ج الاخير حكايات صافي هاني

أول ما الراجل قال الجملة دي، حسيت إن رجلي اتثبتت في الأرض."مفيش سبب نخليها عايشة من غير ما تعرف الحقيقة." بصيت لأحمد. كان واقف عند الباب ووشه متجمد. قلت بصوت عالي: — أحمد... إنت تعرف الراجل ده؟ما ردش. الراجل اللي كان واقف جنبي قال: — ما تسأليش أحمد. هو نفسه مش عارف يقولك الحقيقة. بصيت له.— إنت مين؟قال: — اسمي حسام. كنت شغال مع والدك. الرجل الغريب اللي ماسك الملف الأسود اتقدم خطوة.— خلصنا من الكلام ده. هاتي المفتاح. حسام وقف قدامي.— مش هتاخده. الراجل ضحك.— إنت فاكر إنك لسه تقدر تحميها؟ في اللحظة دي أحمد اتكلم: — محدش هيلمِس سلمى. الراجل بص له باحتقار.— متأخر يا أحمد. أنا بصيت لأحمد: — إنت كنت عارف إن فيه خزنة هنا؟قال: — لأ. حسام رد: — كان يعرف إن فيه خزنة، لكنه ما كانش يعرف مكانها. بصيت لأحمد. — وإنت كنت بتيجي هنا مع أبويا؟هز رأسه.— أيوه.— قبل جوازنا؟— أيوه.— ليه؟قال بصعوبة: — أبوكي طلب مني أراقب محمود. محمود، اللي كان واقف ساكت طول الوقت، اتوتر.— ما تدخلنيش في الموضوع. بصيت له.— إنت كنت السبب في كل ده؟قال: — أنا ما عملتش حاجة. حسام ضحك: — محمود كان سبب المصيبة الأولى، لكن مش هو صاحب الخطة. الراجل اللي ماسك الملف قال: — كفاية. وبعدين بص لي: — المفتاح. قلت: — مش هديهولك. قال: — إنتِ مش فاهمة هو بيفتح إيه.— عشان كده مش هديهولك. اقترب خطوة. أحمد وقف بيننا.— ارجع. الراجل قال: — إنت آخر واحد يتكلم عن الحماية. أحمد سكت. حسام بص لي وقال: — سلمى، لازم تروحي للخزنة قبل ما حد يوصّل لها. قلت: — فين؟أشار ناحية غرفة أبويا القديمة.— ورا المكتبة. دخلنا الغرفة. حسام بدأ يحرك الكتب واحدة واحدة. بعد ثواني، ظهرت فتحة صغيرة في الحائط. حطيت المفتاح. لفيته. سمعت صوت نقرة. فتحت الخزنة. جواها كان فيه ملف كبير. وأظرف. وصور. وفلاشة قديمة. وفي النص...علبة صغيرة عليها اسمي. مسكتها. قبل ما أفتحها، أحمد قال: — سلمى، استني. بصيت له.— ليه؟قال: — لأن أبوكي كان قايل لي إنك لو وصلتِ للخزنة، لازم تعرفي الحقيقة كلها مرة واحدة.— وإنت كنت عارف؟— كنت عارف إن فيه حاجة.— بس خبيت. نزل عينه. فتحت العلبة. كان جواها جواب. بدأت أقرأ."بنتي سلمى..." نفسي اتقطع. "لو إنتِ وصلتي للجواب ده، يبقى كل محاولاتي إني أبعدك عن الموضوع فشلت." دموعي نزلت."أول حاجة لازم تعرفيها إن أحمد ما دخلش حياتك عشان فلوسك." بصيت لأحمد. كان بيبص للأرض. كملت."أنا اللي طلبت منه يقرب منك." اتصدمت. يعني هو ما خدعني من البداية؟كملت القراءة. "كنت عارف إن فيه ناس بتحاول توصل للملكية اللي باسمك. وكنت عارف إن محمود تورط في مشروع مش بتاعه، وإن الشخص الحقيقي اللي وراه بيحاول يستخدمه." قلبي دق بسرعة."لكن فيه حاجة أخطر. الشخص اللي كان بيدير الموضوع كان قريب من العيلة." رفعت عيني. الراجل صاحب الملف الأسود كان واقف بعيد. بص لي بثبات. كملت: "ولو قابلتيه، ما تثقيش فيه." رفعت عيني للرجل. ابتسم. قال: — أبوكي كان دايمًا بيخاف زيادة. قلت: — إنت الشخص اللي كان بيتكلم عنه؟ما ردش. حسام قال: — أيوه. الرجل ابتسم.— كان بينا شغل. قلت: — شغل خلّى أبويا يمــ,,ـــــوت؟ سكت. أحمد قال: — كفاية. الرجل بص له.— إنت بالذات ما تتكلمش. وبعدين رمى الملف الأسود على الترابيزة.