شبكتها كلها حتى دبلتها..
..ليسرع ادهم ويمسك يدها ويتحدث بحزن وانكسار..
ادهم خلى الدبله فى ايدك يا
مريم..
مريم بأصرار..سبنى ابيعها يا ادهم..
كرهتها مش طيقها فى ايدى..
لتحاول التحكم بدموعها التى تهدد بالنزول واكملت..
ربنا يرزقك وتجبلى واحده احسن منها ان شاء الله..
ادهم بحزن شديد..بس الدبله دى انتى عارفه انها غاليه عندنا اوى..
مريم بهمس..مش هتبقى اغلى من دبلتك اللى طبقتها بأيدك ورمتها فى وشى!!!
ليغمض عينه پألم حاد..
متذكر احدى خناقتهم عندما فقد اعصابه..
وخلع دبلته وطبقها بيده والقاها بواجهها..
لتلتقطها هى وتضعها بسلسلتها وترتديها الى

الأن…
لتنتبه مريم لكلامها..
وتتذكر السلسله التى ترتديها وبها دبله زوجها الفضه..
خلعها ايضا وتتحدث بالم مصاحب بأمل..
مريم ببتسامه ۏجع..
خلينا نبدأ من جديد..
هبيع دبلتك كمان وربنا يكرمنا ونفتح صفحه جديده من كل حاجه..
لتبتسم من بين دموعها..موافق يا ادهم
ادهم بندم وفرحه ايضا..موافق يا قلب ادهم..
مريم بجديه للصائغ…لو سمحت ممكن حدالحلق..
ادهم پغضب..ايه يا ام تيام حد ايه
لا بقى كفايا كده..
بلاش تضغطى على اعصابى اكتر من كده انا على اخرى مش مستحمل…
ليحدث نفسه پغضب..
مريم ببتسامه فشلت فى اخفاءها..احححم معقول انت لسه بتغير عليا ..
ادهم بغيظ..خلينا نخلص ونمشى يامريم بدل ما اوريكى هنا ودلوقتى لسه بغير ولا لاء..
مريم…بعت شبكتى خاتم ودبله وغوشتين بالف جنيه..
ودبله ادهم ب 120ج..
واول ما خرجنا من قولتله..
بصرامه..حالا تتصل بصاحبك يقبلك تديله فلوسه وتاخد الوصلات منه وټحرقها قدامى..
ادهم طيب خلينى اروحك علشان ترتاحى انتى تعبتى انهارده..
والبنج مفعوله هيروح من ايدك وهتبدأ ټوجعك..
ولازم تاكلى علشان تاخدى العلاج…
وبعد ما اوصلك هنزل اروحلو البيت اديلو الفلوس واجبلك الوصلات فى ايديكى واحرقيها انتى بنفسك كمان..
مريم لو سمحت بلاش منهده..
ممكن تريحنى وتسمع كلامى مره من نفسى..
خلينا نروح نقعد فى مطعم ناكل واخد العلاج على ما هو يجيلك..
ادهم حاضر يا مريم..ليتوجهو سويا لاحدى المطاعم القريبه من الصاغه ويتصل بصديقه…
الو ايوه يا هشام انا مستنيك فى مطعم ابو الخير اللى فى نص البلد تعالى علشان تاخد فلوسك كامله وهات معاك الوصلات كلها سلام..
مريم برتياح..بعد ما تخلص مع صحبك وناكل..
عايزه ننزل سوا نشترى غيرات جديده لتيام..
وفى حاجات كتير ناقصه فى البيت هنشتريها قبل ما نروح وكمان خزين رمضان..
ادهم بجديه..شيلى باقى الفلوس معاكى فى البوسته يا مريم انا هجبلك كل اللى انتى عيزاه لما اقبض بأمر الله..
مريم اكيد انا هشيل منهم جزء..
وطبعا انت هتجيب ليا انا وابنك اللى احنا عيزينه..
