العانس ج1

الفصل الخامس
جلست عبير في الصالة تبكي ومعها نسرين وأحمد اما محمد..انا داخل انام انا فرحان مش عايز حاجة تنكد عليا تصبحو على خير
لم يرد عليه احد فكيف يكون بهذا البرود ولايهتم غير بنفسه
نظرت نسرين ل عبير التي تورمت عيناها من كثرة البكاء وربطت على كتفها بحنان..كفاية كدا ياعبير يالا ياحبيبتي تعالي ندخل الاوضة جوا وحاولي تنامي شوية
احمد نظر لعبير بشفقة على حالها..ايوة ياعبير قومي مع نسرين
هزت عبير رأسها بالنفي ودموعها تتساقط على خديها ..لأ مش جايني نوم ادخلو انتو نامو
قاطعهم طرقات خفيفة على الباب نظر احمد من العين ليرا من وقال بصوت واطي قريب للهمس..دا عصام
نسرين اشارت لهم كي يتركوها هي من تقابله وقالت بصوت واطي ..يالا ياعبير ادخلي جوا وانت كمان يااحمد شوف ماما لو صاحية خليك جانبها وهديها ومتخلهاش تطلع
ذهب احمد لغرفة والديه وطرق على الباب بطرقات خفيفة اتاه صوت والده من الداخل..ادخل
دخل احمد وقال بصوت واطي ..عصام جيه
ارادة زينب الخروج ليأخذ زوجته معه
احمد قضب حاجبيه ..لوسمحتي ياماما خليكي دلوقتي
زينب اتسعت عيناها بغضب وقالت ..يعني ايه الراجل جاي يأخد مراته يأخدها ويمشي
عزت اتسعت عيناه بصدمة من كلام زوجته كيف تقول هذا ..ايه اللي بتقوليه دا افرضي انه جاي يقولها خليكي انا مش عايزك مش نعرف الاول هو جاي ليه ولا اول ما نشوفه نقوله خد مراتك معاك
احمد يحاول تهدئة الموقف ..يابابا نسرين عندها فكرة حلوة هتحفظ كرامة عبير وكمان كرامة عصام قدامنا
………
في الصالة اشارت نسرين لعبير لتدخل الى الغرفة وقامت وفتحت الباب
عصام بأحراج..السلام عليكم
نسرين نظرت له من غير نفس..وعليكم السلام
مد يده ليسلم عليها نظرت ليده ثم رفعت نظرها له بنظرة غضب ودخلت وتركته دخل ورائها
عصام بأستغراب من معاملتها له..في ايه يانسرين انتي بتعمليني كدا ليه
نسرين احمرت عيناها بغضب ..يعني مش عارف
شعر بالخجل منها فهذا يعني انها تعرف بالموضوع ..هي عبير…..وسكت
نسرين نظرت له ومطت جانب شفتيها بزعل ..ايوة ياخويا حكتلي كل حاجة بس انا مرضيتش اخليها تحكي لخالك ولا احمد ول محمد ولا حتى ماما ولما سألو ايه اللي جاب عبير قولتلهم انا اللي طلبت منها تستأذن عصام وتيجي تبات معايا والصبح من بدري نحضر لكتب كتاب معتز (في غرفة زينب بضيق من زوجها وابنها انهم تركوا الامر بيد نسرين..انتو هتسبوها لوحدها دي هتخرب الدنيا
احمد تنهد بنفاذ صبر ..ياامي اصبري بس انا لو لاقيت نسرين غلطت انا هخرج اصلح كل حاجة ماشي اصبري شوية
زينب تخبط على فخذها بغضب..دي هتخرب على اختها عشان تيجي تقعد جانبها
احمد بغضب من كلام امه ..ياماما كفاية بقى)
شعر عصام بالخجل منها اكثر واخفض رأسه ارضا
نسرين نظرت له ..انا مرضتش اخليها تقول لهم عشان ماتنزلش من عينهم ليه ياعصام تعمل كدا
عصام رفع عينه ونظر لها يحاول تبرئة نفسه..والله يانسرين مفيش بيني وبينها حاجة دي مجرد صداقة يعني بنتكلم ونحكي لبعض عن مشاكلنا دي حتى متجوزة والله
نسرين بصدمة من كلامه كيف له ان يتكلم مع واحدة متزوجة ولمعت فكرة في رأسها ان تضعه في نفس الموقف..ودي انيل ترضى لمراتك يكون لها صديق تتكلم معها وتشكي له وتبعت له صور وهو كمان يتكلم معها ويشكي لها ويبعت لها صور