— كل اللي في إيدك ده مالوش قيمة لو ما عرفتيش الجزء الأخير. قلت: — إيه الجزء الأخير؟قال: — أبوكي قبل مــ,,ـــــوته بأسبوع نقل جزء كبير من الملكية باسمك. بصيت للورق.— عشان يحميني. — أيوه.— وإنت كنت عايز توصل له؟— مش أنا. سكت. قلت: — أمال مين؟الرجل بص لمحمود. محمود اتوتر.— ليه بتبصلي؟الرجل قال: — لأن محمود كان هو نقطة الدخول. محمود صرخ: — أنا ما كنتش أعرف!حسام قال: — كنت تعرف أكتر مما بتقول. محمود بدأ ينهار: — أنا كنت محتاج فلوس! وبس!بصيت له. — إنت اللي وقعتني في الديون؟— لأ!— إنت اللي استخدمت اسمي؟— لأ!— أمال مين؟محمود سكت. ثم بص لأحمد. اللحظة دي كانت كفاية. قلت: — أحمد؟أحمد رفع عينه.— أنا ما زورتش توقيعك.— بس كنت عارف.— أيوه.— وساعدتهم.— في البداية.— وبعدها؟قال: — لما فهمت إنهم عايزين ياخدوا ملكيتك، وقفت. ضحكت بمرارة. — وقفت بعد ما اتجوزتني؟— كنت بحاول أصلح.— وإزاي؟— كنت بدور على المستندات اللي تثبت إن الملكية بتاعتك.— وليه ما قلتليش؟سكت.— عشان كنت خايف.— من مين؟بص للرجل.— منه. الرجل ابتسم.— أخيرًا قلت الحقيقة. ثم فتح الملف الأسود. طلع صورة. وحطها قدامي. كانت صورة قديمة جدًا لأبويا مع شخص آخر. لكن الشخص الآخر...كان والد منة، عروسة محمود. اتجمدت.— ده والد منة. حسام هز رأسه.— أيوه. بصيت لأحمد.— يعني عيلة العروسة كانت عارفة؟قال: — من زمان. وبدأت الصورة تكمل قدامي. زواج محمود من منة ما كانش مجرد جواز. والفرح اللي كنت أنا مطالبة أدفعه. ..كان جزءًا من خطة أكبر. قال حسام: — كانوا عايزين محمود يتجوز منة عشان العيلتين ترجع بينهم شراكة قديمة. قلت: — وأنا؟قال: — إنتِ كنتِ الحلقة الأهم.— ليه؟— لأن الجزء الأكبر من الملكية القديمة بقى باسمك. الرجل صاحب الملف قاطع: — والبيت اللي حاولوا ياخدوه منك كان مجرد بداية. قلت: — بداية لإيه؟ حط قدامي ورقة. كان مكتوب فيها وصف لعقار كبير. وبجانبه نسبة ملكية. وبعدين قال: — البيت اللي إنتِ كنتِ فاكرة إنهم عايزينه عشان محمود ومراته...قلب الورقة.— قيمته الحقيقية أكبر بكتير من اللي كنتِ تعرفيه. قلت: — قد إيه؟قال: — كفاية إنه يسدد كل ديون محمود، ويغيّر حياة ناس كتير. سكت. وبعدين أضاف: — وعشان كده كلهم كانوا مستعدين يعملوا أي حاجة عشان يسيطروا عليه. أنا ما كنتش مصدقة. لكن في اللحظة دي، رن تليفون محمود. بص للشاشة. وشه اتغير. قال: — ألو؟سكت. وبعدين بدأ يبص لنا.— إيه؟ صوته ارتفع: — يعني إيه اتقفلت؟سكت. ثم قال: — لأ، مستحيل. قفل المكالمة. قلت: — مين؟قال: — البنك.— قال إيه؟— الحسابات اتجمدت. بص لأحمد.— كلها. وبعدين بص لي.— والديون القديمة رجعت تظهر رسميًا. حماتي، اللي كانت واقفة عند باب الغرفة، حطت إيدها على صدـ,,ـــرها.— يا نهار أبيض. حسام قال: — لأن اللي حصل في الفرح كان مجرد أول خيط. قلت: — إيه اللي حصل؟قال: — كل العقود اللي اتعملت باسم محمود اتراجعت.— مين راجعها؟— جهة قانونية بدأت تتحرك. بصيت لأحمد.— إنت عملت كده؟قال: — لأ. الرجل صاحب الملف ابتسم.— أنا اللي عملت. قلت: — ليه؟قال: — لأنني كنت محتاجهم يوصلوا لمرحلة يضطروا فيها يفتحوا كل الملفات.— وإنت عايز إيه مني؟قال: — توقيعك.— على إيه؟طلع ورقة جديدة.— تنازل عن حقك في الملكية. ضحكت.— عشان كده كل ده؟قال: — لو وقعتِ، كل شيء ينتهي.— ولو ما وقعتش؟