بس انا نفسى اشترى بنفسى..
عايزه اجيب حاجات لابنى ولبيتى ولجوزى اكون انا اللى مختارها…
لتكمل بۏجع…
انا من ساعه ما اتجوزتك وانت اللى بتجيب كل حاجه..
بتتسوق انت ومامتك!!
وبتجيب كل حاجه انا مش عيزاها مامتك هى اللى بتاخدها فى الاخر لما تتركن عندى ومحطش ايدى عليها..
حتى هدوم ابنى انت ومامتك اللى بتخترهم..
تنهدت پألم واكملت بنفاذ صبر..
سبنى اتنفس ارجوك..
خلينى اوريك انا بحب ايه وبكره ايه..
باكل ايه ومش باكل ايه..
سبنى اختار هدوم ابنى..
اظن دا ابسط حقوقى اللى مستحيل اتنازل عنها تانى..
ادهم بندم..حقك..
كل كلمه قولتيها ليكى حق فيها..
انا مديونلك بمليون اعتذار واكتر كمان يا مريم..
صمت قليلا واكمل بصدق…
ربنا يقدرنى واعوضك عن كل الزعل والۏجع اللى انا كنت سبب فيهم..
مريم بثقه واصرار وعزيمه…هيقدرك يا ادهم..
اقتربت بوجهها منه واكملت بتأكيد..
طول ما انت صريح معايا زى ما انا صريحه معاك هيقدرك..
ولما مدخلش اى مخلوق بنا وخصوصا مامتك هنبقى احسن وهتقل مشاكلنا كتير وكتير اوى كمان وانت عارف ومتاكد من كلامى..
صح يا ادهم
ادهم بتبرير..امى مش بتكرهك يا مريم..
لتقاطعه مريم پغضب..
مريم ومش بتحبنى يا ادهم..
لتاخذ نفس عميق تحاول تهدا قليلا..
شوف يا ابو تيام انا بحب الصراحه ومن غير لف ودوران انت عارف كويس اوى ان مامتك بتغير عليك منى واختك كمان دى حاجه واضحه للأعمى..
انا بقى اللى بطلب منك متحولش تبين قدمهم اننا كويسين مع بعض لان دى حاجه بتزعلهم اوى..
ادهم امال اعمل ايه ما انتى بتزعلى لما اعملك وحش قدمهم
مريم ولا تعملنى حلو ولا وحش..
واحنا قدمهم عاملنى ميرى كأننا متخصمين فاهم..
اللى هو الكلمه على اد السؤال ويبقى احسن لو ميبقاش فى كلام بنا قدمهم خالص..
ادهم حاضر يا مريم كل اللى انتى عيزاه انا هعمله..
بس ليا عندك طلب واحد بس..
لتنظر له بتسائل..
ويمسك هو يدها برفق وحنان…
اوعدينى من اللحظه دى مهما حصل بنا متسبيش بيتك ولا تنطقى كلمه الطلاق دى تانى وتصبرى عليا..
اوعدينى يا مريم..
مريم بدموع..انا عمرى ما سبت بيتى يا ادهم..
بس حاضر اوعدك..
وانت كمان مهما حصل مدخلش اى مخلوق بنا صدقنى حياتنا هتبقى احسن.
ادهم خلاص انا اتعلمت مستحيل ادخل حد بنا تانى..
كان لازم اسمع كلامك لما حذرتينى مقولش حاجه لاهلك..
ليضع يده على جبهته بأحراج…
ابوكى نفخنى لما عرف انى ضربتك بالقلم..
وطلعنى انا غلطان فى كل حاجه حصلت..
اغمض عينه بۏجع…
كنت هضيعك من ايدى بغبائى..
مريم بحزن فشلت فى اخفاءه..ليه اشتكتنى لبابا ياادهم وقولتله كلام انت عارف انى ڠصب عنى مش بمزاجى بعمله.. زى تنضيف البيت واهتمامى بيك..