عصام بأندفاع دون تفكير ..لأ طبعا انتي بتقولي ايه
نسرين بأبتسامة ساخرة ورفعت حاجبيها ..انت مش قولت ان مفيش بينكم حاجة ودي مجرد صداقة هي ليك حلال ولها حرام
عصام فكر في كلامها هي فعلا عندها حق وتخيل ان عبير تكلم شخص ويقول لها كلام رقيق وتقارن بينه وبين زوجها
عصام ..انا فعلا غلطان مش هعمل كدا تاني بس اوعي تغيري فكرتك عني انتي اختي الكبيرة اللي بحبها وبحترمها
نسرين نظرت له بغيظ وعضت شفتيها السفلي..كبيرة ايه يا عم دول هما سنتين ثم ابتسمت له.. انت عارف انا اد ايه بحترمك وبعزك دا حتى لما عبير حكتلي قولتلها انتي متأكدة انتي اكيد غلطانة مكنتش مصدقة انك ممكن تعمل كدا قولتلها انا اصدق الكلام دا على اي حد الا عصام
فرح عصام بكلامها فهو فعلا يحترمها ويقدرها..وانا اوعدك ان عمري ما هعمل كدا تاني
نسرين بأبتسامة كبيرة..وانا مصدقة ايوة هو دا عصام ابن عمتي الضلع التالت في مثلث الشر بتاعنا ولا نسيت
عصام بضحك..ودي حاجة تتنسي ياكبيرة دا انتي قائدة مثلث الشر
نسرين بغيظ ..يا دي النيلة كبيرة كبيرة طيب عبير في اوضتي يمكن تكون عايز تقول لها حاجة امشي من وشي ياعصام
………
سمعت عبير كلام اختها وفرحت به وعدلت من نفسها ومسحت عيونها
دخل عصام واقترب منها بخطوات بطيئة الى ان وصل امامها …انتي لسة زعلانة مني لم ترد عليه اخفضت رأسها تنظر ارضا رفع وجهها ونظر في عيونها الباكية فهو شعر بالغضب من نفسه كيف يفعل هذا بها وهي حبيبة عمره وزوجته وام اولاده وقال بصوت يملأه الحب..سامحيني انا اسف واحتضنها بشدة ابعدها عنه ونظر لها.. سامحتيني ولا لسة زعلانة واصلحك وغمز لها بعينه
ضحكت عبير على كلامه فهي لاتقدر على الزعل منه فهو حبيب عمرها فهي فتحت عيونها على حبه لها وقالت بصوت واطي ناعم ..خلاص مش زعلانة
طرقت نسرين الباب ودخلت ووجدتها تضحك فرحت كثيرا من اجل اختها
لكنها ارادت المرح..يابت اتقلي شوية
عصام نظر لها ورفع حاجبه..خليكي محضر خير
نسرين بأبتسامة كبيرة وسعادة تملأ وجهها فهي فعلا سعيدة من اجلهم..ماشي ياسيدي معلش سؤال هو انتو بايتين عندنا ولا حاجة
عصام نظر لعبير..لأ ماشين ياختي واقترب من السرير ليحمل امجد وعبير تحمل لين ابناءهم فهم ينامون في سرير نسرين
نسرين اشارت لهم كي يتركوا الصغار في مكانهم..لأ خليهم خد مراتك وامشى انتو كدا كدا ساكنين على اول الشارع ونظرت ل عبير.. والصبح تعالي بدري ياعبير عشان نحضر كل حاجة مع تسنيم لكتب كتاب معتز
عصام بسعادة كبيرة ..انتي احلى نسرين في الدنيا
نسرين ..يالا امشو بقى قبل ما يصحو ويعملو سين وجيم
عصام بتساؤل..طب وانتي هتقولي لهم ايه
نسرين تدعي انها تفكر .. اممم ابد هقول عصوم ابن عمتي مش قادر على بعد مراته حبيبته وجاء خدها
احتضنت عبير اختها بشدة فهي لم تكبر الموضوع لأن دخول الناس في المشاكل بيكبرها يعني لو كان عصام بين احمد وابوها وامها وكل واحد بكلمة المشكلة هتكبر ويكون في كلام جارح لا ينسى
مشت عبير مع زوجها
خرج احمد وعزت وزينب من الغرفة
احمد نظر لها بفخر ففكرتها فعلا جميلة وقال بصوت مرح..كله تمام
