ج الاخير كبير الصعيد
عند فيروز كانت قاعده علي السرير بتعيط حست بايد علي كتفها رفعت وشها وكانت امها اترمت في حضنه
ام محمد بحزن: جوزك معاه حق هما غلطو ويستحقو العقاب لو راحو المحكمه كانت هتحكم عليهم بالإعدام علطول لو مكنش عمل كدا مكانوش هيقفو عند حدهم
فيروز بدموع: ب.. بس حرام عليها يما د.. دا ولع فيهم
امها طبطبت عليها
: هو كبير بلد ودا شغله وادري بيه
دياب دخل بجمود واتجه للحمام
: حضريلي هدوم غير دي
ام محمد: شوفي جوزك يا حبيبتي وحاولي تصالحيه
فيروز هزت راسها وام محمد طلعت فيروز بصت علي الكومدينو لقيت بطاقه دياب ابتسمت بتفكير.. شويه ودياب طلع
وقف علي الكومدينو وهو بيدور علي البطاقه
دياب بضيق: مشوفتيش البطاقه بتاعتي
فيروز ببرود: لا شوف كنت حطتها فين اخر مره وهتلاقيها
دياب: كنت حطتها هنا
فيروز: اممم معرفش
دياب: ابوي وصل لو عايزه تطمني عليه…
ونزل
……
حازم دخل من الباب وجاي معاه تقريباً البيت كله ويوسف
دياب كان نازل من فوق قرب من حازم وميل باس ايده
: الف سلامه يا حج عليك
حازم: بقا يا ابن الكلب انا اخد الرصاصه مكانك وكله جه الا انت
دياب ضحك: كنت بولعلك في الوسخين اللي عملو كدا يا حج
حازم: ولعت فيم بجد
دياب: دا انا من يوم ما شوفتهم ومبقولش غير هولع فيهم ودياب لما يقول حاجه لازم تتعمل
حازم اتنهد: ربنا يهديك
دياب بص علي خديجه اللي عيونه مليانة دموع
: خلاص يا ست الكل مااهو زي الحصان
خديجه بدموع: الحمدلله انها عدت بخير
دياب ضحك: الحب الحب يا عم.
فيروز اتقدمت بإحترام
: الف سلامه عليك يا عمي
حازم: الله يسلمك يا بنتي
ليليان دخلت من الباب وهي بتعيط واترمت في حضن حازم
ليليان: بابا
حازم: حبيبة بابا انا بخير والله
ليليان بشهقات: انا.. خوفت عليك اوي.. انت كويس
حازم: يابنتي انا كويس والله
ليليان: انا هقعد معاك لحد متخف واتاكد انك كويس
حازم: نعم يما تقعدي معاي لحد مخف اي…
بص لابراهيم اللي واقف بعيد شويه بإحترام
: انت تاخد مراتك وتمشي اخر النهار مش مبقلهاش شهر متجوزه وكل يوم ناطه
ليليان ضحكت وهي بتمسح دموعها
: كدا يا بابا مش عايزني
حازم: يا حبيبتي انتي مبقالكيش شهر متجوزه ودا غلط كملي سنه وانا هاجي اخدك من قلب بيتك تقعدي معاي شهرين
ابراهيم بإحترام: عادي يا حازم بيه لو حابه تقعد معاك ماعنديش مانع