ابتسم. — الديون هتستمر، والقضايا هتزيد، وممكن ناس كتير تخسر كل حاجة. قلت: — وإنت فاكر إني هخاف؟قال: — مش لازم تخافي. وسكت لحظة.— لكن لازم تعرفي إن عندي نسخة من مستندات تخص أبوكي. قلبي انقبــ,,ـــــض.— إيه المستندات؟قال: — المستندات اللي تثبت إن أبوكي نفسه كان موافق على نقل الملكية. بصيت لحسام. هز رأسه بسرعة.— ما تصدقيهوش. الرجل ضحك.— عشان كده جبتها. طلع ظرفًا أبيض. فتحه. حط صورة ورقة قدامي. قريت أول سطر. وكان فعلًا توقيع أبويا. إيدي بدأت ترتعش. قلت: — ده حقيقي؟حسام قال: — ما تمضيش على حاجة. أحمد قرب مني.— سلمى، الورقة دي ناقصة. بصيت له.— إيه؟قال: — آخر صفحة مش موجودة. الرجل اتغيرت ملامحه. أحمد كمل: — وأنا عارف فين الصفحة الأخيرة. كلنا بصينا له. الرجل قال: — ما تتكلمش. أحمد قال: — الصفحة الأخيرة عند الشخص الوحيد اللي يقدر يثبت إن الورقة دي اتعملت بطريقة قانونية. سألته: — مين؟ بص لأمي... ثم صحح نفسه بسرعة: — أقصد... الشخص اللي كان شاهد على الاتفاق. قلت: — مين هو؟أحمد سكت. الرجل اندفع ناحيته، لكن حسام وقف بينهما. وفي اللحظة دي...سمعنا صوت عربيات كتير وقفت قدام البيت. وبعدها طرق قوي على الباب. صوت واضح من الخارج: — شرطة! افتحوا الباب!الكل اتجمد. الرجل صاحب الملف الأسود بص لأحمد بغضب.— إنت بلغت عننا؟أحمد رد: — لأ. بص لي.— هي اللي عملت البلاغ. اتصدمت.— أنا؟!أحمد قال: — مش إنتِ. وبعدين بص ناحية الباب.— والشخص اللي بلغ... هو نفس الشخص اللي كان مع أبوكي ليلة وفاته. سكت الجميع. وبدأت حماتي تبكي. أما محمود فانهار على الأرض. والرجل صاحب الملف حاول يخبي الورق. لكن قبل ما الباب يتفتح...طلع صوت من آخر الممر. صوت امرأة. صوت كنت أعرفه. صوت مستحيل يكون موجود. سمعته يقول: — سلمى... أنا اللي طلبت منهم يجيبوا الورق. بصيت ناحية الصوت. وظهرت امرأة من الظل. وأول ما شفت وشها...ما قدرتش أتنفس. لأنها كانت...أخت أبويا اللي كل العيلة قالت إنها ماتت من أكتر من عشرين سنة. فضلت واقفة مكاني، مش قادرة أتحرك ولا حتى أرمش. الست اللي واقفة قدامي كانت بتبصلي بعينين فيهم دموع، وأنا كل اللي قدرت أقوله: — إنتِ...صوتي اختفى. هي قربت خطوة.— أيوه يا سلمى... أنا عمتك نوال. رجعت لورا.— مستحيل. هزت راسها.— عارفة إنك مش مصدقة.— عمي قال إنك متي من أكتر من عشرين سنة. ابتسمت ابتسامة حزينة. — عمك قال حاجات كتير. بصيت لحسام. كان واقف ساكت، ووشه متغير. قلت: — إنت كنت عارف إنها عايشة؟هز راسه.— أيوه. صرخت: — وكل السنين دي محدش قالي؟!نوال قربت مني.— أبوكي هو اللي طلب منهم يخفوا خبر وجودي.— ليه؟قبل ما ترد، الباب الخارجي اتفتح ودخلت الشرطة. الرجل صاحب الملف الأسود حاول يتحرك ناحية الباب الخلفي، لكن اتوقف. واحد من الضباط قال: — محدش يتحرك. حماتي انهارت على الكرسي. محمود كان لسه واقف مصدوم. أما أحمد فكان باصص لنوال كأنه شاف شبح. نوال بصت له وقالت: — إنت كبرت يا أحمد. أحمد بلع ريقه. — حضرتك عارفة اسمي؟ضحكت بحزن.— أنا عارفة عنك أكتر مما تتخيل. بصيت لأحمد.— إنت تعرفها؟قال: — شفتها مرة واحدة زمان.— فين؟— عند والدك. نوال قاطعته: — كان وقتها صغير، وأبوكي كان بيجهزه لحاجة مهمة. قلت: — لحمايتي؟هزت راسها.— أيوه. سألتها: — طب ليه اتجوزني؟سكتت. وبعدين قالت: — لأن الخطة اتغيرت. بصيت لأحمد. كان ساكت. قلت: — اتغيرت إزاي؟