ج2 حكايات انجي الخطيب
لو ما فتحتيش الشقة هيتم الاقتحام وتتحملي مسئولية مقاومة السلطات!خالد جه صوته عبر السبيكر متقاطع مع كلامهم، وكان صوته زي الرعد:—اسمعني يا حضرة الضابط أنت والأستاذ المحضر! أنا الأستاذ خالد عبد الرحمن محامي نقض!
الورق اللي في إيدكم ده تسليم وقتي صادر بناءً على عريضة كاذبة، وأنا حالاً واقف قدام المحامي العام ومقدم طعن وتظلم مباشر بوقف التنفيذ برقم محضر تم تقييده من ساعة واحدة بس! وأي تحرك لاقتحام الشقة أو أخذ الأطفال هيكون إجرام في حق القانون وهتتحاسبوا عليه جنائياً بتهمة البلاغ الكاذب والتعدي على حرمة مسكن!
ريهام صرخت بعصبية قدام الباب:—ما تسمعوش كلامه! ده بيعطل التنفيذ! الورق اللي معايا ساري ونفذوا فوراً على مسئوليتي!لكن المحضر مسك العريضة اللي في إيد ريهام وبدأ يراجعها بتوتر، وبص لأمين الشرطة وقال:—استنى يا باشا.. الأستاذ بيقول في تظلم اترفع أمام المحامي العام ورقم محضر.
. إحنا لو نفذنا وفيه قرار وقف، هنسيل إحنا المسؤولية!كريم اتدخل بصوت مفضوح ورخيص، كان باين فيه الرعب إن اللعبة تتفركش:—يا حضرة الضابط افتح الباب! دي مراتي وعيالي جوة وأنا خايف عليهم منها! هي مش متزنة نفسياً!رديت عليه بكل قسوة من ورا الباب:—أنا مش متزنة يا كريم؟
ولا أنت اللي مش راجل وسايب أُمك وريهام يلعبوا بيك وبشرفك وبعيالك عشان قرشين وشقة؟! الشقة اللي أبايا الله يرحمه هو اللي جابها لك من خيره!الشتيمة والتصريح ده قدام أمناء الشرطة والمحضر خلى كريم يوشه يحمر ويتخرس تماماً.
المحضر مسك تليفونه وطلب رئيسه في المحكمة، ودارت بينهم مكالمة سريعة، وبعدها بص لريهام بغضب وقال:—أستاذة ريهام.. أنتِ دخلتينا في حيطة سد! التظلم فعلاً اتقيد، والمحامي العام أصدر قرار بوقف تنفيذ أي قرار وقتي لحين الشق المستعجل بكرة الصبح! التنفيذ ملغي دلوقتي!
ريهام اتجننت:—يعني إيه ملغي؟! أنتم جايين تضيعوا وقتي؟!أمين الشرطة بص لها بنظرة قرف وقال:—إحنا بننفذ القانون يا أستاذة مش بننفذ أهوائك! يلا بينا.. ويا مدام سارة، بكرة الصبح حضرتك والمحامي بتاعك تكونوا في المحكمة لبحث التظلم والشق المستعجل.
سمعت خطواتهم وهي بتبتعد.. وريهام كانت بتصرخ في كريم في الطابق:—أنت السبب! لو كنت اتصرفت بدري ماكانش جوز أختها لحق يعمل التظلم ده! أنت شخص بيمشي ورا أمه وما بتعرفش تتصرف!صوت كريم وهو بيرد عليها بقلة حيلة كان أضعف من القش.
