ج1 غدر الحب

مبروك جواز صحبتك من جوزك! جاتني الرسالة دي، وجوزي كان في شغل برا البلد. في الأول قولت تلاقي الرسالة بالغلط ولا حاجة. بعديها بشوية لقيت صورة اتبعتت من نفس الرقم، بفتحها لقيتهم فعلا, صاحبة عمري وجوزي! ولقيتها بالفستان الأبيض، لاء، وهو جوزي ال جنبها! مقدرتش أقف على رجليا، ولقيت نفسي في مستشفى، ومش فاهمة أنا جيت هنا إزاي وأمتا ولا ليه؟ افتكرت كل ال حصل لما لقيتهم داخلين مع بعض، وافتكرت كل حاجة. — أروي: إنتوا إي جابكم هناا؟ إي ال جابكم؟ مش المفروض دلوقتي الصباحية بتاعتكم ي عرسان ولا إي؟ أه يعيني، تلاقيك جاي تطمن ع ال في بطني يا راجل؟ متخففش، ال في بطني بخير وهيفضل بخير، طبعا عشان ربنا عالم أنا اتحرمت قد إي من كلمة ماما والأمومة. بس معلش، ال جاي هيتربى بعيد عن أبوة، أصل أبوة مات إمبارح، ربنا يرحمه. — عمران:تي بتقولي إي؟! ابن مين؟! — أروي: إي دا؟ إنت متعرفش أنا حامل؟! — عمر: أمتا وإزاي؟! — أروي: أمتا دي بقا... عرفت إمبارح، وكنت مستنياك تكلمني بقا وأقولك على أساس إنك في شغل، لاكن لاء, كنت بتتجوز ومن صاحبة عمري! إزاي دي بقا؟ هو أنا مش متجوزة ولا إي؟! متروووود! وإنني هونت عليكي تعملي فياا كدا؟! عملتلك إي عشان تعملي فيا كدا؟ دا إنتي الوحيدة ال حبيتها واعتبرتها أختي وأمنتّك على جوزي وبيتي، تعملي فياا كدا؟! تعوضي الإيد ال اتمدتلك! تؤتؤ، أكيد نسيتي إنتي كنتي إي وكان شكلك إي! — سارة: إنتي بتقولي إي إزاي؟ كنت إي؟! أنا من يومي وأنا برنسيسة، بصي لنفسك في المراياا، وإنتي تعرفي هو اتجوزك ليه ي حبيبتي؟ إنتي جعفر، هه! أه والله جعفر! في حد بالمنظر دا؟! بصي لنفسك في المرايا، وإنتي تعرفي اتجوز عليكي ليه. — أروي (بقوة عكس ال جواها): لاء أنا عارفة أمتا أبقى راجل وأمتا أبقاا ست، مش الرايح والجاي أتكلم معاه وأضحك مع دا شوية ودا شوية! ولو ناسية إنتي كنتي إي برنسيس، أفكرك؟ وربنا كتر من الصور، بس أنا محترمة وأبويا وأمّي الله يرحمهم علموني الأصول كويس. وإنت ورقة طلاقي توصلني في أقرب وقت إنت فاهم، ويالا اطلعوا برة يااالا! — عمر: أنا ماشي بس بمزاجي مش بمزاجك، ولما تخفي وتروحي بيتك لينا كلام تاني، سلام، يالا بينا. — سارة: يالا. — أروي: ياااه! إنت ي عمر تعمل فيا كدا؟! إنت ليه.. ليه دي؟ دا إنت أكتر إنسان حبيته، دا إنت حبي الأول! ليه تعمل فيا كدا؟ ليه دا أنا كنت أب وأم وأخت وبنتك وكل حاجة! عمري ما قصرت معاك في كوني زوجة صالحة ليك، ليه تعمل فيا كدا وتكسرني كدا؟ ليه دا جزاتي؟ دي آخرتها؟! بس هتعرف إن الله حق لما تشوف مراتك هتعمل فيك إي. — عمر: إنت كنتي تعرفي أنها حامل؟! — سارة: ودا هيفرق في إي ي حبيبي؟! — عمر: لاء يفرق ويفرق كتير جدا كمان! ردي على سؤالي، إنتي كنتي تعرفي أنها حامل؟! — سارة (بتوتر): لا.. لاء! وأنا هعرف من فين يعني؟! — عمر (بعصبية): بس توترك وطريقتك في الرد بتقول عكس كدا، آخر مرة هسألك السؤال: كنتي تعرفي ولا لااء؟! — سارة (بصوت مرتفع): أه! أه كنت أعرف، هتفرق معاك في إي؟ هو إنت مش بتحبني ولا إنت متجوزني عشان تبقا أب بس؟! — عمر: إنتي أكتر واحدة عارفة أنا بحبها قد إي، أكتر واحدة كان نفسي أبقا أب منها هي، إنتي أكتر حد عارفة أنها مكنتش مراتي بس، لاء، كانت أمي وأختي وبنتي وصحبتي وكل حاجة لياا، ليه مقولتليش؟! — سارة: يعني إنت مش بتحبني؟! — عمر: منغيرش الموضوع دلوقتي، ردي عليا الأول. — سارة: أرد عليك إي؟ إنتي لسه بتحبها؟! أومال الكلام ال كنت بتقولهولي دا إي؟ بتضحك علياا؟ بتأخدني على قد عقلي ولا إي؟ لاء أنا كنت فاكراك بتحبني، كنت فاكراك إنك خلاص مش عايزها في حياتك، طلعت مش عايزني أنا في حياتك بس عشان هي مكنتش تخلف وتجيج عيال، تجوزني عشان أجيبلك العيل وتبقا أب، مش كدا؟ ليه عملت كدا؟! مردش يرد عليها، وطول الطريق وهو مش راضي يرد عليها ولا يكلمها، وهي بتتكلم وهو برضوا مش راضي يرد. — عمر: انزلي. — سارة: انزل؟! بابا وماما جايين، إنت مش هتطلع معايا؟! — عمر: مشوار صغير وهرجع. هي كانت نزلت وسابها ومشي بأقوى سرعة. — ساره: ماشي ي عمر. — عمر (پبكاء): أنا عارف إني غلطان بس والله غصب عني.. والله غصب عني، إنتي عارفة إن مهما حصل مش هحب حد قدك، وعارفة كمان أنا كان نفسي أبقا أب لياا كتير أوي... عملت المستحيل، لفينا العالم كله، برود محصلش أي حمل، واليوم ال تعرفي إنك حامل مترديش تقولي! إنتي لو كنت رنيتي علياا مكنش دا كله حصل، لو رنيتي علياا مكنش هتجوز. قاطعتها في الكلام وقالت: — أروي: يعني إنت مش بتحبها؟! اتجوزتها ليه؟! ذنبها إي عشان تعمل فيها كدا؟! مش حرام عليك، أما أنا دي حاجة مش بايدي دي حاجة بايد ربناا، وإنت لو بتحبني بجد مكنتش هتفكر إنك تتجوز علياا، ومين؟! أعز صاحبة؟! أو مش صحبتي، أختي! ي جبروتك ي أخي! قاطعه وقال: — عمر (بصوت مرتفع): فوقي بقا! هي عمرها ما حبتك ولا هتحبك، كتير أوي أقولك بتاعت مصلحتها بس، ولا أنا بتكلم أصلا؟! ومعاملتك معاها زي ما هي، إنتي عارفة هي كانت بتقول عل... البارت الثاني — عمر (بصوت مرتفع): فزقي بقا! عمرها ما حبتك ولا هتحبك، كتير أوي أقول.. بتاعت مصلحتها بس، ولا أنا بتكلم أصلا؟! ومعاملتك معاها زي ما هي، إنتي عارفة هي كانت بتقول عليكي إنك عمرك ما حبتيني، عمرك ما كنتي عايزاني في حياتك، واني العيب فياا أنا إن مش بخلف! حاولت تخليني أكرهك بس معرفتش، عشان إنتي بنتي مش مراتي... قطاعته بصوت مرتفع: — أروي: اخرررس بقاا! كفايا كدب وحوارات، هي عمرها ما تقول كدا! لاء.. لاء هي مش هتقول ولا قالت عليا كدا! إنت بتقول إي كلام؟! ولما هي بتاعت مصلحتها اتجوزتها ليه؟! وأنا هونت عليك تعمل فيا كدا... هونت؟! بس الحمدلله إنكم اتفضحتوا... وحقي هعرف أجيبه. — عمر: حق؟ حق إي ي أروي؟! — أروي: حق ال إنت عملته فياا! حق ال إنت خلتني معاك كل السنين دي في كدب وأنك بتحبيني وكل الكلام الفارغ ده، بس الحمدلله إن ربنا فضحك. — عمر: حق!! أنا الشرع محللي أربعة مش واحدة ولا إتنين، أربعة! أما أنا بقا عمري ما هسيبك ولا هسيب إبني ال في بطنك، اديني حذرتك. — أروي: اطلع برا. — عمر: إنتي اتجنيتي ولا إي؟! — أروي (بصوت مرتفع): بقولك اطلع بررره! — عمر: هطلع بس بمزاجي أناا مش بمزاجك إنت، وهرجعلك بس شقتك ي حبيبتي، سلام. حبيبة ياسر: أروي... لازم أکرهه.. لازم أكسر قلبه زي ما كسر قلبي، وهندمه ندم عمره، والله ي عمر لْتندم. — سارة: حمدلله على سلامتك ي حبيبي، بابا وماما في الصالون. — عمر: تمام... وأنا بقول البيت منور ليه! — حسين: منورك بوجودك ي حبيبي. — عمر: الله يخليك ي عمي، أخبارك ي حماتي عاملة إي؟! — فريدة: تمام. — حسين: تقصد أنها بخير يعني، مغلس، أصلها تعبانة من إمبارح. حسين ضرب فريدة في إيدها. — حسين: مش كدا ولا إي؟! — فريدة: أه.. أه. صحيح. — سارة: أناا جيتت! بتحكوا في إي وأنا مش قاعدة كدا؟ — حسين: ولا حاجة ي بنتي، نستأذن إحنا بقا، إحنا جينا نطمن عليكم وأنتو الحمدلله بخير، نستأذن. — سارة: إي دا ي بابا! إنت لحقت تقعد؟! طب اتغدوا معاناا طيب. — حسين: الجايات كتير، تتعوض، بعد إذنكم. — عمر: إذنك معاك ي عمي... مع السلامة، مع السلامة. — سارة: إنت عملتلهم إي خليتهم يمشوا؟ عمر بص حواليه ببرود وقال: — عمر: إنتي بتكلميني أناا؟! — سارة (بصوت مرتفع): ي راجل هو في حد في الشقة غيرنا ولا إي؟! عمر ضربها بالقلم وقال... البارت الثالث عمر ضربها بالقلم وقال: — عمر: كل دا حقد وغل من جواكي! ممكن عشان هي قلبها طيب، عشان ال معاها مش ليها، ولو هي محتاجة الحاجة وحد محتاجها بتدهالها! عمرها ما عرفت تحقد عليا أو تكرهني، حد سالك! عندك دا مرض مش أكتر، ربنا يهديكي وترجعي لعقلك، إحنا مش هينفع نكمل مع بعض. — سارة: إنت شايفني لعبة وزهقت منها ولا إي؟! — عمر: مقدرش أكمل مع واحدة جواها الغل والحقد دا، إنتي مريضة ي سارة، مريضة! — سارة: مريضة بحبك! مريضة أني من الساعة ال اتجوزت فيها وأنا بحبك وهموت وتبقي جوزي! مجنونة بحب عمر! مجنونة بيك ي عمر! مجنونة بيك إنت! بحبك ي عمر! هه! بحبك، عارف يعني إي بحبك؟! وإنت تعرف يعني إي حب؟! ما إنت كسرت قلبها! هه! هتعرف قد إي بحبك؟ لاء، إنت معندكش قلب! تعرف ال بيحبك وال مش بيحبك... هتندم، هتندم.. ندم! وقام بالوقوع أرضاً. في المستشفى: — أروي: أرجوكِ.. أرجوكِ ساعديني أني ألاقي حد يتمم معايا العملية دي، أرجوكِ! — الممرضة: مقدرش، دي حاجة صعبة والمعاقبة عليها كبيرة، ممكن أترفض والله، ممكن أترفض! — أروي: هديكي الفلوس ال عايزاها، بس دكتور يتمم العملية دي، أرجوكِ أرجوكِ، وهديكي ال عايزة، أرجوكِ! — الممرضة: هحاول.. مع إنه موضوع صعب أوي