نسرين بضحك..تمام ياباشا كله بنفسك وتعليماتك ياكبير
احمد ..لأ انتي اللي فكرتي ونفذتي تسلم دماغك ادخل انام بقى مش قادر تصبحو على خير
نسرين نظرت له ..وانت من اهله
عزت بفرح مما فعلت..شاطرة ياحبيبتي عاقلة زي ابوكي
زينب بغيظ وعصبية..يعني انا مجنونة
نسرين تريد ان تصلح الموقف وتمتص التوتر..لا ياماما مش قصده انتي طيبة واللي في قلبك على لسانك بس خوفنا تقولي لعصام حاجة تزعله ولا كلمة تقلل من عبير بس والله انتي الخير والبركة
دخل عزت غرفته
ظلت زينب جالسة تنظر ل نسرين
نسرين استغربت من نظرات امها لها..مالك ياماما في ايه
زينب نظرت لها نظرة يملأها الخجل فهي خجلت من نفسها على ماقالت في حق ابنتها..سامحيني يابنتي اني قولت انك عايزة تخربي بيت اختك انا كنت خايفة عليها
نسرين بأبتسامة فهي تفهم موقف امها وتعذرها..انا مش زعلانة بس عايزة اقولك ان الواحدة تطلق وترجع بيت اهلها اهون الف مرة من انها تعيش متهانة كرامتها
زينب هزت رأسها تؤيد كلامها فهي فعلا محقة ..عند حق
نسرين ..وبعدين الموضوع خلص وانتهى واهي روحت مع جوزها زي السمنة على العسل وانا اللي ادبست في العيال حلو كدا
ضحكت زينب وضربتها بخفة على كتفها..تستاهلي حد قالك تعملي زعيمة اشربي بقى
نسرين بضحك..ماشي ياستي عندك حق دا اللي يدخل في المشاكل ويحلها بس اكدي على ابنك محمد ليوقع في الكلام مع عصام
زينب ..الصبح هأكد عليه تصبحي على خير
نسرين..وانتي من اهله
………..
مرت الايام سريعا في تجهيز شقق محمد واحمد وترتيب كل شئ
يوم الفرح في قاعة جميلة متوسطة المستوى يقام بها عرس( احمد ومي)( محمد وتسنيم)( معتز وداليا)
اخذ كل عريس عروسته من مركز التجميل فالعرائس في الفستان الابيض مثل اميرات القصص والعرسان بحلتهم الكلاسيكية مثل امراء القصص خرجت نسرين واماني من مركز التجميل وركبو مع عادل( تلبس نسرين فستان ضيق يرسم جسدها ومكياج رائع وحجاب مربوط على الشعر فقط مع خروج خصلة من شعرها وفكانت فاتنة)
وصلو القاعة وبدأ العرس ورقصت نسرين مع والدها وعمها ومحمد واحمد ومعتز وعادل واماني ووقفوا الشباب وصنعو دائرة وكانت في وسطها نسرين ترقص وعلى وجهها إبتسامة رائعة من ينظر لها لا يحول نظره عنها
كان ادم يجلس في اخر القاعة فهو لايحب مثل هذه الحافلات المختلطة شعر بالضيق وقرر الذهاب وترك العرس وهو في طريقه ذهب لمكتب سفريات وحجز عمرة لفردين هو والدته فهو يشعر ان قلبه مليئ بالحزن ويود غسله بالقرب من الله
دخل على امه وقال ..السلام عليكم
نادية بأستغراب من مجيئه مبكرا فهو لم يغيب طويلا..وعليكم السلام متأخرتش يعني هو الفرح لحق يخلص
ادم بضيق ..لا مخلصش بس مقدرتش اقعد
نادية بقلق من شكله فهو يبدو عليه الحزن والألم ..مالك ياحبيبي زعلان ليه
ادم بصوت حزين يملأه الالم..تعبان ياامي حاسس ان قلبي وجعني
نادية بخوف وقلق عليه ..تعالا نروح المستشفى ووقفت من مكانها مسرعة
ادم امسك يدها واجلسها مرة اخرى..لأ مش قصدي كدا انا قصدي مش مرتاح وحاسس ان قلبي مليان تعب وحزن عشان كدا حجزت انا وانتي عمرة الاسبوع اللي جاي وبالمرة تزوري خالي انا كلمته وقال لازم نقعد معه شوية
نادية بفرح انها هتسافر للعمرة وترى اخيها..طب يابني ربنا يريح قلبك ويتقبل منك العمل الصالح