ليه قولت كل الكلام دا..
لتصمت قليلا وتلمع الدموع بعينها…
مامتك اللى قالتلك تقول لأهلى صح
ادهم بندم..ايوه يا مريم انا مش هخبى عليكى..
امى قالتلى ان لما مرات اخويا كانت تتخانق مع اخويا كان يشتكيها لأهلها..
ولو هو حتى اللى غلط فى حقها..
يخلوها تعتذرله وترضيه ويمشوها على بيتها..
واختى برضو نفس الكلام..
لو جت عندنا واشتكت من جوزها او جوزها اشتكى منها امى بتبهدل اختى وتقولها هو الراجل يعمل ما بداله وانتى تقولى حاضر ونعم
علشان الواحده ملهاش غير بيتها ورضا جوزها..
اخد نفس عميق واكمل بأحراج وندم شديد..
وبعد ما وصلتك لبيت باباكى روحت لقيت امى عندنا لسه فى البيت..
وسالتنى ان كنت قولت لاهلك ولا لاء..
ولما قولتلها لاء..
قالتلى هتفضلو طول عمركم فى مشاكل لازم

اهلها يعرفوها علشات يخلوها تحافظ على بيتها وجوزها..
مريم بنظره استهزاء..بقى مامتك قالت كده بس!!!
صمت هو قليلا متذكرا حواره مع والدته..
فلاش باااااااااك..
..عاد لمنزله..
يأنب نفسه على تركه لزوجته وابنه عند اهلها..
يعلم جيدا انها لا تستحق منه كل هذه القسۏه..
يود فقط لو ان اخد يردعه عن اعماله معها حتى يستعيد عقله ويحافظ على بيته الصغير وزوجته الخلوقه وابنه يتربى ببيئه صحيه بين زوجين متفاهمين..
ليتفاجئ بوالدته مازلت بمنزله..
وقد قلبت كيان المنزل رأسا على عقب!!!
فتحت جميع النوافذ وازالت جميع الفرش من الارضيه والسراير..
وبدات بغسيل ملابس ابنها وحفيدها فقط..
فتحت الدولاب واخرجت ملائات جديده..
لم تستعملهم مريم من قبل..
مغلقه بأكياسها وقامت بفرشها على السراير..
فتشت بالثلاجه والمطبخ جيدا..
ولم تجد غير قليل جدا من الطعام..
معظمه جبن ومكرونات خاليه الثلاجه من اى نوع لحوم..
لتتصل بابنتها لتحضر لها كل ما لذ وطاب وبدأت بطهى احب الاكلات لابنها..
ادهم بستغراب وضيق ايضا…ايه يا ماما اللى عملتيه دا
هكون عملت ايه يا قلب امك..
بنضفلك الزريبه اللى الهانم مراتك معيشاك فيها..
اكملت بقرف مصتنع..
شاديه بغيظ وهى تمسك احدى الانادر.
لتتحرك لباقى الادراج وتهم بفتحهم..
ليوقفها ادهم سريعا ويتحدث بنفاذ صبر..
ادهم ماما انا مطبق من امبارح والمفروض انام ساعتين علشان اقدر اروح الشغل..
شاديه پغضب وغل..قولت لاهلها على عميلها السوده..
ادهم لا مقولتش..
ومش هقول..
ومريم هتيجى بكره بأمر الله..
انا ودتها عند اهلها علشان عارف انها هترجع نفسيتها مرتاحه ونفوسنا تكون هديت شويه..
شاديه بغيظ..ايوه قول نفس الكلام اللى اخوك كان بيقوله لحد ما مراته
اكملت بصرامه..
اسمع يا واد انت حالا تتصل بابوها وتقوله على كل القرف والتراب اللى انا لقيته فى الشقه..
واهملها وعفنتها دى كلها..