وخطر، ولو حد عرف هنروح في ستين داهية ي مدام. — أروي: محدش هيعرف حاجة أكيد، والموضوع محدش يعرفه غيرك إنتي وغيري أنا بس والدكتور ال هينفذ. — الممرضة: هحاول.. هحاول، أسيبك أنا عشان قعدت كتير أوي هناا. — أروي: تمام. — الممرضة: تمام، سلام، هرد عليكي بكره الصبح. — أروي: تمام. في مستشفى آخر: — عمر: خير ي دكتور؟! — الدكتور: الضغط بتاعها عالي، ودا صدمة عصبية كبيرة، ال محتاجاه هي دلوقتي أنها تبقَى في راحة تامة ومتتعرضش لأي حاجة وحشة، ودا في خطر على حياتها. — عمر: تمام ي دكتور، ينفع نروح؟! — الدكتور: أه ينفع، بس أهم حاجة راحة تامة. — عمر: شكراً ي دكتور. — الدكتور: عايزا راحتك ي مدام سارة، الصحة.. الصحة مش بنلاقيها مرمية في الأرض إحنا. — سارة: تمام ي دكتور. — عمر: يالا بينا. — سارة: يالاا. في البيت: — عمر: إنتي هتنامي هنا، وأنا هنام في الأوضة التانية. — سارة: الأوضة التانية؟! — عمر: أه، إحنا طول الفترة ال إنتي على ذمتي فيها، إنتي أختي وبس، أختي وبس! تصبحي على خير. يوم جديد: — عمر: هي عاملة إي ي دكتور حاليا؟ — الدكتور: للأسف..... البارت الرابع — الدكتور: للأسف فقدنا الجنين! — عمر: أنا أقصد مدام أروي! — الدكتور: وأنا على مدام أروي. — عمر: لاء.. لاء مستحيل، مستحيل! — الدكتور: قدر الله وما شاء فعل. — عمر: ممكن أدخلها؟! — الدكتور: اتفضل. — عمر (بحزن): هنعوضه، هنعوضه وهنجيب دِستة عيال. — أروي: مين قال إننا هنعوضه؟! طلقني. — عمر: أنا عارف الحالة ال إنتي فيها دلوقتي، استهدي بالله، وقدر الله وما شاء فعل، ربنا يرزقنا بذرية صالحة. — أروي: هو بالعافية ولا إي؟! مش عايزاك، مش عايزاك! إنت مش بتفهم؟! رد علياا، مش بتفهم؟! راح عندها. — عمر: بس، اهدي، اهدي، والله العظيم بحبك، والله بحبك ومقدرش أعيش من غيرك ثانية! — أروي (بانهيار): بتحبني؟! بتحبني؟! بتحبني تروح تتجوز عليا هو دا الحب؟! رد علياا، هو دا الحب؟! تكسر قلبي وتتجوز صاحبة عمري وتقولي بحبك؟! حتى الحب بقى مش سالك! كفاياا.. كفاياا! أنا هبقا أحسن لما نبعد، أرجوك.. أرجوك ابعد عني، أرجوك! — عمر: غصب عني والله، أنا معرفش ليه عملت كدا، كل تفكيري وال هي كانت تقوله إنك لازم تجيب حفيد لأبوك وأمك عشان الزن بتاعهم، وأنا كنت عبيط وغبي إني صدقتها! والله أنا هطلقها، بس مش دلوقتي... عشان هي بنت ناس ومش حمل كلام الناس عليها، وال هيتقال مش قليل. — أروي: بتحبها؟! — عمر: أه... لاء. — أروي: أه ولا لاء؟! — عمر: منكرش إن الفترة ال كنا بنكلم فيها خلتني أتعلقت بيها، تعلق مش حب، بس بحبك إنتي والله بحبك إنتي، إنتي حب عمري ي أروي، إنتي بنتي. — أروي: الحب دا خرافات، مفيش حاجة اسمها حب، كل واحد بيحب نفسه، بيفضل نفسه ومصلحته عن أي حد! وإنت عشان عايز تبقا أب اتجوزت تاني، ومش ممكن يكون العيب فيك مش فياا؟! لاكن لاء، تترق