ادم هز رأسه بهدوء..من بكرة هنبدأ في الإجراءات
نادية بأبتسامة هادئة ..ماشي ياحبيبي
ادم.تصبحي على خير
نادية..وانت من اهله يارب هون عليه وريح قلبه يارب اه لو اعرف مالك يمكن يكون عندي الحل يابني ووقفت وذهبت إلى الحمام وتوضأت وظلت تصلي وتبكي وتدعي له فهي تشعر ان ابنها حزين
…………………
عدى الاسبوع وسافر ادم وترك المكتب مفتوح تعمل فيه اماني ونسرين
في صباح احد الايام في المكتب
اماني نظرت لها بأستغراب من حالها فهي لم تعد نسرين المرحة فارادت معرفة سبب تغيرها وقالت..مالك بقى دمك تقيل كدا لا بتتكلمي ولاتهزري فيه ايه مالك
نسرين هي فعلا لا تعرف بما تجيبها مطت شفتيها بزعل وكأن لا شئ له طعم..مش عارفة بس حاسة ان مليش نفس اعمل اي حاجة اقولك انا هقوم اروح
اماني نظرت لها فهي لا تفهمها..زي ماتحبي
…………
مرت ايام اكثر ونسرين تشعر ان شئ ينقصها لكنها لا تعرف ماهو والايام مملة
في احد الايام تجلس مع والدها الذي لاحظ هذا عليها وانها لم تعد كالسابق ..مالك يابنتي
نسرين بأبتسامة حزينة..مفيش يابابا بس الشغل كتير عليا انا واماني من يوم ما سافر استاذ ادم(لم تعرف لما تسارعت دقات قلبها عندما ذكرت اسمه)والشغل كله على رأسنا وهو شكله مطول قاعد عند خاله هناك وبيتابع معنا بالنت
عزت وضع يده تحاوط كتفها وربط عليها بحنان..ربنا يقويكي يابنتي ويسعدك
سمعوا صوت طرقات على الباب فتحت نسرين وجدت احمد ومي وعلى وجههم الفرحة سلمت عليهم ودخلو
نسرين وزعت نظرها بينهم ..مالكو شكلكم في حاجة
احمد بأبتسامة رائعة ..انتي دايما قفشاني كدا ودخل سلم على والده ووالدته وكذلك مي
احمد بفرحة وسعادة تملأ وجهه..اصل مي حامل وجينا عشان نفرحكم
نسرين اتسعت عيناها بسعادة وابتسامة رائعة على وجهها..الف مبروك يااحمد ونظرت ل مي ربنا يكملك على خير وتقومي بالسلامة انا فرحانة أوي
ضحك احمد ونظر لها..اوعي تنسي عمتو الشريرة
ابتسمت مي..مين الشريرة نسرين حرام عليك يااحمد
احمد رفع يده بأستسلام..والله هي اللي قالت نفسها تبقى عمتو الشريرة
زينب اتسعت عيناها بسعادة وابتسامة كبيرة ..الف مبروك ياحبيبي وان شاء الله ولد انا مش عايزة بنات
عزت اتسعت عيناه بصدمة من كلام زوجته ..في ايه ياحجة وحدي الله ولد ايه وبنت ايه دا في ناس نفسها في ظفر
احمد وقد تغير وجهه بعد ان كان يملأه السعادة ..الحاجات دي بتاعة ربنا وبعدين انا نفسي في بنت عشان تبقى حنينة عليا وعلى اخواتها زي نسرين مع بابا ومعنا
تغير وجه مي بعد ان كانت سعيدة وفرحانة لاحظ أحمد ذلك ..يالا يامي
زينب بأستغراب فزيارتهم لم تطول ..كدا بسرعة دا انت حتى ماشربتش حاجة( وانتي بكلامك اللي زي السم هيشربو ايه يا ولية اتهدي 😱😱)
احمد بأبتسامة هادئة ..لأ احنا جينا نقول لكم ونمشي على طول يالا يامي واخذها ونزل
عزت نظر لها بغضب ..ليه كدا بس نكدتي على الواد وهو فرحان كسرتي فرحته هو ومراته
زينب ببرائة وكأنها لم تفعل شئ..هو انا قولت ايه ياخواتي بس وفيها ايه ان نفسي يخلف ولد
عزت تنهد بضيق ..نفسك تدعيله بينك وبين ربنا مش تقولي انا مش عايزة بنات دا كلام
وبعد عدة ايام عرفوا ان مرات معتز حامل وكذلك تسنيم
……….