نوال قالت: — أبوكي كان فاكر إن الخطر هييجي من بره العيلة.— وطلع من جوه؟— بالضبط. بصيت ناحية حماتي. هي كانت باصة في الأرض. قلت: — ماما أحمد كانت تعرف؟نوال ردت: — كانت تعرف جزء. حماتي رفعت رأسها بسرعة.— نوال، متدخليش ابني. نوال بصت لها.— أنا مش اللي دخلته. ثم أشارت لأحمد.— هو اللي اختار يكمل. أحمد قال: — أنا كنت بحاول أصلح اللي حصل. نوال ردت: — بعد ما فات الأوان. بصيت لأحمد.— إنت خبيت عليا كل ده ليه؟ قال: — لأن أبوكي طلب مني. ضحكت.— أبويا مات من سنين!— قبل ما يمــ,,ـــــوت طلب مني ما أقولكيش.— وليه؟— لأنه كان خايف إنك تعرفي الحقيقة فتدوري وراها.— وأنا كنت عايشة إزاي؟سكت. قلت: — متجوزة واحد داخل حياتي بسبب سر مالي، وبيته وعيلته بيحاولوا ياخدوا ملكيتي، وأنا آخر واحدة تعرف؟ أحمد قرب.— أنا حبيتك يا سلمى. رفعت إيدي.— ما تقولش كلمة الحب دي دلوقتي. وقف.— لأن الحب مش معناه إنك تخبي عني حياتي كلها. في اللحظة دي، الضابط قرب من الرجل صاحب الملف.— اسمك كامل؟الرجل قال اسمه. حسام بص لي وقال: — ده كان شريك والدك القديم. قلت: — هو اللي تسبب في مــ,,ـــــوته؟الرجل ضحك.— والدك مات في دــ,,ـــــادث. نوال قالت: — لأ. الكل سكت.— إنتِ كنتِ هناك؟هزت راسها.— كنت.— وشوفتي إيه؟قالت: — أبوكي كان راجع من مقابلة معاه. الرجل انفعل: — ما كانش معايا!نوال ردت: — كان معاك. الضابط تدخل: — كفاية. الكلام ده هيتقال في التحقيق. الرجل سكت. لكن نوال كانت لسه باصة لي. قالت: — في حاجة لازم تعرفيها قبل ما أي حد ياخدك من هنا.— إيه؟— البيت اللي إنتِ نقلتي منه مش هو كل ملكيتك. قلت: — أمال إيه؟— فيه أرض ومخزن وشركة صغيرة وأصول تانية باسمك. اتصدمت.— أنا ما أعرفش أي حاجة عن ده.— لأن أبوكي كان مخبيهم.— ليه؟— عشان يحميهم. حسام قال: — وكل المستندات موجودة في الخزنة. بصيت للخزنة.— دي؟هز راسه.— دي مجرد البداية. فتحت الملف الكبير. لقيت عقود ملكية. حسابات. إيصالات. وأسماء شركات. كلها مرتبطة باسم أبويا. لكن وسط الأوراق كان فيه مستند واحد مكتوب عليه: "نقل الملكية بعد الزواج." اتجمدت.— بعد الجواز؟نوال قالت: — أيوه.— يعني إيه؟— أبوكي كان عايز الملكية تنتقل ليكي بالكامل بعد ما تتجوزي وتستقري. — وأنا اتجوزت.— لكن المستند اتوقف.— ليه؟بصت لنوال. سكتت. قلت: — ليه؟قالت: — لأن حد قدم اعتراض قبل جوازك بأيام.— مين؟نوال ما ردتش. بصيت لأحمد. وشه كان بيقول إنه عارف. قلت: — أحمد؟قال: — مش أنا.— محمود؟— لأ. بصيت لحماتي. هي بدأت تبكي. قلت: — إنتِ؟حماتي هزت راسها.— أنا كنت بحاول أحمي ابني. صرخت: — من إيه؟قالت: — من أبوكي. اتجمدت.— أبويا؟— كان عايز يسلمه للشرطة. محمود رفع رأسه.— إيه؟حماتي قالت: — محمود كان متورط في حاجة أكبر من الديون. محمود صرخ: — ماما!الضابط بص له.— متورط في إيه؟محمود بدأ يبكي.— أنا ما كنتش أعرف. نوال قالت: — كان بيمضي أوراق. قلت: — أي أوراق؟نوال ردت: — أوراق نقل ملكيات. بصيت لمحمود.— يعني كنت بتستخدم كواجهة؟هز راسه وهو بيبكي.— كانوا بيقولولي دي أوراق شراكة عادية. حسام قال: — وكانوا بيستخدموا توقيعه عشان ينقلوا الملكيات من أصحابها. قلت: — وملكيتي؟سكت.— ملكيتي كانت واحدة منها؟