ج2 بين العشق والقدر لزهرة الربيع

قعدت فيها هيه وجاد بعد ما اتجوزو بقت تلف في الاوصه ودموعها في عيونها..وبتفتكر اوقات جميله بينهم..كانت لحظات حلوه متتنسيش…قد ايه كان طيب وحنين معاها عكس شخصيتو مع كل الناس …بس جات في بالها ذكرى مؤلمھ جدا لحظة ما رما عليها يمين الطلاق ..نفضت الافكار من دماغها وراحت تنام
بالليل اجتمعو على العشا ونزل جاد وقعد قصاد رقيه وكانت عينيهم مقابل بعض..كان كل شويه يبصلها ويحاول ميبينش..ويعمل مشغول …بس كان مشتاق لملامحها وريأكشنات وشها في كل حركه
مراد كان بيبصلو پغضب وفاطمه كمان كلنت بتبصلهم بضيق وقالت…تحب اغرفلك فاصوليا يا سيد الناس
مبيحبهاش..قالتها رقيه بتلقائيه وهيه باصه للطبق بتاعها
كل الانظار اتوجهت لها …بلعت ريقها بصعوبه لما خدت بالها لجملتها ورفعت عينها لجاد لقتو بيبصلها لدهشه لانها لسه فاكره
الجد ابتسم ومراد اتضايق ورقيه حاولت تبعد عيونها عن جاد وشربت ميه بارتباك شديد
اما فاطمه غرفت فاصوليا وقالت پغضب..لا يا حبيبتي بقى يحبها..بياكلها من اديا..كل يا جاد
جاد بص لفاطمه وابتسم بيأس وبقى ياكل في الاكل التاني وقال..انا مبحبهاش يا فاطمه…انتي بس تلاقيكي نسيتي
فاطمه اتحرجت جدا ومشيت من على العشا ورقيه زعلت عليها وقالت…انا..انا هاطلع اشم هوا
مراد ابتسم وقال استني اجي معاكي
رقيه قالت..لا كمل عشاك انت يا روحي
مراد قعد يكمل عشاه ولسه هتمشي جاد وقف وقال پغضب..طلعت روحك..تخرجي كيف بالليل كده وتتمشي قدام الحرس والخدامين ووحدك كمان
مسائو عسل عليكم يا ترى ايه الي هيحصل بعد كده وايه اسباب طلاق رقيه وجاد ده الي هنعرفو البارت الي جاي يلا تفاعل عالييييي ومتنسوش الايك لزهورة
بين_العشق_والقدر
طلعت روحك..تخرجي كيف بالليل كده وتتمشي قدام الحرس والخدامين ووحدك كمان
رقيه قلبها دق بسرعه من زمن محستش بغيرتو وخوفو عليها من اقل حاجه ابتسمت لا اراديا
جاد اخد بالو من كلامو وقال..احم..قصدي…قصدي خدي حد معاكي
رقيه اتنهدت وقالت بضيق..انت ملكش دعوه بيا..اطلع ادخل انا حره
جاد وقف وضړب الطاوله بشده وقال پغضب..مين ليه عاد..ابو قردان الي جيباه معاكي ده…الي قاعد ياكل..وبص لمراد وقال…تحب تنزل الحوش مع التيران تحت..بما انكم عندكم نفس القرون
مراد وقف پغضب وقال..لا انت ذودتها اوي
جاد قال باستهزاء…اه زودتها وبشتمك المفروض هتعمل حاجه مثلا
رقيه قالت بضيق…بس بقى…وبصت لمراد وقال..انا قولتلك انه بيستفزك متردش عليه…
مراد اتنهد وقال..انا هسكت علشانك بس
جاد قال بسخريه…ايوه ايوه اسكت علشانها..والمره الي فاتت سكت علشان جدي…والمره الجايه هجبلك فاطمه تسكت علشانها …مش عايزك تقلق خالص انا ممكن اجرلك ناس تسكت علشانهم انا مستحيل اسيبك تسكت من غير سبب واصل
مراد بصلو بغيظ وسكت ورقيه قالت ..بقولك ايه بطل سخافه..وعلشان ترتاح انا مش هطلع اصلا هتمشي في البيت عندك مانع كمان
جاد قال بضيق…لا معنديش طالما الباب مقفول
رقيه نفخت بغيظ.. وراحت ورا فاطمه وهيه مخنوقه منو
جاد بص لمراد بضيق وقال..كل لحم…بيذود الډم..ده اذا موجود اصلا علشان يذيد
مراد بقى ياكل ومردش وجاد بصلو بقرف وقال..منور يا عريس
فاطمه كانت بتغسل المواعين في المطبخ وپتبكي ودخلت رقيه وقالت..بتحبيه قوي
فاطمه ارتبكت وقالت..مش جوزي
