ج الاخير حكايات بسمة
ج الاخير
سمر أول ما سمعت جملة “نيابة الأموال العامة” وقعت على الأرض في الصالة، وبدأت تصرخ بصوت هستيري:
— أنا ماليش دعوة! أمي وأحمد هما اللي قالولي امضي! هما اللي جابولي الشقة باسمي عشان خطيبي يوافق يكمل جوازه مني! أنا مكنتش اعرف إن فيها سجن ونيابة!
حماتي مسكت في ذراع الظابط وهي بتترجاه:
— يا باشا ده خلاف عائلي بين راجل ومراته! الفلوس اتسددت والشقة اتكتبت باسمها خلاص! والله العظيم إحنا ملناش دعوة، هي اللي مفترية وعايزة تخرب بيت ابني!
الظابط أخد إيد أحمد وحط فيها الكلبشات بكل سرعة ومهنية:
— الكلام ده تكت بوه في المحضر قدام وكيل النيابة يا حاجة. اتفضل معايا يا أستاذ أحمد من غير شوشرة.
أحمد وهو يتسحب من دراعه ومزيّن بالحديد، بصلي بكسرة ملهاش مثيل، بصلي وهو مش مصدق إن البنت اللي كانت بتوفر ثمن الطقم الجديد، وتلغي خروجاتها، وتدافع عنه قدام أمها وأهلها وتقول “ده بيحوش لمستقبلنا”، هي نفس الشخصية اللي واقفة بكل قوة وثبات بتشوفه وهو بيتسحب للقسم!
قال بصوت مكسور:
— ضيعتي كل حاجة يا ندى… ضيعتي الحب والعشرة عشان شقة وشوية فلوس؟
رديت عليه بابتسامة مريرة وأنا ببص في عينيه لأول مرة من غير أي غشاوة:
— إنت اللي ضيعت كل حاجة يا أحمد يوم ما افتكرت إن الحب معناه الاستغلال، وإن العشرة معناها إني أكون مجرد بنك بيغطي طمعك وطمع أهلك. إنت ما حوشتش لمستقبلنا… إنت حوشت لخطيّتك، والنهارده بس الفاتورة اتدفعت بالكامل.
خرجت الشرطة وسحبوا أحمد معاهم، وحماتي وسمر نزلوا وراهم يجروا في الشارع وهم بيصرخوا ويستغيثوا باللي يسوى واللي ميسواش، والصوت بدأ يختفي بالتدريج لحد ما عمّ الهدوء المكان.
مرت ثلاثة أشهر بعد تلك الليلة.
الشقة الجديدة بقت مفروشة بالكامل، بسالهدوء والأناقة اللي كنت طول عمري بحلم بيهم. مفيهاش قطة واحدة جاية من حرمان أو مساومة. أستاذ عادل المحامي أتم إجراءات الق\ضية، وحكمت المحكمة بالخلع النهائي، وتم تسوية كافة القضايا المالية وإغلاق بلاغ النيابة بعد ما أحمد وأهله وقعوا على إقرار نهائي بعدم التعرض وتنازل كامل عن أي مطالبات مستقبليّة.
أحمد خرج من الق\ضية بدرس عمره ما هينساه: مرته السابقة أخدت الشقة بحكم القانون وفلوسها كامبة، أخته خطيبها سابها أول ما عرف بالمشاكل والشرطة وقضايا النيابة، وأمه اضطرت تبيع حتة الأرض اللي حيلتها في البلد عشان تفك رهن البيت، وبقى أحمد عايش في شقة أمه القديمة، بمرتب مكسور، ومن غير شقة ولا زوجة ولا مستقبل كاللي كان بيحلم بيه على حسابي.