حسام قال: — كانوا بيحاولوا يوصلوا لها. فجأة فهمت. الفرح. البيت. الديون. كل الضغط اللي حصل. كان الهدف الحقيقي مش إن محمود يتجوز وبس. كان الهدف إنهم يدخلوا البيت بطريقة تبدو طبيعية، وبعدها تبدأ الإجراءات. قلت: — يعني لما حماتي قالت إن محمود ومراته هيسكنوا عندي...نوال قالت: — كانت عايزة تخلق واقع جديد.— وبعدها؟— وبعدها كانت هتطلب منك توقعي على أوراق بحجة نقل بعض الخدمات أو الإجراءات. بصيت لأحمد.— وإنت كنت هتعمل إيه؟قال: — كنت هوقفهم.— إمتى؟— قبل ما يحصل. ضحكت.— بس حصل. سكت. الضابط بدأ يجمع الأوراق. الرجل صاحب الملف الأسود كان بيبص لي بنظرة غريبة. قلت: — إنت ليه كنت عايز المفتاح؟قال: — لأن فيه ورقة واحدة ناقصة.— إيه؟— عقد الشراكة الأصلي. حسام قال: — مش معاه. الرجل ابتسم.— لأ، معاه. الكل بص له. قال: — النسخة الأصلية كانت مع أبوكي. بصيت لنوال.— فين؟قالت: — مش في الخزنة.— أمال؟سكتت. قلت: — نوال!قالت: — أبوكي سلّمه لشخص واحد قبل مــ,,ـــــوته.— مين؟بصت لأحمد. أنا اتجمدت. أحمد نفسه اتصدم.— أنا؟قالت: — أيوه. قلت: — إنت معاك العقد الأصلي؟أحمد هز رأسه.— والله ما أعرف. نوال قالت: — كان في شنطة سلمها لك. أحمد بدأ يفكر. وفجأة وشه اتغير.— شنطة...قلت: — فاكرها؟قال: — أيوه.— فين؟— عندي. قلت: — فين عندك؟سكت. وبعدين قال: — في بيتنا القديم. البيت اللي كنت أنا ساكنة فيه قبل ما أنقل. البيت اللي دخلته حماتي ومحمود وعروسته يوم الفرح. البيت اللي كان مليان عسل ودبابير. بصيت له.— العقد هناك؟هز راسه.— غالبًا. قلت: — يعني لازم نرجع. حسام قال: — لأ. — ليه؟— لأنهم لو عرفوا إن العقد هناك، هيروحوا قبلك. بصيت للضابط.— ممكن نروح مع بعض؟قال: — بعد ما نخلص الإجراءات. الرجل صاحب الملف ضحك.— متأخرين. الكل بص له. قال: — الشقة ما بقتش مقفولة. سألت: — إزاي؟ ابتسم.— لأن الدبابير اختفت. حسيت بقشعريرة.— إيه؟قال: — الناس اللي هناك دخلت من بدري. أحمد بص لي.— مين؟الرجل رد: — اللي بيدوروا على العقد. خرجنا من البيت القديم بسرعة. كنت راكبة مع أحمد، ونوال وحسام في عربية تانية. طول الطريق أحمد ساكت. وأنا مش قادرة أبص له. لحد ما قال: — سلمى.— نعم؟— لو لقينا العقد...— هعمل إيه؟— هتطلبي الطلاق؟بصيت من الشباك.— مش عارفة. قال: — أنا عارف إني غلطت.— غلطت كتير.— بس في حاجة واحدة لازم تعرفيها.— إيه؟قال: — يوم ما أبوكي مات...سكت.— كنت موجود. بصيت له.— عارف.— لكني ما كنتش لوحدي. قلبي دق. — مين كان معاك؟ما ردش. وصلنا للبيت. نزلنا. الباب كان مفتوح. دخلنا بحذر. الأثاث ما زال ناقصًا. آثار العسل على الأرض كانت موجودة. لكن الدبابير فعلًا اختفت. حسام بص حوالين المكان.— حد دخل هنا. نوال قالت: — دوروا على الشنطة. بدأنا نفتش. الغرف. الخزائن. المخزن. مفيش حاجة. وبعدين أحمد وقف في نص الصالة. بص للأرض.— هنا. قال: — الشنطة كانت مخبية تحت الأرضية الخشبية. حرك جزءًا من الخشب. ظهر صندوق صغير. فتحناه. الشنطة كانت جواه. أحمد مد إيده. لكن قبل ما يفتحها...سمعنا صوت تصفيق بطيء من خلفنا. واحد...اتنين...تلاتة...بصينا كلنا ناحية باب الشقة. كان واقف رجل ما شفناهوش قبل كده. قال: — أخيرًا وصلتوا. أحمد وقف قدامي. الرجل ابتسم.— متخافوش. بصيت له.— إنت مين؟قال: — أنا الشخص اللي كان أبوكي بيثق فيه أكتر من أي حد. نوال شهقت.— مستحيل...بصيت لها.— تعرفيه؟هزت راسها. — أيوه. الرجل قال: — وأنا الوحيد اللي يعرف الحقيقة الكاملة. بصيت للشنطة.