رقيه ابتسمت وقالت..ياستي جوزك..محديش يقدر يقول غير كده…مټخافيش مني يافاطمه انا جايه علشان طلب جدي وبس..وهمشي بعد الفرح على طول..انا معنديش نيه ارجع لجاد..احنا حاولنا ..وفشلنا وكل شئ نصيب
فاطمه بصت لها بانتباه وقالت..انتي لسه بتحبيه يا رقيه..متكدبيش عليا
رقيه اتنهدت بحزن وقالت..اه يا فاطمه لسه…بس..بس مقدرش اعيش مع انسان زيو ابدا…انا حابه اعيش واشتغل واخرج..وهو بېخاف ويغير من اقل حاجه..مش بيسمحلي اتحرك من غيره..وطبعا الحياه دي متناسبش الحياه الي عشتها في القاهره..انتي متربيه هنا ومتعوده..علشان كده ممكن تشوفي الي بقوله بسيط او ميستدعيش الطلاق..بس عندي انا كان يستدعي…لما يطلب مني اني اقعد في البيت ومشتغلش بعد ما درست كل السنين الي فاتت وتعبت فيها..ده حتى ميرضيش ربنا
فاطمه قالت بحزن..مش يمكن بيعمل كده علشان بيحبك
رقيه قالت..اكيد بيحبني مين قال انو مش بيحبني..بس الحب من غير توازن وتضحيه مينفعش…كان يقدر يضحي علشاني بشويه من افكارو الي بنسبالي انا رجعيه ومش مناسبه..لان الي هو بيفسرو غيره .انا بفسره شك وقله ثقه..لو هو واثق فيا هيسبني اشتغل لو مع مليون راجل..لاكن ازاي ابقى مهندسه واشتغل واتكلم مع المهندسين والعمال وانا مرات جاد باشا ..صدقيني مستحيل ارجع للي عشتو مع جاد متقلقيش
رقيه قالت كده ولسه هتمشي

فاطمه مسكت ايدها وقالت..انتي طيبه قوي يا رقيه
رقيه ابتسمت وقالت…وانتي اطيب واجمل يا فاطمه خليكي واثقه في نفسك كده ومتقارنيش نفسك بحد انتي قمرايه
فاطمه ابتسمت ورقيه مشيت وجاد كان بيسمعهم استخبي بسرعه لحد ما طلعت وبقى يبص لطيفها بدموع ..وفال…سامحيني يا قلب جاد..كده احسن ليكي
هنا طلعت فاطمه واتنهدت وقالت..هتفضل ټحرق في نفسط كده كتير يا ولد العم…على فكره هيه كمان ريداك..فكر وشيل الهم ده من دماغك..ولو على انا …
بس قبل ما تكمل قاطعها جاد وقال..انتي ملكيش صالح يا فاطمه..انا طلقتها قبل ما اتجوزك ..وانتي عارفه ليه..ومش هينفع اتراجع
جاد مشي وفاطمه طلعت على السلم پغضب ودموع ودخلت عند حماتها وقفلت الباب پغضب وقالت..مش قادر ينساها هيرجعلها..تعبنا على الفاضي
شفا كانت بتطبق هدومها وابتسمت بسخريه وقالت…عارفه ليه..علشان مرتو مش مكفياه..ولا بسطاه..لو عارفه تبقى ست صوح..كنتي نستيه الي خلفوها بت شاديه
فاطمه قالت بدموع ..انا اهمل ايه يا حماتي اكتر من الي عملتو ..انا مخلتش حاجه معملتهاش هو بيحبها اعمل ايه..افتح قلبو وارميها منو
شفا ضحكت وقالت..اسمعي يا فاطمه…انا يا بتي زي اي ام عايزه ولدها مرتاح وجمبها وقدام عيونها…مش اكتر…انا وافقتك على خطتك..وعملت الي قولتي عليه مع انو كسرة نفس لولدي …بس علشان ميبعدش عني..يبقى متجيش بعد كل الي عملناه تقولي مفيش فايده
فاطمه قعدت بيأس وبعد كده بصتلها كأنها لقت فكره وقالت..احبل..يمكن لما احبل ينساها علشان ولدو
شفا ضحكت وقالت.. وتحبلي كيف وجاد مبيخلفش ولا هيخلف واصل
فاطمه قالت باستغراب ..بس هو بيخلف يا حماتي احنا خلينا اجرنا الي يقولو كده لانها عايزه عيال وكنا عايزينها تسيبو علشان يكرها
شفا قالت ..عليكي نور…خلينا اجرنا الي يقولو كده…يعني هو متاكد انو مبيخلفش..كمان التحاليل الي اخدناها من الدكتور والي بتقول انو مهيخلفش جاد صدق انها تحاليلو وعرضها على دكاتره كتير..كيف دلوقتي تقوليلو انك حامل عيزاه يقطع خبرك..انتي كملي في البرشام واياكي تبطليه….نخلص من بت شاديه..وفرحها…وبعد كده تزني عليه انكم تحللو تاني ووقتها نخلي الدكتور يقولو انو اتحسن وتبقى تخلفي