وتسبها كام يوم كده تتربى عند اهلها وانا معاك اهو يا ضنايا وهعملك كل اللى تحتاجه بس اسمع كلامى يابنى…
لتمثل البكاء..
مش عايزاك تكون دلدول زى المكوس اخوك اهئ اهئ اهئ.. مش هستحمل اشوف ولادى الاتنين مراتتهم ممشياهم..
كفايه اخوك هتبقى انت كمان يا ادهم..
ادهم خلاص يا ماما متعيطيش..
شاديه بفرحه..يعنى هتشتكيها لابوها
ادهم هشتكيها يا ماما هشتكيها..
نهايه الفلاش باااااااااك
مريم ادهم يا ادهم سرحت فى ايه كل دا
ادهم ها احححم لا ابدا يا ام تيام..
كنتى بتقولى ايه
مريم ببتسامه..متسرحش ياادهم فى اللى مامتك خلتك تعمله..
اللى فات فات خلاص واللى حصل دا كان خير على فكره…
تظر لها بستغراب لتكمل هى بتأكيد..
علشان يفوقك ويفوقنى انا كمان..
ادهم بعدم فهم..طيب يفوقنى انا ماشى..
لكن انتى عايزه تفوقى من ايه!
مريم بصرامه..ايوه يا ادهم انا لازم افوق..
لازم اخرج بره الدايره المقفوله اللى انت حططنى جواها…
لتنظر بعمق داخل عينه..
انا محپوسه فى بيتك بربى ابنك وبس..
انت خلتنى قطعت علاقتى بصحابى مروه ومنه ومياده اللى انت عارف انى مكنتش بفرقهم..
حتى مرواحى لاهلى بحساب..
وكل فين وفين لما اروح ساعه ولا اقل وامشى…
ممكن اقعد فى البيت بالشهر لابشوف حد ولا بكلم حد..
ولما تحن عليا وتسبنى اخرج تقولى اروح عند مامتك وتجبرنى ابات هناك كمان..
وانت عارف انى مبعرفش انام هناك خالص..
وانت بقى الله يقويك ويعينك طول الليل والنهار فى الشغل وانا معظم وقتى يا صاحيه بتيام يا نايمه لما ينام..
لتتنهد بتعب..
ارجوك يا ادهم سبنى اتنفس..
سبنى اعيش..
انت عارف وواثق ومتأكد انى مستحيل اعمل حاجه غلط صح ولا لاء
ادهم بثقه..عارف وواثق فيكى يا مريم..
مريم يبقى بلاش تقيدنى اوى كده..
تقيدك دا هيجى عليه وقت ويخنقنى يموتنى..
ادهم بلهفه بعد الشړ عليكى يا ام تيام..
ربنا يحفظك ليا ولابننا…
خلاص يا مريم اعملى كل اللى نفسك فيه..
هاتى انتى طلبات البيت..
ليكى منى اديكى مصروف البيت فى ايدك كل شهر وهاتى انتى اللى نفسك فيه واللى عيزاه..
وروحى عند اهلك وقت ما تحبى..
وكلمى اصحابك وارجعو اتجمعو من تانى..
نظر لعيونها بعمق واكمل..
اى حاجه هتبسطك وتفرحك وتخليكى ترضى عنى انا موافق عليها يامريم..
عرفت قمتك يا ام تيام انتى وابننا الحاجه الحلوه اللى فى حياتى..
مريم بخجل..ادهم الناس بتبص علينا..
ادهم مايبصو انتى مراتى على فكره..
لينتبه لدخول صديقه وقدومه اليهم..
هشام بأحراج…احححم السلام عليكم ازيك يا ادهم..
ليوجه نظره لمريم…
ازيك يا ام تيام..
كل سنه وانتو طيبين ورمضان كريم علينا وعليكم..
ادهم ومريم وعليكم السلام وانت طيب..
ادهم بجديه..اقعد اتغدا معانا يا هشام..
