ج الاخير الورث بتاعي حكايات روماني مكرم
في ليلة، جالي تليفون من رقم غريب، رديت وقلبي بيدق: — “يا مدام سمر، أنا فاعل خير.. خلي بالك من ولادك، مدحت مش ناوي على خير، وفيه ناس “بره” قبضوا التمن خلاص.” حكايات رومانى مكرم السما اتسدت في وشي، التليفون وقع من إيدي وجريت على أوضة ولادي، لقيتهم نايمين زي الملايكة. ناديت على حسن وصوتي بيرتعش وحكيتله اللي حصل. حسن وشه اصفر وقالي: — “مدحت طول عمره يعرف ناس مش تمام من أيام ما كان بيدخل في مشاريع مشبوهة.. لازم نبلغ البوليس فوراً.”
وقبل ما نتحرك، سمعنا صوت خبط هادي على الباب، خبطة غريبة ومنتظمة. حسن مسك عصاية ووقف ورا الباب، وأنا كنت واقفة وراه وماسكة تليفوني وبحاول أتصل بالنجدة. فتح حسن الباب ببطء، ولقينا ست غريبة لابسة أسود في أسود، ومنقبة، دخلت بسرعة وقفلت الباب وراها: — “اسمعيني يا سمر، أنا ‘هدى’ مرات مدحت التانية.. اللي مكنتوش تعرفوا عنها حاجة.” حكايات رومانى مكرم الصدمة كانت أكبر من إني أستوعبها. مدحت متجوز عليا؟ ومن فترة طويلة؟ هدى كملت كلامها وهي بتنهج:
— “مدحت كان بيسحب مني فلوسي طول السنين اللي فاتت، ولما عرف بورثك، كان عايز يخلص منك وياخد الفلوس ويهربني أنا وهو لبره مصر. بس لما اتحبس، بعت لناس يراقبوا البيت ويخطفوا واحد من العيال عشان يساومك على ‘التنازل’ عن الحساب وتدفعي الفدية.” بصيت لها بذهول: — “وإنتي جاية تقوليلي كدة ليه؟ مش إنتي شريكته؟” ردت بك.سرة: — “أنا شريكته في الوجع يا سمر.. مدحت لما عرف إني مش هقدر أساعده وهو جوه، هددني إنه هيقت.لني أنا كمان. أنا جيت أحذرك عشان نخلص منه سوا.. هو بايع الكل، وإحنا لازم نكون أذكى منه.”
في اللحظة دي، النور قطع في الشقة كلها، وسمعنا صوت حد بيحاول يفتح شباك المطبخ من بره. حسن همس بصوت واطي: “جم يا سمر.. جم ياخدوا العيال.” حكايات رومانى مكرم هدى طلعت من شنطتها ورقة وقالتلي: — “ده مفتاح اللغز.. دي عقود ومستندات مدحت مخبيها عندي، فيها أسماء الناس اللي مشغلهم بره، والفلوس اللي سرقها من مشاريع وهمية. لو الورق ده وصل للنيابة، مدحت مش بس هيتحبس في ق.ضية تهديد، ده هيدفن في السجن مؤبد.”
صوت تكسير إزاز المطبخ كان بيقرب، وحسن استعد للهجوم، وأنا كنت حاضنة ولادي وبفكر.. هل الورق ده كفاية؟ ولا مدحت لسه معاه كارت أخير هيلعبه في اللحظة الأخيرة؟ #الكاتب_رومانى_مكرم الظلام كان سيد المكان، وأنفاسنا كانت مسموعة، والخطوات بدأت تقرب من طرقة الأوض.. يا ترى مين اللي دخل الشقة؟ وهل هدى فعلاً جاية تساعد، ولا ده فخ جديد من فخاخ مدحت؟