أروي.. تولع أروي، المهم سي السيد يبقا مبسوط! — عمر: أنا عارف الحالة ال إنتي فيها، آسف.. آسف، لو فضلت أقول آسف العمر كله مش هسامح نفسي برضه. — أروي: أنا عايزة أروح المدافن. — عمر: المدافن؟! إنتي من الساعة ال اتجوزتك فيها عمرك ما قولتي عايزة تروحي المدافن، تروحي ليه؟! — أروي: الأول كنت حاسة بالأمان معاك، كنت أبويا وأمي وكل حاجة ليا، بس دلوقتي لاء، عايزة أروح أزور أبويا وأمي، هتوديني ولا أروح لوحدي؟! — عمر: بس إنتي تعبانة دلوقتي، خليها يوم تاني. — أروي: أنا هروح دلوقتي، هتوديني ولا أروح لوحدي لتاني مرة؟! — عمر: هوديكي، هوديكي. — سارة: بس دا أنا قولت كل ال جوايا، كل ال جوايا قولت كل حاجة، يعني خلاص مستحيل يصفي ليا تاني! — المتحدث: حاولي معاه، وأنا سمعت أنها مبقيتش حامل. — سارة: مبقيتش حامل؟! البارت الخامس — سارة: مبقيتش حامل إزاي؟! — المتحدث: مش عارف، بس ال في المستشفى قالوا أنها نزلت الجنين. — سارة: نزلت الجنين؟! مستحيل أروي تعمل كدا. — المتحدث: لاء عادي، تعمل ليه لاء؟! — سارة: والله ما تعمل كدا، أنا متأكدة هي كانت بتتمنا ظفر عيل، لما ربنا يكرمها تنزله؟! مستحيل! — المتحدث: طب وإحنا نتأكد إزاي؟! — سارة: معرفش، إنت لازم تتاكد من الموضوع دا وفي أقرب وقت كمان. — المتحدث: تمام. في المدافن: — أروي: إنتوا وحشتوني أوي أوي، أنا محتاجاكم جنبي، محتاجاكم معايا، لأول مرة أفتقدكم بالدرجة دي، أنا خلاص أدمرت.. أدمرت على الآخر! وحشتيني ي ماما، إنتي.. إنتي لو كنتي موجودة كانت حاجة كتيرة أوي هتتغير، كنتي هتبقي صحبتي وكل حاجة لياا، وإنت ي بابا لو كنت موجود كان هيبقى ليا سند أتسنِد عليه! لاكن أنا ظهري اتكسر.. اتكسر ي بابا، وبقيت عاجزة عن كل حاجة، مبقاش ليا سند ولا أمان، وحشتوني أوي أوي. — عمر: كفاياا على كدا، كفاياا. — أروي: ابعد! أدمرتوني.. أدمرتوني خالص، حرام عليكم! — عمر: طب يالا نمشي، وال إنتي عايزاه هعمله. في البيت: — أروي: ورقة طلاقي توصلني في أقرب وقت. — عمر: أنا طلاق مش هطلق. — أروي: هخلعك. — عمر: اعمليها كدا ويبقا آخر يوم في عمرك ي أروي، آخر يوم في عمرك! — أروي: تمام، اطلع برا. — عمر: أفندم؟! — أروي: اطلع برا، إي طرشت؟! ضربها بالقلم وقال: — عمر: إنتي اتجنيتي ولا إي؟! إحنا سكتناله ولا إي؟! أومال تهدي بقاا! أنا شوية وهقدملك صوابعي العشرة شمع، إنتي مبتتهديش؟! قولت كان غصب عني.. غصب عني، وإنتي السبب في الأول والآخر، إنتي ال دخلتيها بيتنا، إنتي ال عرفتيني عليها، إنتي ال...يتبع للجزء الثاني والاخير

ج1 غدر الحب

حبيبه ياسر

اترك تعليقاً إلغاء الرد

مقالات ذات صلة

حكاية فهد

طلاق اول يوم جواز حكايات ندى الجمل

مصروف البيت للكاتبة نرمين عادل همام

كرامة اهلي ج1

فاتورة التضحيه ج الاخير للكاتبة نرمين عادل همام

خطة غد*ر

اترك تعليقاً إلغاء الرد