هشام لا بالف هنا يا ابو تيام لسه متغدى والله…
ليخرج الوصلات من جيبه…
خد يا ادهم الوصلات كلها اهى..
ومتزعلش من اللى مراتى عاملته يا ادهم حقك عليا يا صاحبى
مريم بجراءه جديده عليها..اى زوجه من حقها تخاف على جوزها وفلوسه يا استاذ هشام..
ادهم وهو يعطيه الفلوس..تشكر يا صاحبى..
وانا مش زعلان منك حصل خير..
لياخذ هشام نقوده وينصرف ..
تنهد كلا من ادهم ومريم برتياح..
ويبدأ الجرسون بتقديم الطعام..
ليهمس ادهم

بقولك ايه ما ناخد الاكل دا ونروح ناكل براحتنا فى البيت..
مريم بخجل وابتسامه عابثه..
انت ناسى اننا هنتسحر انهارده يا ابو تيام..
كل سنه وانت طيب ..
بكره اول يوم رمضان..
وخلى بقى مشويرك والحاجات اللى عيزه تشتريها دى يوم تانى..
تنزلى انتى واصحابك حتى تشتروهم زى زمان..
ليضئ وجه مريم بفرحه عارمه..
ويوجه ادهم حديثه للجرسون..
لو سمحت هناخد الاكل تيك اوى…
ويحمل صغيره ويتجه بزوجته الى بيتهم عازمين النيه على فتح صفحه بيضاء وبدايه حياه جديده
وصلت شقتها برفقه زوجها وابنها..
اخذت نفس عميق..
سمت بأسم الله..
دخلت بقدمها اليمين..
جلست على أقرب كرسيى..
عازمه على نسيان جميع ماحدث وبدأ حياه جديده..
لكن!!
اتستطيع تخطى ما فعلت حماتها بشقتها اثناء غيابها
..تحفظ كل انش بشقتها عن ظهر قلب..
فلما لا..
وهى من قامت بفرش كافه جهازها بيدها..
القت نظره على الركنه التى أصرت تجلس بها مع زوجها ليحكى لها كل شئ اخفاه عليها..
وكم الأشياء التى قامت بكسرها برضا..
فقد نفست عن ڠضبها فى اشياء يمكن تعويضها..
اما كسره قلبها لا يمكن اصلاحها..
لترفع رأسها تنظر لزوجها الذى وضع أكياس الطعام من يده..
ووضع ابنهم بسريره..
وقام بتبديل ملابسه سريعا وارتدى ترنج بيتى..
وأقترب منها جلس أمامها وتحدث بفرحه وأشتياق..
ادهم ببتسامه..حمد لله على سلامتك يا ام تيام..
نورتى بيتك..
مريم بتوتر وخجل وتعب ايضا..
الله يسلمك..
أدهم بقلق..ايدك بدأت ټوجعك
مريم پألم..اه شويه..
ادهم بجديه..طيب تعالى خلينى أساعدك
لتقترب مريم من وجهه ببتسامه عابثه..
مريم بدلع..انا هغير هدومى لوحدى على ما انت تشيل الحاجات المكسره دى يا ابو تيمو..
لينهى حديثه ويبدأ بتنظيف الركنه بقلق وتوتر من رد فعلها عندما ترى ما فعلته والدته..
محدثنا نفسه..
ربنا يعدى انهارده على خييييييير..
يظهر عليهم الغسيل دليل على ان جميعهم تم استخدامهم!!!
فحمالتهم جميعا مقطعه ومن قطعهم قام بربتطهم حتى لا يسقطون من الشماعه!!
كافه شئ يخصها تم التفتيش به بدقه شديده..
..جلست على سريرها تبكى بصوت مسموع…
ليهرول اليها أدهم بلهفه..
ويرى الدولاب وجميع أدراجها مفتوحه..
ادهم انا أسف والله يامريم انا كنت بروح الشغل واتفاجأت باللى عملته زيك والله..
