ج1 حكايات شيمو
ج1
متجوزة في بيت عيلة… وعملت عزومة لأهلي، ولما خلصت كل الأكل ودخلت أستحمى… خرجت لقيته اختفى! ولما فهمت مين أخده، عملت حاجة محدش كان يتوقعها!
أنا متجوزة في بيت عيلة، وشقتي فوق شقة حماتي، وطبعًا في بيت العيلة مفيش حاجة بتستخبى… كل واحد عارف التاني بيعمل إيه وبيطبخ إيه ورايح فين وجاي منين.
المهم في يوم صحيت من بدري، ونزلت السوق عشان أهلي كانوا جايين يتغدوا عندي.
اشتريت لحمة وخضار وفاكهة، وطلعت وأنا شايلة أكياس كتير.
وأنا على السلم قابلت حماتي، أول ما شافت الأكياس قالتلي:
— إيه ده كله يا بنتي؟!
قولتلها:
— شوية طلبات يا حماتي، أهلي جايين النهارده وهنعمل غدا سوا.
قالتلي:
— ماشي يا حبيبتي.
طلعت شقتي وبدأت أطبخ.
عملت بشاميل، وجلاش، وسلقت اللحمة وحمرتها، وعملت خضار وسلطة، وجهزت الفاكهة.
كنت من الصبح واقفة على رجلي، لحد ما خلصت كل حاجة.
وبينما أنا في المطبخ، سلفتي خبطت عليا ودخلت.
أول ما دخلت قالت:
— يا نهار أبيض! إيه الريحة دي؟!
ضحكت وقلتلها:
— أهلي جايين، قولت أعملهم عزومة حلوة.
قالتلي:
— ربنا يهنيهم.
وبعدها نزلت.
أنا خلصت كل حاجة، وبصراحة كنت تعبانة جدًا.
قلت:
“أدخل أخد دش سريع قبل ما أهلي يوصلوا.”
وفعلًا دخلت الحمام.
استحميت وخرجت…
وكانت الصدمة!
دخلت المطبخ…
لقيت الرخامة فاضية!
السفرة فاضية!
الصواني اللي كنت حطاها كلها اختفت!
بصيت حواليا وأنا مش مستوعبة.
قولت:
— هو أنا دخلت الحمام ساعتين ولا إيه؟!
الأكل كله اختفى!
اللحمة اللي تعبت فيها… راحت.
الجلاش… راح.
البشاميل… راح.
حتى الأكل اللي كنت محضراه للضيوف كله اختفى!
وفجأة…
سمعت خبط على الباب.
أهلي وصلوا!
ماما وأخويا ومراته والعيال.
فتحتلهم وأنا حرفيًا مش عارفة أقول إيه.
ماما قالت:
— مالك يا بنتي؟ إنتِ شكلك متضايقة ليه؟
بصيتلها وقلتلها:
— مفيش… تعالوا بس.
وقتها بدأت أفكر.
مين اللي دخل شقتي؟
ومين اللي شال كل الأكل؟
وبعدين افتكرت إن حماتي شافتني وأنا طالعة بالأكياس…
وسلفتي كمان كانت عندي وشافت الأكل.
وفجأة…
فهمت!
قولت لنفسي:
“أكيد حماتي هي اللي أخدت الأكل ونزلته عندها.”
بس بدل ما أعمل مشكلة، أو أحرج أهلي، أو أقولهم إن الأكل اختفى…
ابتسمت لماما وقلتلها:
— تعالوا معايا ننزل نسلم على حماتي الأول.