— والعقد؟قال: — جواها. وبعدين أضاف: — بس لو فتحتيها...سكت.— إيه؟ابتسم.— هتعرفي مين . أبوكي. وفجأة...سمعنا صوت مفتاح بيتحرك في باب الشقة. الرجل ابتسم وقال: — اتأخروا. بصيت ناحية الباب. ودخلت حماتي. لكن المرة دي...كانت ماسكة في إيدها مسدس؟أول ما الباب اتفتح، وظهرت حماتي، وأنا شفت اللي في إيدها، قلبي وقع في رجلي. لكنها ما كانتش ماسكة سلاح زي ما تخيلت للحظة. كانت ماسكة شنطة صغيرة، ووراها محمود ومنة. حماتي قفلت الباب وراها وقالت بصوت مرتعش: — محدش يتحرك. الرجل الغريب ابتسم.— اتأخرتي يا أم أحمد. بصيت لها وأنا مش فاهمة.— إنتِ كنتِ جاية هنا ليه؟حماتي بصتلي، ولأول مرة من يوم ما عرفتها، ما كانش في عينيها تحدي ولا غرور. كان في خوف. خوف حقيقي. قالت: — عشان أمنع الكارثة قبل ما تحصل. ضحكت بمرارة.— بعد كل اللي عملتيه؟— أنا غلطت يا سلمى.— غلطتي؟ إنتِ حاولتي تاخدي بيتي وفلوسي!نزلت عينيها.— عارفة. محمود قرب منها.— ماما، كفاية. بصت له.— اسكت يا محمود. ثم بصتلي وقالت: — أنا طول عمري كنت فاكرة إني بحمي ابني. كل مرة كنت بضغط عليكي كنت بقول لنفسي إنك غنية ومش هتتأثري، وإن محمود محتاج، وإن أحمد جوزك ومن حقه يساعد أخوه. سكتت لحظة.— لكن الحقيقة إني كنت بحاول أهرب من أخطاء ابني. محمود بدأ يبكي.— أنا السبب. بصيت له.— أخيرًا عرفت؟ هز راسه.— عرفت متأخر. الرجل الغريب قاطعنا: — الكلام ده كله مالوش لازمة. افتحي الشنطة. أحمد وقف قدامي.— مش هتفتحها. الرجل ابتسم.— العقد لازم يظهر. نوال قالت: — مش إنت اللي تحدد. الرجل بص لها.— لسه بتلعبي دور الحامية؟قالت: — طول ما سلمى عايشة، أنا مش هسمحلك تقرب منها. وقتها فهمت إن الموضوع أكبر من فلوس. أكبر من البيت. وأكبر حتى من محمود وديونه. كان فيه شيء أبويا قضى سنين بيحاول يحميه. أحمد مسك الشنطة. فتحها. جواها كان فيه ظرف بني قديم. وملف صغير. وفلاش ميموري. وصورة لأبويا واقف مع شابين. واحد منهم كان أحمد. والتاني...كان الرجل اللي واقف قدامنا. بصيت للصورة، وبعدها للرجل.— إنت كنت شريك أبويا. قال: — أيوه.— وإيه اللي حصل؟سكت. نوال قالت: — قولي لها. الرجل تنهد.— أبوكي اكتشف إن الشركة اللي كنا بنشتغل فيها كانت بتتلاعب في الملكيات والعقود.— وإنت؟— حاولت أوقفهم. ضحكت.— وبعدين؟— فشلت. أحمد قال: — وأبوها هو اللي كمل. الرجل بص له.— أبوكي كان أذكى مننا كلنا. سألته: — طيب ليه كل السنين دي كنتوا بتخوفوني وبتحاولوا توصلوا لبيتي؟— أنا ما حاولتش.— أمال مين؟سكت. نوال ردت: — أخويا. اتصدمت.— عمي؟هزت راسها. — عمك ما ماتش من الفقر ولا عاش حياته عادي زي ما كنتي فاكرة. هو كان داخل في شغل أبوكي من البداية. حسام قال: — وكان عايز يوصل للملكية. نوال كملت: — أبوكي اكتشف ده. ولما حاول يواجهه، حصلت المشكلة اللي أدت لوفاته. سألت: — يعني عمي تسبب في مــ,,ـــــوت أبويا؟ — ما نقدرش نقول كده من غير دليل. الرجل أشار للشنطة.— عشان كده الورقة دي مهمة. فتحت الظرف. لقيت ورقة مكتوبة بخط أبويا. إيدي كانت بتترعش. وقريت: "بنتي سلمى...