لتبتعد عنه مريم پعنف.. ..
لييييه الغل دا كله..
انا عملتلها ايه علشان تعمل فى حاجاتى كده..
ترضى حد يبهدل حاجات
بنتها كده..
ادهم بخجل..
حقك عليا يا حبيبتى متزعليش نفسك..
وانا ربنا يرزقنى وأجبلك غيرهم واحسن منهم كمان..
لتزيل مريم دموعها وتتحدث پحده بعض الشئ..
مريم ڠصب عنك مش بمزاجك هتجبلى غيرهم يا ادهم
علشان انت السبب فى اللى هى عملته دا..
ادهم بستغراب..انا يا مريم!!!
مريم پبكاء..ايوه انت اللى ادتها نسخه من مفتاح شقتنا وسبتها تدخل وتخرج وقت ما تحب..
لتبكى أكثر پقهر..
لا

ومش بس خدت نسخه واحده..
دى خدت النسخ كلها وادتنا هى كل واحد نسخه حتى أختك ادتها نسخه هى كمان..
لتكمل بصړاخ. مش بنادمه وليها خصوصيه فى شقتها..
ادهم بندم..عارف انى غلطت كتير اوى فى حقك بس احنا قولنا هنفتح صفحه جديده..
محاولا لكنها ابتعدت عنه سريعا ليتحدث بخيبه أمل..
يامريم هنرجع لنقطه الصفر تانى..
وبعدين مش انتى بقيتى تقفلى عليكى بالترباس من جوه وهى مبقتش تفتح عليكى تانى..
وبتخبط وتقف على الباب ساعه على ما انتى تفتحلها..
لتضحك مريم بستهزاء من بين دموعها..
مريم هههههههه هى قالتلك كده!!
ادهم ايوه قالتلى وانا شوفت ان دا حقك علشان كده مجبتلكيش سيره..
مريم بشده..احب اقولك انى ماقفلتش الترباس الا لما مامتك جت فى يوم وانا فى الحمام وابنك صحى وطبعا زن شويه كالعاده..
عايزه اقولك انى كنت هقع اموت من الخضه..
ادهم پغضب وبزهول..ومقولتليش ليه لما دا حصل
مريم بصړاخ..انا عارفه انك كنت هتتخانق معاها علشان كده مرضتش اقولك..
مرضتش أعمل مشاكل..
وقولت هى كمان مش هتقولك بعد ما كانت السبب انى أعيط بنهيار..
وفضلت شويه مش عارفه أتلم على اعصابى..
ادهم متذكر..لما رجعت لقيت عنيكى وارمه من العياط وقولتيلى كنت بعيط على عياط تيام!!
مريم ايوه فى اليوم دا..
بعدها بقيت أقفل بالترباس..
كانت تيجى تلاقى الباب مقفول تفضل تخبط باديها ورجليها وأيدها التانيه على الجرس..
واول ما افتح الباب تزوقه بكل قوتها وتدخل تفتش فى الشقه كلها..
وبعدين تبصلى بقرف وتقولى قافله على نفسك ليه ان شاء الله..
ليوقفها صوت ابنها الذى بدأ بالبكاء وحمله ادهم ويحاول اسكاته..
ادهم طيب ممكن تهدى علشان مينفعش ترضعى تيام وانتى بتعيطى كده..
وانا والله لجبلك حقك..
مريم بهدوء..ومين قالك انى هسيب حقى..
ادهم بتوتر..يعنى ايه يامريم..
ليقترب منها ويتحدث بتوسل..
مريم حبيبتى بالله عليكى اوعى تسبينى وترجعى عند اهلك تانى..
يضع أبنه برفق بعدما هدأ..
حبيبه قلب أدهم انتى..
عارف ان معاكى كل الحق انك تزعلى..
بس ازعلى وانتى جوه حضنى اوعى تفكرى تبعدى عنى تانى..
حتى لو انا قولتلك ابعدى..
ودا مستحيل يحصل..
أرجوكى يا مريم خلينا نبدأ من جديد..
لتبتعد عنه مريم بهدوء وتتحدث بصرامه..
مريم اوعى تكون فاكر عياطى دلوقتى دا ضعف منى..
انا بطلع غيظى وغضبى بعياطى دا..
علشان مروحش واعمل مشكله مع مامتك وأحكى لباباك على عميلها دى اللى أكيد مش هتعجبه ابدا..
نظرت له واكملت بتاكيد..
بأيدك انت يا ادهم..
نكمل مع بعض او لا..
فى ايدك..
أدهم بستفهام..بمعنى
مريم يعنى لو فعلا هنبدأ من جديد يبقى هيبان من تصرفاتك وطرقتك انت معايا..
لأنى مش هسمح تاخدنى على اد عقلى وتقولى كلام فض مجالس وخلاص..
كل كلمه وكل وعد قولتهم هتبقى مجبر على تنفذهم..
ادهم بصدق..هنفذ يامريم هنفذ.
بس عيزك تصبرى عليا..
مريم ببتسامه..وانا من امتى مصبرتش عليك..
بس تمام حاضر هصبر..
ليكمل..
دا انا حتى زى جوزك..
لتبتعد مريم سريعا وتتحدث بتعب واضح على ملامحها..
تعالى كلى وانا هديكى العلاج ونامى شويه..
وانا هخلى بالى من تيمو..
وهصحيكى على السحور بأمر الله..
..مر اليوم أخيرا على مريم..
وايضا فرصه لأسترداد جزء من كرامتها عندما كانت تريده ويمتنع هو عنها..
لكن هى لم يغمض لها جفن..
فقد تعوضت على النوم بمفردها..
نومه بجوارها يقلقها كثيرا..
حتى أخيرا..
أشرق الصبح بأول ايام الشهر الكريم..
أستيقظ أدهم كعادته فى السادسه صباحا واستعد للذهاب لعمله..
لكنه للمره الأولى منذ فتره أقترب منها وهى مصتنعه النوم وقبل رأسها وقبل ابنه وخرج بهدوء..
لتعتدل مريم جالسه بسريرها بعدما استمعت لصوت قفل الباب..
وجذبت هاتفها سريعا وتحركت ببطئ من جانب صغيرها حتى لا تيقظه.
ذهبت للغرفه المجاوره وطلبت احدى الأرقام ووضعت الهاتف على أذنها تنتظر الرد بفرحه شديده..
..تجلس بسريرها ممسكه بتابها تتصفح احدى مواقع التواصل الأجتماعى..
وتتحدث مع أصدقاء عمرها..
مروه ايييييييييه يا زفته الطين انتى وهى الساعه داخله على 7 اصبح مش هنام فى يومكم دا ولا ايه..
منه نوم ايه يا ام نوم انتى..
وراكى ايه ياحلوه علشان تنامى..
اتلهى يابت مافيش نوم هنفضل نرغى للمغرب..
لتكمل بحزن وصوت أختنق بالبكاء..
بس السهره دى ناقصها مريومه..
لتلمع عينهم جميعا بالدموع على صديقتهم الخلوقه التى منعها زوجها عنهم بالأجبار..
لتكمل منه بحزن..
صح يا داده..
مياده بحزن أيضا..ربنا يهدى سرها..
ليرددو البنات بحب وصدق من قلوبهم..
منه ومياده ومروه ياااااارب..
وتتحدث مياده پغضب مصتنع..ولا بقى مش هنرغى للمغرب..
المفروض ننام علشان انا جوعت..
بت انتى وهى هو فاضل كتير على المغرب..
مروه ومنه ههههههههههه ههههههههههههههه يا ام بطن..
منه من اولها كده جوعتى..
لا انشفى كده دا لسه 36 يوم..