العانس ج1

الفصل الرابع
دخل محمد تغمره الفرحة ..افرحو عندي ليكم خبر مش هتصدقوه
نظر له عزت ونسرين واحمد الذي مازال جالس معهم وخرجت امه من غرفتها على صوته
زينب نظرت له وقضبت حاجبيها بأستغراب ..في ايه مالك عامل غارة كدا
محمد بأبتسامة وعيون يملأها الفرح ..معتز هيخطب
احمد بفرح من اجل ابن عمه وصديقه..طب كويس الف مبروك
اتسعت عيناي نسرين بذهول لكن ما يثير اهتمامها انها ليست زعلانة لم تتوقع انها تكون بهذا البرود عند سماع هذا الخبر لم تحزن ولم تفرح وكأنه غير موجود اصلا في حياتها
زينب نظرت له وسألته بأهتمام..ومين العروسة
محمد نظر لها..داليا صاحبة تسنيم من ايام المدرسة لو ان الواطي كان بيحبها من زمان وبيكلمو بعض ومرتب كل حاجة وانا لما قولتلهم على كتب الكتاب يوم الخميس والجواز اخر الشهر فخالتي فاطمة قالت خلاص كتب كتاب معتز يوم الجمعة ويتجوز معنا والفرح يبقى فرحين
عزت بسعادة كبيرة ..ماشاء الله ربنا يحفظكم من العين ويسعدكم يارب ونظر ل نسرين التي لايوجد على وجهها اي تعبير..مالك يابنتي
انتبهت نسرين له وهزت رأسها بالنفي..لا ابدا بس مش متخيلة ان البيت كله هيفضى عليا لوحدي
عزت يربط على كتفها في حنان ..ربنا يسعدك يابنتي ويرزقك بأبن الحلال اللي يريح قلبك يارب
ابتسمت له..طب عن اذنكم تصبحو على خير
دخلت غرفتها تكلم نفسها فهي غير مصدقة مايحدث لها ..هو انا ليه مش زعلانة مش المفروض اني بحبه ولا انا مش بحبه ولا دا اللي صورهولي عقلي عشان متربين مع بعض ودايما شايفاه قدامي تعبت من التفكير ونامت
……….
في المكتب صباحا
تجلس نسرين واماني يتحدثو ويضحكو دخل عليهم عادل ..صباح الخير
اماني بخضة عندما رات زوجها قامت من مكانها مسرعة ..حد من العيال حصله حاجة
عادل بنظرة مطمئنة يحاول تهدئتها..ايه يابنتي هو عشان انا جيت يبقى في مصيبة متخافيش محمود ومصطفى في المدرسة كويسين وفريدة عند ماما اتصلي بها لو مش مصدقة
اماني شعرت بالراحة وتنهدت بهدوء..لا مش قصدي بس دي اول مرة تيجي على الصبح كدا فخوفت بس
عادل بأبتسامة ..لا ياستي انا جاي في شغل في عقود عن صفقة لشركة عندنا والعقود عايزة تترجم وانتو عارفين انا دماغي صدت فقولت انفعكم
نسرين بضحك ورفعت يدها لرأسها كأنها تحيه..تسلم يا معلم كلك واجب وظلو يتكلمو ويضحكو وعادل ونسرين يخبطو كف بكف فهي معتادة على الهزار معه كأنه احمد اخيها
دخل ادم عليهم ورأى هذا المنظر احمرت عيناه بغضب نظر لهم نظرة مشتعلة لو كانت النظرة تقتل وتحرق لقتلهم هما الثلاثة واحرقهم في مكانهم وضغط على اسنانه وقال بصوت يملأه الغضب ..السلام عليكم
توقفو عن الضحك فهم يعرفون ان ادم لايحب الضحك والصوت العالي ردو السلام في هدوء
عادل بلع لعابه بصعوبة فهو يعرف ماينتظره من ادم..اما اروح اخد التهزيق طرق على باب مكتب ادم ودخل وقال بمرح ..السلام عليكم في ايه يا عم ادم مالك على الصبح زعلان ليه
نظر له ادم نظرة مشتعلة تكاد تحرقه في مكانه ورد بضيق..وعليكم السلام انت سايب شغلك في الشركة وجاي هنا عملي ارجوز
عادل اتسعت عيناه بصدمة مصطنعة ..ارجوز تصدق كنت هحكي وانت قفلتني ومش حاكي
ادم رفع حاجبه..ياسلام ياخويا
عادل حك رأسه..دا انا جاي في شغل وانفعك دا جزائي
ادم من غير نفس..طب ياخويا متشكر ليك مش عارف من غيرك كان حصل ايه المكتب كان قفل
عادل يحاول امتصاص غضبه فهو صديقه واخوه..مش هرد عليك بس اسكت نسيت اقولك مش احمد اخو نسرين خطب مي اختي
