ج2 بعد طلاقي
نور محمد
هشام اتشل مكانه. الباب اتكسر، ودخل ياسين ومعاه البوليس. ياسين بص لهشام باحتقار: “كنت عارف إنك غبي وهتوقع نفسك.. الصور دي اتنقلت (لايف) للمدعي العام.”
نور خرجت وهي بتكح من ريحة البنزين، وياسين سندها. بس وهي خارجة، شافت ورقة واقعة من جيب هشام وهو بيتقبض عليه.. ورقة مكتوب فيها: **”البنت اللي في الصورة مماتتش يا هشام.. البنت دي في المصحة النفسية اللي والدتك بتدفع مصاريفها كل شهر.”**
نور وقفت مكانها.. اللعبة كبرت. هشام مش بس خاين وسارق، ده فيه روح محبـ,ـوسة بسببه. وبصت لياسين وقالتله: “المصحة فين؟”
ياسين بصلها بإعجاب وقالها: “أنتي مش ناوية تهدي؟”
نور بجمود: “الحق مبيتهداش.. أنا هروح أجيب البنت دي، وعايزة أشوف وش (ثريا هانم) لما نفتح باب المصحة.”
انطلقت نور بسيارتها كالسهم، وياسين خلفها بموكبه، والوجهة كانت “مستشفى الأمل” – تلك المصحة النفسية المنعزلة التي تُخفي خلف جدرانها العالية أنين المظلومين.
طول الطريق، كانت صورة البنت اللي في الصندوق مش بتفارق خيال نور. “إزاي هشام قدر يعمل كل ده؟ وإزاي ثريا هانم قدرت تدفـ,ـن روح بالحيا عشان شوية ورق وفلوس؟”
وصلوا قدام المصحة في وقت متأخر. المكان كان موحش، وكشافات النور بتتحرك على السور زي عيون ذئاب. ياسين قال لنور بلهجة تحذير: “نور، الدخول هنا مش سهل. المصحة دي تبع (ثريا هانم) بشكل غير رسمي.. الحراس مش هيسمحوا لنا نعدي بالذوق.”
نور بصتله بتحدي: “أنا مبعرفش الذوق مع اللي معندهمش رحمة. خليك أنت هنا مع رجالتك، وأنا هدخل بصفتي (الوصية القانونية) على أملاك الأنصاري.. يعني أنا دلوقتي صاحبة المكان ده فعلياً.”
دخلت نور بثبات، وبالفعل، أوراق الوصية خلت الحراس يترددوا. وصلت لمكتب المدير، وبضـ,ـربة كف على مكتبه قالت بحدة: “المريضة اللي في الغرفة ٤٠٢.. (ليلى).. تخرج فوراً تحت مسؤوليتي، وإلا المباحث هتكون هنا خلال ٥ دقائق بتهمة الحجز القسري.”
المدير وشه جاب ألوان، وبدأ يتلعثم: “يا مدام نور.. الحاجة ثريا منبهة إن ليلى حالتها خطرة وممنوع الزيارة..”
نور قاطعته: “الحاجة ثريا دلوقتي في النيابة بتتحقق معاها في تهمة شروع في ل.. تحب تحصلها؟”
في دقايق، كانت نور ماشية في طرقة المستشفى الضيقة، ريحة المطهرات بتخنق الأنفاس. اتفتح باب الغرفة ٤٠٢.. لقت بنت قاعدة في الركن، ضامة رجليها لصدفها، وشعرها طويل ومبهدل. أول ما البنت رفعت راسها، نور اتسمرت مكانها.
العيون العسلية.. نفس رسمة العيون اللي في “تاليا”.