اما ادم لا يريد العودة يشعر بالراحة في البعد وهو مقيم هو ووالدته عند خاله المقيم في السعودية الذي يعيش هو وزوجته وابناءه خالد وعلي
ودائما يمشي ادم الحرم ويصلي ويدعي ربه ان يريح قلبه ويهديها له
………….
اما نسرين تشعر انها ليست على طبيعتها وفي احد الايام حلمت انها تمشي في شارع ضلمة مخيف وعيون ترأها في الظلام تنظر لها نظرة لجسدها برغبة وتقترب منها وهي تحاول ان تجري وتهرب ولكن لاتستطيع قامت مفزوعة تتصبب عرقا استغفرت ربها كثيرا وقامت اتوضت وصلت ودعت ربها وفجأة تذكرت لبسها وان العيون المخيفة التي رأتها هي عيون الناس التي نتظر لها في الشارع وقامت ولبست اكثر شئ محتشم لديها ونزلت وعادت بأكياس كثيرة بها لبس واسع وحجاب طويل ولبست وخرجت من غرفتها
زينب اتسعت عيناها بدهشة عندمانظرت لها ورأتها هكذا..انتي كنتي فين نزلتي روحتي فين وايه اللي انتي لبساه دا
نسرين تشعر ان قلبها يكاد يخرج من مكانه من فرحتها فهي تشعر بسعادة لا تعرف سرها وقالت ..نزلت اشتريت هدوم واستدارت امامها تمسك طرف فستانها الواسع بسعادة وابتسامة رائعة.. مش كدا احسن انا مرتاحة اوي وقلبي فرحان اوي
زينب وهي تحرك فمها يمين ويسار فهي لايعجبها …هو انتي حد جالك واتقدم لك وانتي لبسك حلو وجميل لما هيجيلك حد وانتي متغمغمة كدا وليه مش حاطة احمر ولا بودرة في وشك
اختفت الابتسامة من على وجهها..اولا انا مش متغمغمة اومال لو كان نقاب كنتي عملتي ايه
زينب اتسعت عيناها بغضب ورفعت حاجبيها ..دا اللي كان ناقص
خرج عزت على صوتهم واول ما رأى نسرين سعد بشكلها ولبسها الواسع..بسم الله ماشاء الله ايوة كدا ايه الحلاوة دي ربنا يهديكي يابنتي ويفرح قلبك
نسرين شعرت بالسعادة لانها رأت فرحة وتشجيع في عيون والدها وان مافعلته هو الصواب وقالت بفرح..حلو يابابا
عزت بأبتسامة كبيرة تعبر عن مدى سعادته بها..حلو أوي ياريت عملتي كدا من زمان
زينب نظرت له وقضبت حاجبيها بغضب..انت كمان عجبك اللي هي عملاه دا
عزت هز رأسه بإجاب ..ايوة عجبني اوي ثم نظر لنسرين.. واوعي يكون يومين وترجعي تاني
نسرين بفرح..لا يابابا انا حتى نوية مش اللبس وبس والسلام والكلام مع غير المحارم
عزت بفرحة كبيرة من اجل ابنته..الله عليكي ربنا يهديكي ويسعدك ايوة كدا
زينب وزعت نظرات الغضب وعدم الرضا بينهم..انا هسكت احسن ووقفت وتركتهم ودخلت غرفتها
عزت بأبتسامة حنونة ..سيبك منها انتي كدا اجمل
نسرين نظرت له ..طب انا نازلة عايز حاجة
عزت..لأ ياحبيبتي مع السلامة
………
في المكتب
اماني اول مارأت نسرين اتسعت عيناها بذهول..ايه اللي انتي لبسها دا
نسرين استدارت امامها..ايه رأيك مش كدا احلى
اماني هزت رأسها ..احلى بس واسع اوي عليكي
نسرين تنهدت براحة كبيرة ..انا حاسة كدا براحة كبيرة اوي
اماني هزت اكتافها …خلاص مادام انتي مرتاحة كدا
………………..