فاطمه قالت بدموع..طب افرص رجعلها…وزي ما اتجوزها وفاجأنا بجوازو يرجعلها ويفاجأنا
شفا نفخت وقالت..با بت متقلقيش…البت دي عايزه تشتعل وتقوى وتعيش زي بنات البندر…وجاد علشان تزعل منو ويطلقها..قلها متشتغلش…يعني هيه فكراه بيلغيها ومن الحديت الكبير ده..وجاد كمان مستحيل يرجعلها لانو عارف انو مهيخلفش …ده ولدي وانا عرفاه…واتنهدت وقالت..بيحبها قوي يا حبة عين امو..مستحيل يظلمها معاه
فاطمه قالت بغيظ..انتي بتدايقيني يا حماتي…يعني ميظلمهاش هيه ويظلمني انا عادي
شفا قالت بضيق..لا هو مظلمكييش هو قعد معاكي قبل ما يخطبك وحكالك انو مبيخلفش وانو طلق مرتو علشان كده وقلك انو لسه بيحبها مكدبش عليكي ولا ظلمك…وقالت بدموع..انا الي ظلمتو وكسرت نفسو وخليتو يصدق انو مش هيخلف وكنت بيدي احط لمرتو الحبوب كل يوم ..بس اعمل ايه..جاني وقلي ان مرتو هتشتغل..وهو عايز يقف في ضهرها..وهيسبنا ويسافر وياها..مقدرتش يا فاطمه ده ضنايا الوحيد مش هستناها تاخدو وتمشي زي ما امها اخدت ابوها من اهلو….امو ماټت وهو وصل بعد ما ډفنوها..انا مبكرهاش..بس عيزاه جمبي..ده حقي
فاطمه لسه هترد الباب اتفتح واتفاجأو
شايفين الغدر يا جماعه الي جاي خطييييير بجد هنشوف الي هيحصل تفاعل عالي يا غولي واهم حاجه لايك زهوره
بين_العشق_والقدر
هستناها تاخدو وتمشي زي ما امها اخدت ابوها من اهلو….امو ماټت وهو وصل بعد ما ډفنوها..انا مبكرهاش..بس عيزاه جمبي..ده حقي
فاطمه لسه هترد الباب اتفتح واتفاجأو بصوت مراد بيقول…طبعاحقك
شفا وقفت پصدمه وزهول وفاطمه خاڤت جدا وبقم يبصو لبعض بړعب
مراد قفل الباب وضحك وقال..ايه اهدو شويه..سركم في بير ملوش قرار…المصلحه واحده يا جميلات
شفا بلعت ريقها وقالت…طب..طب نضمن منين انك مش هتروح تقولهم
مراد قهد وقال..ليه انا عبيط علشان اقولهم…انا صدقت ما رقيه رجعتلي…انا بحبها من زمان وبعد ما اتخطبنا جيه المحروس ابنك كل عقلها واتجوزها غي غمضة عين ..متقلقوش انا معاكم لو محتاجين اي حاجه..المهم رقيه تكون ليا انا
شفا اتنهدت بارتياح وفاطمه ابتسمت وفضلو هما التلاته يتكلمو سوا

هنا دخلت رقيه بسرعه وهيه بتتكلم في التليفون وبتقول اه يا بنتي الفستان اخترتو و
بس سكتت بزهول وبقت تبص لجاد باستعراب شديد
جاد بلع ريقه وبقى يبصلها وخد بالو انو ماسك هدومها رماها فورا من ايده واتقدم بسرعه ناحية الباب هيمشي
رقيه مسكت ايده جامد علشان ميطلعش وقفلت مع البنت الي بتكلمها وردت الباب وقالت…اممم..سمعاك..اتكلم
بقلم..زهرة الربيع
جاد قال بارتباك..احم…انا ..انا معايزش اقول حاجه
رقيه بصتلو جامد وقالت …بس انا عايزه اسمع…عايزه شرح لوجودك في اوضتي وقربت منو وقالت بهمس ..وليه كنت ماسك هدومي..ايه…وحشتك للدرجادي
جاد اتوتر قوي وقال ..بلاش كلام فارغ انا .. انا دخلت الاوضه بالغلط ولسه هيفتح الباب وقفت قدامو وقالت…بالغلط….ومسكت هدومي كمان بالغلط…مش عارفه ليه حاسه انك ندمان على طلقنا….وكمان حاسه انك مش قادر تنساني
جاد قال وهو بيبعد عيونه عنها….احم…ده في خيالك بس
رقيه ضحكت بخفه وقالت..في خيالي وفي اوضتي كمان…وعلي سريري