لو الورقة دي وصلتلك، يبقى أنا ما قدرتش أشرحلك بنفسي. أهم حاجة تعرفيها إن فلوسي وبيتي وأي ملكية مكتوبة باسمك مش هي أهم حاجة. أهم حاجة إنك ما تثقيش في حد لمجرد إنه من العيلة. ولا تخافي من حد لمجرد إنه بيهددك. ولو في يوم لقيتي نفسك وسط ناس عايزين ياخدوا منك حقك باسم الحب أو العيلة أو الاحتياج، افتكري إن الحق مش بيتقسم حسب مين بيزعق أكتر. اختاري نفسك. واحمي حقك. لكن ما تظلــ,,ـــــميش حد." وقفت عن القراءة. دموعي نزلت. كنت فاكرة إني بقرأ وصية عن فلوس. لكن أبويا كان بيكلمني عن حياتي كلها. عن أحمد. عن حماتي. عن محمود. وعن نفسي. في آخر الورقة كان مكتوب: "وأما الرجل اللي اسمه موجود في الملف...فهو مش عدوك. هو الشخص اللي أنقذ حياتي في آخر أيامها." رفعت عيني للرجل.— إنت؟هز راسه.— أيوه. قلت: — طب ليه خوفتني؟— عشان الناس اللي كانت بتراقبك كانت لازم تفتكر إني ضدك. حسام قال: — وده كان السبب في الملف الأسود. بصيت لأحمد.— وإنت كنت عارف كل ده؟هز راسه.— كنت عارف جزء.— بس مش كله.— لأ. سكت. وبعدين قال: — وأنا غلطت لما فضلت ساكت. قرب مني.— أنا دخلت حياتك بسبب وعد لأبوكي، لكن اللي حصل بعد كده كان اختياري. بصيت له.— يعني جوازنا بدأ بكذبة. قال: — أيوه.— وانتهى بإيه؟دموعه نزلت.— ده قرارك إنتِ. لأول مرة حسيت إن القرار فعلًا بقى في إيدي. مش في إيد حماتي. ولا أحمد. ولا محمود. ولا حتى أبويا اللي مات. أنا. أنا اللي أقرر. بصيت لحماتي.— وإنتِ؟بدأت تبكي.— أنا آسفة. — آسفة على إيه؟— على كل مرة حسستك إن فلوسك حقنا. سكتت.— وعلى كل مرة قللت منك. ثم بصت لمحمود.— وعلى إني خليتك تفتكر إن الرجولة إنك تاخد من مرات أخوك. محمود قال: — أنا كمان آسف يا سلمى. منة كانت واقفة جنبه. وقالت بصوت منخفض: — وأنا كمان. بصيت لها. — إنتِ عملتي إيه؟قالت: — كنت فاكرة إن البيت جاهز لينا وإن سلمى موافقة. محمود قالي إن كل حاجة متفق عليها. محمود هز رأسه.— أنا كنت بكذب عليها عشان الجواز يتم. سألت: — والفرح؟— ما كانش معايا فلوس. ابتسمت رغم وجعي.— عشان كده كنت مستني أنا أدفع. هز رأسه.— أيوه. قلت: — دلوقتي هتدفع. بص لي باستغراب.— إزاي؟— تشتغل.— ولو مش قادر؟— تتعلم.— والديون؟— تتحمل مسؤوليتها. بصت لحماتي.— وأنا مش هبيع بيتي عشان أسددها. هزت رأسها.— حقك. خرجنا من البيت بعد ما اتسلمت المستندات للجهات المختصة، وكل واحد فينا رجع بيته. لكن أنا ما رجعتش لبيتي القديم. لأ. رجعت للبيت اللي استأجرته لنفسي. بيت صغير. هادي. من غير صراخ. من غير حد بيخبط على الباب ويطلب فلوس. من غير حد يقوللي: "إنتِ معاكي، يبقى تدفعي." قعدت في البلكونة بالليل. حسام اتصل بيا. قال: — المستندات كلها اتراجعت.— والنتيجة؟ — معظم الملكيات سليمة، ومفيش حد يقدر ياخد منك حاجة من غير إجراءات قانونية صحيحة. قفلت عيني. أول مرة أحس بالأمان. وبعدها بأيام، بدأت الحقيقة تظهر واحدة واحدة. اتضح إن محمود كان داخل في شراكة فاشلة، وإنه وقع على أوراق ما فهمهاش. والديون اللي عليه كانت حقيقية. لكن بعض المطالبات كانت مضخمة. أما الأوراق اللي حاولوا يستخدموا فيها اسم سلمى، فثبت إن بعضها غير صحيح. والأهم...اتفتح تحقيق في الأشخاص اللي كانوا بيحاولوا يستغلوا أسماء أصحاب الأملاك. أما عمّي، فاختفى لسنوات، لكن المستندات الجديدة أعادت فتح ملفات قديمة، وبدأت الجهات المختصة تبحث عن حقيقة دوره في كل اللي حصل. ولأول مرة...أنا بطلت أجري ورا الإجابة. لأن بعض الإجابات، لما تيجي، بتكون مؤلمة. وبعد شهرين، أحمد طلب يقابلني. قعد قدامي. كان شكله مختلف. مش أحمد اللي كان دايمًا بيستخبى ورا أمه. قال: — أنا طلقتك. بصيت له.— عارفة.— مش جاي أطلب منك ترجعي. سكت.— جاي أقولك إني أخيرًا فهمت إن الراجل مش اللي يخلي مراته تدفع عنه. ابتسمت ابتسامة صغيرة. — كويس إنك فهمت.— وهبدأ من جديد.— أتمنى. وقف. وقبل ما يمشي قال: — بس في حاجة واحدة مش هقدر أنكرها.— إيه؟— رغم كل اللي بدأ غلط... أنا حبيتك بجد. بصيت له. المرة دي ما غضبتش. قلت: — وأنا كنت بحبك. سكت.— بس الحب لوحده مش كفاية. هز راسه.— عارف. ومشي. بعدها بشهور، محمود بدأ شغل جديد. منة وقفت جنبه. وسددوا أول جزء من ديونهم بنفسهم. أما حماتي...فبقت تزورني أحيانًا. لكن المرة دي كانت تيجي ومعاها حاجة بسيطة. طبق أكل. كيس فاكهة. وتقول: — ده ليكي. وفي مرة قالت: — عارفة أكتر حاجة وجعتني؟قلت: — إيه؟قالت: — إني كنت شايفة فلوسك كتير، ومش شايفة إنك بني آدمة ممكن تتوجع. ما رديتش. لأن بعض الاعتذارات ما بترجعش اللي اتكسر. لكنها ممكن تمنع كسر جديد. أما البيت القديم...اتباع. والفلوس اللي جت منه اتحطت في حساب منفصل باسمي. وما قربتش منها فترة طويلة. كنت محتاجة أتعلم إن الأمان مش في إن يبقى عندي فلوس كتير. الأمان في إني أعرف إن قراري ملكي. وبعد سنة كاملة، رجعت لبيت أبويا. دخلت أوضة مكتبه. وقفت قدام صورته. وقلت: — فهمت أخيرًا يا بابا. فتحت الدرج. لقيت ورقة صغيرة ما شفتهاش قبل كده. كانت مكتوب فيها: "يا سلمى...لو وصلتي للورقة دي، يبقى أكيد عديتي بأصعب حاجة كنت خايف منها. بس لو لسه واقفة على رجلك...يبقى أنا كنت مطمن عليكِ من البداية." ضحكت وسط دموعي. وقلت: — أنا واقفة يا بابا. قفلت الدرج. لكن قبل ما أخرج، سمعت صوت ظرف بيتزحلق من جوه درج تاني. رجعت. فتحته. كان فيه صورة قديمة. صورة أبويا. وأمي. ونوال. وحسام. وأحمد... لكن كان فيه شخص سادس واقف وراهم. شخص أنا ما شفتوش قبل كده. قلبت الصورة. لقيت جملة واحدة مكتوبة بخط أبويا: "لو عرفتِ مين الشخص السادس... هتعرفي ليه كل ده حصل من البداية." فضلت ماسكة الصورة وأنا مش قادرة أتنفس. لأن الصورة كانت متاخدة قبل ما أحمد يدخل حياتي بسنين. والرجل السادس...ما كانش غريب. كان شخص أعرفه كويس جدًا. شخص كنت بثق فيه. شخص كنت بشوفه قدامي كل يوم تقريبًا. وفي اللحظة دي فهمت إن كل اللي حصل من أول حكاية البيت. ..ما كانش النهاية. كان مجرد أول طبقة من سر أكبر. بس المرة دي...ما خفتش. ابتسمت، وحطيت الصورة في شنطتي، وقلت لنفسي: — اللي بدأ بخوف... أنا اللي هخليه ينتهي بالحقيقة. وخرجت من أوضة أبويا. قفلت الباب ورايا. ولأول مرة من سنين...ما كنتش الست اللي الكل عايز ياخد منها حاجة. كنت الست اللي أخيرًا عرفت قيمة نفسها. وعرفت إن البيت مش أربع حيطان. والفلوس مش أمان. والجواز مش تنازل. والعيلة مش تصريح مفتوح لحد إنه يظلــ,,ـــــمك. وإن التسامح مش معناه إنك ترجعي لنفس المكان اللي اتكسرتي فيه. أما أنا...فبدأت حياتي من جديد. من غير خوف. من غير أسرار. ومن غير ما أستنى حد ينقذني. لأني أخيرًا...عرفت أنقذ نفسي بنفسي.

مقالات ذات صلة

سرقة الخاتم ج الاخير حكايات روماني مكرم

الدرس المتأخر

بويا اللي … وحبيبي ابن عدوي ج2 حكايات شروق خالد

ج 1 تنظيف الشقة روماني مكرم

ج الاخير سلفي حكايات روماني مكرم

كل اسبوع ج3

اترك تعليقاً إلغاء الرد