في شقة معتز
جاء معتز من العمل وجد موال كل يوم البيت غير نظيف ولا يوجد اكل وزوجته جالسة على الفيس وخلاص( داليا من اسرة حالتها المادية ممتازة وهي من ضغطت على والديها بالموافقة على معتز لان حالته المادية عادية )
معتز تنهد بضيق من حال زوجته..السلام عليكم
داليا ببرود وكأنها لم تفعل شئ..وعليكم السلام
معتز نفخ بغضب شديد فزوجته فتاة مدللة لا تفعل شئ سوى التصفح على صفحات التواصل ولا تمل مطلقا..انتي مش بتتعبي من القاعدة دي ليل ونهار
داليا تركت الهاتف من يدها ونظرت له بأستغراب. .في ايه مالك
معتز نظر يمين ويسار ينظر لمنظر البيت الغير مرتب ..هو ايه اللي مالك بصي حوليكي شوفي منظر البيت وفين الاكل
داليا نظرت له بضيق فكلامه لايعجبها ..انا حامل وتعبانة
معتز اتسعت عيناه بغضب من برودها وقال بحدة..ياسلام اول وحدة حملت ولا اخرهم ماهي تسنيم حامل زيك روحي شوفي بيتها وكل يوم بتعمل اكل لمحمد ومرات احمد ماهي حامل هي كمان وكانت عزماهم كلهم عمي وخالتي زينب ونسرين وامي وابويا وجدي وجدتي وامها وابوها واختها وجوزها وعيالهم وامي قالت عملت كل حاجة لوحدها ومحدش ساعدها
داليا وقفت عن مكانها ونظرت له بضيق وسخط وقالت بصوت عالي ..اسمع بقى انا مش واخدة على كدا انا كنت مدلعة وكل طلباتي اوامر وكفاية اني مستحملة
معتز نظر لها بعدم تصديق فهو لم يقصر معها بشئ ..مستحملة ايه وانا قصرت معاكي في ايه
داليا نظرت له وظهرت شبه ابتسامة ساخرة ههئ وقالت..قول ماقصرتش في ايه كل ما اطلب منك فلوس معنديش عايزة هدوم مفيش فلوس عايزة دهب لأ غالي جبتلي ايه مميز تعالا شوف جوز منى اختي جايب لها ايه وبعدين تعالا اتكلم معايا قول البيت ومش البيت
صدم معتز من كلام زوجته فهذه ليست داليا التي احبها سنين اين كلامها انا مش عايزة غيرك يامعتز انا اعيش معاك في اي مستوى اين ذهب حبها وكلامها هذا
داليا نظرت له وقضبت حاجبيها ..اسمع بقى انا دلوقتي في السابع ومش هولد غير في مستشفى خاصة عشان تعمل حسابك وتتصرف
لم ير عليها وترك البيت ونزل وذهب الى بيت والديه
……
طرق معتز الباب فتحت فاطمة تفاجئت به وشكله الذي يبدو عليه التعب والارهاق ..معتز مالك ياحبيبي تعالا ادخل
سلم عليهم
حمدي نظر له فشكله يبعث الخوف والقلق ..مالك يابني في ايه
معتز لم يتمالك نفسه يريد ان يتكلم فهو تحمل فترة السبع شهور الماضية ولم يتكلم لكنه طفح به الكيل لم يعد يتحمل فقال بصوت يملأه التعب والحزن..انا خلاص تعبت جبت اخري خلاص
فاطمة بأستغراب من كلامه فهي لم تفهم شئ لكنه يبدو عليه التعب فقالت بهدوء ..في ايه بس مالك ياحبيبي
حكى لهم على افعال داليا من يوم زواجهم وهو ساكت لكنه لم يعد يتحمل ما تفهله وطلباتها التي لا تنتهي
فاطمة تحاول تهدئته وامتصاص غضبه فهو محق لكن لا تريد ان تزيد عليه..يمكن عشان حامل وتعبانة يابني
معتز نظر لها ..ماهي تسنيم حامل ومرات احمد ماهي حامل وانتي بنفسك شايفاهم في بيوتهم عاملة ازاي
فاطمة ربطت على ركبته ..معلش يابني الستات مش زي بعض في اللي مش بتكون قادرة حتى تتحرك من مكانها
في هذا الوقت رن هاتف معتز برقم داليا رد عليها بضيق..الو عايزة ايه
سمع صراخها…الحقني يامعتز
…….