جاد ابتسم وبصلها جامد وقال…سريرنا…شكلي مش انا لوحدي الي مش قادر انسى
رقيه قالت بارتباك..انت..انت تقصد ايه
جاد قرب عليها وحط ايده على الباب وراها وقال…ليه اخترتي الاوضه دي بزات…بتفكرك بيا صح…السرير ده…مبيفكركش بيا
اتجمعت الدموع في عيونها وقالت…احم…انت انت بتضحك على نفسك..انا خلاص نسيتك وهتجوز وهبدأ حياتي
جاد ابتسم بسخريه وقال..مش كل الي اتجوز نسي ..ولا كل الي بدا حياه جديده نسي القديمه يا رقيه…مكانش حد غلب
رقيه بقت تبصلو وهو ركذ عيونه على عيونها وكان بينهم نظرات جميله كلها شوق قطعتها رقيه لما قالت…احم…انا…انا عارفه بتعمل كل ده ليه..انت مش قادر تتخيل ااني هتجوز وهعيش حياتي ومش هبقى فكراك حتى…وعلى العموم انا مش عايزه اعرف انت كنت في اوضتي بتعمل ايه …. مش هحرجك اكتر من كده
تقدر تطلع..بس خلي ديما في دماغك اني مبقتش ليك ولا بقيت اخصك..يعني ملكش حق تلمس حاجتي.. انا قريب هبقى مرات الباش مهندس مراد شمسي وانا محبش اخون لو حتى بالتفكير
جاد رفع عنيه بدهشه وقال..تخوني…ههه..هو انتي دلوقتي وجودك معاي انا..خېانه ليه هو
رقيه قالت …طبعا..انا دلوقتي ملكو هو ..وكلها يومبن وابقى على اسمو..وليه وحدو
هنا جاد اتملت عيونه دموع وقال….اممم..تمام يا بت عمي وانا مرضاش تكوني خاينه
وفتح الباب ومشيي وهو مش شايف قدامو من الدموع الي اتجمعت في عيونه ..صدق ما طلع وبعد عن الاوضه وحط ايده على قلبو وڼار في صدره قايده ڼار ملهاش دوا..نزلت دمعه خاينه من عيونه..خانت كل قوتو واجبرتو على الاعترتف بضعفو
انتبه على ايد على كتفو مسح وشو بسرعه وبص لقاه جده ارتاح وهدي شويه وقال..جدي..انا كنت لسه هنزلك..جبت الناس الي هتجهز المكان للفرح و
بس جده فتح اديه ليه وابتسملو
وهبي ابتسم بدموع وقال…البكا على صدر الأحبه مش ضعف يا جاد…بالعكس الي يحبك بيقدر كد ايه انت جبل ومتحمل الي ميشلهوش انسان يا ولدي
بقلم..زهرة الربيع
جاد اترمي بين اديه وبقى يبكي لاول مره في حياتو وقال ببكا ..مش قادر مش قادر يا جدي هتتجوزو هتكون معاه…خلاص مبفتش ليا بقت لواحد تاني مش قادر اتحمل ولا قادر اسمعها حتى بتتكلم عليه بمۏت يا جدي والله بموووت
جده تزلت دموعه وقال..بعيد الشړ عنك يا جاد…انا اسف يا ولدي حقك عليا انا الي فتحت چرحك تاني يمكن مكانش لازم اجيبهم هنا
جاد بعد عنو ومسح دموعه وقال ..عادي يا جدي لازم كنت هعرف..ده قدر ومش هقدر اهرب منو …بالاذن انا هنزل الناس مستنيني تحت
رقيه كانت طلعت وراه وسمعت كل الحوار ده وهتتجنن مش مصدقه ان ده حاد الي عمرها ماشافت دمعه واحده منو معقوله عامل في نفسو كده علشانها..طب طلقها ليه..وليه محاولش يسمعها وا يفهمها حاجه خلت عقلها مش قادر يستوعب بس ذادت دهشتها لما جده مسك يده وقال..قلها يا جاد..قلها يا ولدي..ولله رقيه بتحبك وتسيب اي حاجه عشانك انت بس احكيلها يا ولدي..و
بس جاد قال بسرعه..لا يا جدي..وانت وعدتني وحلفت بتربة ابوي..اوعى. اوعى يا جدي..انا مرضلهاش تعيش معايا وهيه مظلومه..ولا ارضى تفضل معاي شفقه
قال كده ونزل ورقيه دخلت اوضتها وقفلت الباب وهيه مش قادره تستوعب الي سمعتو..وياتري مخبي عنها ايه..ابتسمت وسط دموعها وقالت..يعني..يعني لسه بيحبني..فيه حاجه خلتو يطلقني…تابع للجزء الثالت والاخير