ادم نظر له ورفع حاجبه بأستغراب..اختك
عادل يهز رأسه يؤكد كلامه..ايوة اختي وامها امي وابوها ابويا انت مش عارف هما ايه بالنسبة لي دول عيلتي فعلا انا ملاقتش الحنية والحب إلا معاهم ولما دخلت وسطهم عارفت يعني ايه دفء الاسرة
ادم بهدوء ..ياسلام لدرجة دي
عادل تجمعت الدموع في عيناه بصوت تخنقه العبرة..واكتر والله عارف من يوم امي ما ماتت وانا الدنيا نازلة عليا من كل ناحية مرات ابويا اللي ياما ضربتني وانا طفل ما كملش ٤سنين والاكل بوقت مفيش حاجة اسمها جعان ولا لسة ماشبعتش وابويا ولا هو هنا وادبهتلت لما روحت عند عمتي ولا عند عمي وماارتحتش شوية الا لما عيشت مع جدتي ام امي بعد ما اتحيلت على ابويا انها تأخدني اعيش معها وهو عامل نفسه مش هاين عليه ابنه يتربى بعيد عنه وهو اصلا مش عارف عنه حاجة وبعدها ماتت على طول كان عمري ١٧سنة وعشت لوحدي محدش بيسأل عليا لحد ما دخلت الجامعة واتعرفت على اماني وخطبتها واتحملو ظروفي لحد ما وقفت على رجليا انا بحب اماني اوي ولما بتزعل مني ببقى هتجنن عشان اصالحها وامها دايما واقفة في صفي حتى لو انا الغلطان وابوها دا فعلا ابويا اللي بيخاف عليا ومي فعلا بحس انها اختي اللي بخاف عليها وعايز مصلحتها وبعد دا كله مستغرب اني بقولك انهم عيلتي
ادم يربط على كتفه فهو يعرف ماعاناه صديقه فأبتسم له..انسى اللي فات انت دلوقتي عندك اسرة بتحبك وعيال حبهم وعوض نفسك بيهم
( في هذا الوقت كانت اماني تود اعطاء ادم بعض الاوراق المترجمة عشان يراجعها لو فيها اخطاء اقتربت من الباب كي تطرق سمعت صوت زوجها يتكلم مع ادم وصوته مخنوق بالعبرة فوقفت في مكانها تستمع له رجعت الى نسرين تبكي
نسرين بقلق من شكلها ودموعها..في ايه استاذ ادم بهدلك
اماني تهز رأسها بالنفي..لأ عادل
نسرين قضبت حاجبيها بأستغراب..عادل هو اللي بهدلك حرام عليكي دا عادل طيب
اماني هزت رأسها بمعني نعم…اوي يا نسرين اوي
نسرين بخضة من شكلها وطريقة كلامها الغير مفهومة..يابنتي في ايه وقعتي قلبي
هدأت أماني قليلا حكت لها ما سمعته من زوجها عن اهلها وحبه لها
نسرين بعيون تلمع من دموع الفرح من أجل صديقتها ..ياهبلة ودي حاجة تخليكي تعيطي كدا ولا تفرحي
اماني بسعادة وابتسامة كبيرة على وجهه ودموعها تتساقط على خديها ..انا والله بحبه اوي ساعات بزعل منه بس بعد اللي قاله دا عمري ماهزعله ولا ازعل منه ابدا
ابتسمت نسرين ..ربنا يخليكم لبعض وتفرحو بأولادكم
اماني مسحت دموعها ..يارب وافرح بيكي يارب)
في المكتب
نظر عادل ل ادم …وانت مش ناوي انت كمان تكون اسرة وعيلة وطول النظر له
ادم يحاول ان يهرب من نظرات عادل ..انت بتبصلي كدا ليه اكيد ناوي بس لسة ربنا مأذنش
عادل يريد نصيحة صديقه وعليه التقدم بخطوة فالانتظار لن يفيد تنهد بهدوء ..يابني كلمها وفهمها واطلب منها هتضيع عمرك وعمرها
ادم هز رأسه بهدوء فهو غير مقتنع بطلب شئ كهذا…مينفعش لازم هي اللي تكون عايزة تلتزم من جواها مش عشان خاطري لازم يبقى اسلوب حياتها سواء انا قدمها ولا هي لوحدها فهمت
عادل بتفهم فصديقه على حق ولكن يحاول ايجاد حل اخر..ايوة فاهم ما انا ممكن…..
قاطعه ادم بتحذير فهو يفهم مايفكر فيه..لأ ياعادل لو سمحت خلي كل حاجة لربنا واللي كاتبه هنشوفه
عادل تنهد بيأس ..طب اللي يعجبك العقود اهي امتى تخلص
ادم ..هشتغل فيها دلوقتي وابعتهم مع مدام اماني كويس كدا
عادل..تمام يالا سلام عليكم
ادم..وعليكم السلام
…….
خرج عادل وجد اماني تبكي اسرع نحوها فقد تملك منه الخوف والقلق عليها ..مالك في ايه
رتمت اماني بين ذراعيه (وذهبت نسرين الى الحمام لتتركهم براحتهم)
هزت اماني رأسها بالنفي..لا مفيش حاجة
عادل بقلق وخوف من رؤية دموعها فهو لا يتحمل رؤيتها تبكي..اومال مالك في ايه
اماني دموعها تتساقط على خديها ابتسمت له بحب ..اصل بحبك اوي
ابتسم عادل وربط على ظهرها وشعر بالراحة لانها بخير ..طب واللي يحب حد يعيط كدا
اماني مسحت دموعها وقالت بصوت واطي ناعم ..لأ انا بعيط عشان مش عارفة اعبرلك عن الحب دا
همس عادل بجانب اذنها بصوت يملأه الحب ..طب ما تيجي تعبرلي في البيت فرصة العيال في المدرسة وفريدة عند ماما
ضحكت اماني بصوت عالي على طريقة كلامه
خرج على اثره ادم من مكتبه وقال بصوت عالي..عااااادل
ابتعد عنها عادل بطريقة مضحكة وكأنه يتخلص منها وكأنه لم يفعل شئ…يخرب بيتك دا هيقيم علينا الحد
ضحك ادم ضحكة رائعة على مافعله عادل وكان والدها هو من رأهم وانها ليست زوجته في نفس الوقت خرجت نسرين من الحمام ورأت ادم يضحك فهي اول مرة تراه يضحك تاهت في ضحكته وقالت لنفسها..يالهوي على دي ضحكة وشك زي القمر حرام عليك مز اوي لا انا شكلي اتهبلت ايه اللي انا بقوله دا
ذهب عادل ورجعت نسرين مكانها ودخل ادم مكتبه
اماني لاحظت شرود نسرين فاقتربت منها..مالك سرحانة في ايه
نسرين انتبهت لها في فعلا شاردة الذهن في ضحكته ومعاملته لها ..هااا لا ابدا بفكر هلبس ايه في يوم كتب الكتاب وكمان عندنا كتب كتاب يوم الجمعة وانتو اكيد معزومين
اماني نظرت لها بتسأل..مين محمد اخوكي
نسرين وضعت يدها اسفل ذقنها تنظر ل اماني وهزت رأسها بالنفي..لأ محمد كتب كتابه مع احمد يوم الخميس
اماني رفعت حاجبيها بأستغراب ..اومال مين
نسرين ببرود غريب ودون اي تعبير على وجهها ..معتز
اماني نظرت لها بأستغراب كيف يكون كتب كتابه وهي غير مهتمة فملامحها لاتوحي بالزعل او الحزن عليه..معتز اومال يعني انتي……
قاطعتها نسرين بهدوء ..لأ مش زعلانة ومش عارفة ليه تصدقي من ساعة ما عرفت بحاول ازعل نفسي عشان اقنع نفسى اني كنت بحبه بس بردو مزعلتش
اماني تنهدت براحة من اجل صديقتها ..كويس يمكن دا خير ليكي
نسرين تشعر بالراحة كبيرة ..ايوة الحمد لله يالا نشوف شغلنا بقى
……..
مرت الايام لا جديد فيها
يوم الخميس كتب كتاب احمد ومحمد كان في الجامع واتفق كل عريس يأخذ عروسته بعد كتب الكتاب ويخرج معها
خرجت نسرين من الجامع مع امها واماني وام اماني وعبير اختها وفي نفس الوقت خرج الرجال وجاء عادل وابو اماني واخذ اماني والعيال وام اماني وذهبو رأت نسرين ادم وهو خارج من الجامع كم كان انيق ولم ينظر لأي احد واضعا عيونه ارضا كم احترمته فكل الشباب الذين خرجو ينظرو الى البنات بحجة انهم ينتظرون اهلهم
اقترب منها معتز في هدوء..ازيك يا نسرين
نسرين بأبتسامة هادئة ..الحمد لله انت عامل ايه
معتز بادلها الابتسامة ..كويس الحمد لله ان كنت عايز اقولك…..وسكت قليلا ثم اكمل أنا اسف
نسرين بأستغراب لما يعتذر لها وقالت بهدوء..على ايه
معتز بصوت يملأه الاسف ..على يوم ما كلمتك بطريقة مش حلوة والله انا من يومها وانا عايز افهمك اني كنت خايف عليكي اوي انك تعملي كدا مع حد وحش يضحك عليكي
نسرين كم شعرت بالخجل لذكره هذا اليوم لكنها حاولت ان تبدو طبيعية وان مافات انتهى بالنسبة لها..دا موضوع انتهى خلاص والدليل على كدا اني بكرا في كتب الكتاب هزغرط وارقص كمان ايه رأيك ربنا يتمم لك على خير ويسعدك انت عندي زي احمد بالضبط
معتز بأبتسامة واسعة..انا كدا كملت فرحتي ورجعتلي نسرين اختي
ابتسمت له وتركته واتجهت الى والدها ونظرت على ادم وجدته يكاد ينفجر من الغضب وعلى وجهه تكشيرة وذهب في هدوء
رجعت الى بيتها مع والديها ودخلت غرفتها وما هي الا ساعة وسمعت عبير بالخارج تبكي وتشتكي