اجبرني على الزواج ل شروق خالد
اتسعت عيناي.
«أنا؟ أنا ما عنديش حاجة.»
«أنا مصدقك.»
وفجأة، دوّى صوت رصاصة في الصالة.
سليم شدني ناحيته، ووقف بجسده قدامي يحاول يحميني.
وبينما رجاله بدأوا يواجهوا المهاجمين، سمعت صوت خطوات تقترب من السلم.
سليم بصلي وقال:
«ليان، مهما حصل، ما تسيبيش إيدي.»
لكن قبل ما أقدر أرد، ظهر رجل ملثم أعلى السلم.
وفي إيده ظرف أبيض.
صرخ:
«يا بنت كمال الشناوي! أبوكي سايبلك رسالة.»
رما الظرف على الأرض.
وبعدين قال الجملة اللي خلت الدم يتجمد في عروقي:
«لو عايزة أبوكي يفضل عايش، لازم تعرفي الحقيقة عن جوازك من سليم المنصوري.»
حكايات شروق خالد
للحظة، محدش اتحرك.
حتى سليم، اللي كان طول الوقت ثابت بشكل يخوف، عينيه اتعلقت بالظرف اللي وقع على الأرض.
الراجل الملثم ابتسم من ورا القناع.
«إنتِ فاكرة إن جوازك من سليم كان مجرد صفقة؟»
سليم رفع سلاحه في اتجاهه.
«انزل من مكانك.»
الراجل ضحك.
«إنت لسه فاكر إنك المتحكم في كل حاجة يا سليم؟»
وبعدين رجع خطوة.
رجالة سليم اندفعوا ناحية السلم، لكن الراجل اختفى بسرعة في ممر جانبي، وقبل ما يوصلوا له، دوّى صوت باب بيتقفل بعنف.
سليم أمر رجاله:
«دوروا عليه! ما يخرجش من البيت.»
وبعدين انحنى وأخذ الظرف من الأرض.
ناولني إياه.
«افتحيه.»
بصيت له.
«إنت مش هتفتحه؟»
«دي رسالة لأبوكي كاتبها ليكي.»
إيدي كانت بتترعش وأنا فتحت الظرف.
جواه ورقة واحدة.
خط أبويا.
عرفته من أول كلمة.
«ليان…
لو وصلتك الرسالة دي، يبقى أنا فشلت أحميكي بالطريقة اللي كنت فاكر إنها هتحميكي.
أنا آسف.
لكن لازم تعرفي إن الجواز من سليم ما كانش مقابل فلوس، ولا نفوذ، ولا صفقة سياسية.
أنا كنت بحاول أخليكي بعيدة عن ناس أخطر من عيلة المنصوري نفسها.
من سنين، كنت شاهد على حاجة ما كانش المفروض أشوفها.
وحاولت أدفن الموضوع.
لكن الناس اللي وراها ما نسيوش.
لما بدأوا يقربوا منك، ما كانش قدامي غير حل واحد.
سليم.
هو الشخص الوحيد اللي أقدر أثق إنه يحميكي.
ولو إنتِ بتقري الكلام ده، يبقى لازم تعرفي الحقيقة كاملة.
أمك ما ماتتش في الحادث اللي حكيتلك عنه.
هي عايشة.»
وقعت الورقة من إيدي.
«إيه؟»
سليم اتجمد.
بصيت له.
«أمي عايشة؟»
ما ردش.
قربت منه.
«إنت كنت عارف؟»
فضل ساكت.
صرخت:
