ج الاخير حكايات بسمة

مرّت الثماني والأربعون ساعة ثقيلة كأنها دهور. البيت كان يخيم عليه صمت أشبه بصمت المقابر، صمت لا يقطعه سوى صوت خطوات أحمد وهو يذرع الصالة جيئة وذهاباً، أو رنين هاتفه الذي لم يهدأ لحظة. كنت أقف في شرفة الغرفة، أراقب الطريق وأرتشف كوباً من القهوة بخطوات واثقة ونفس هادئة، بينما كان أحمد خلفي ينهار قطعة قطعة.

في تمام الساعة الخامسة مساءً، انفتح باب الشقة بدفعة قوية. دخلت حماتي وبصحبتها سمر، ومعهما رجل يرتدي بدلة داكنة ويحمل في يده حقيبة جلدية عريضة. كان الإرهاق قد أكل من وجه حماتي، واختفت نبرة التعالي التي طالما واجهتني بها، بينما كانت سمر تسير بخطوات مكسورة وعيناها منتفختان من كثرة البكاء.

جلس المحامي على طرف الأريكة، وأخرج مجموعة من الأوراق والملفات، ثم نظر إليّ بجدية وقال:

— أستاذة ندى… أنا محامي العائلة، وجاي النهارده عشان ننهي الموضوع ده بشكل ودي يضمن حقوق كل الأطراف ومن غير ما نوصل للنيابة أو المحاكم.

ابتسمت ابتسامة خفيفة وجلست أمامه بكل ثبات:

— اتفضل يا أستاذ، كلي آذان صاغية… بس افتكر إن شروطي كانت واضحة ومافيهاش فصال.

حماتي تدخلت بصوت بحّ فيه التعب، لكنها حاولت الحفاظ على ما تبقى من كبريائها:

— إحنا لغينا رهن البيت القديم يا ندى… بعت أرض صغيرة كنا وارثينها في البلد، وتسلم المبلغ للبنك وفكّينا الرهن وخلاص البيت بريء من أي قرض. الشقة القديمة مابقتش مرهونة.

نظرت إلى أحمد ثم إلى المحامي، فاستطرد المحامي مكملاً:

— مظبوط يا مدام ندى، ده مخالصة رسمية من البنك بفك رهن العقار. أما بالنسبة للشقة الجديدة اللي باسم الأستاذة سمر… فالأستاذة سمر جاهزة حالياً للتنازل الكامل عن الشقة لصالحك في الشهر العقاري، بشرط واحد.

رفعت حاجبي وسألت ببرود:

— وشرط إيه ده إن شاء الله؟

حماتي هي التي ردت بسرعة ونبرة توسل مستترة:

— الشرط إنك ترجعي لأحمد الورقة اللي معاكي… إقرار الدين، وعقد التنازل عن نصيبه في بيت أبوه، ويدخل في عقد الشقة الجديدة معاكي بالنصف، كأن الشقة دي هي الشقة اللي كنتم بتبنوها مع بعض طول الأربع سنين!

ضحكت بمرارة ونظرت لأحمد الذي كان ينظر إليّ بعينين تتوسلان الرحمة.

— أرجع الورق؟ وأدخل أحمد معايا بالنص؟ إنتوا فاكرين إننا بنلعب؟ أحمد طول أربع سنين كان بياخد نص مرتبي ويديهولكم، كان بيسرقني بعلمكم وتشجيعكم. إنتوا ما فكيتوش الرهن ورجعتوا الشقة إلا لما السيف بقى على رقابكم بتهمة التزوير والنصب! الشقة الجديدة هتتكتب باسمي أنا فقط… كتعويض عن الأربع سنين اللي ضاعوا من عمري وفلوسي اللي اتسحبت مني بالحيلة.